لە كوردستان‮..‬ داعش و سەرەتای‮ كووتايى

شفق نيوز

          

راسيه‌گه‌ی خوه‌يان چه‌ ئويشن ئه‌را خوه‌يانه‌و ئاكامه‌گه‌يش مه‌رجه‌ ك ئه‌ويش شكه‌ستخواردن خوه‌يانه‌و چه‌وه‌ڕی ئه‌وه‌ نه‌كرديان بڕه‌سنه‌ ئی ئاكامه‌. داعش وه‌ بوونه‌ی ئی هه‌مگه‌ شاره‌زايی سه‌ربازی جوراوجوور سوپای وه‌رين عراقيه‌ له‌ شوون هه‌ر شكه‌ستيگ پلان تازه‌يگ دانه‌ن، ك يه‌يش بويه‌ نه‌فوه‌رگرتن له‌ كه‌ش وهه‌وا ئه‌را په‌لامارداين مه‌خموور و گوێر، وه‌لی له‌ی په‌لاماريشه‌ شكيان و دوياخريش وه‌خاتر ئه‌وه‌ك جه‌نگ ئاڵشت بكا ئه‌را شوونيگ تر په‌لامار ناوچه‌يل كه‌ركووك دا له‌ دو ديمه‌و، ك وه‌ نه‌خشه‌و پلانيگ خوازيار بوی مه‌رام پيس خوه‌ی جيوه‌جی بكا، وه‌لی ئی پلانيشه‌ وه‌ ئيراده‌ی كورد پێشمه‌رگه‌و مه‌ردم چه‌ونه‌ترس كوردستان ناته‌دی.

لايه‌نيگ تر په‌لاماريان ئه‌را كه‌ركووك ئه‌وه‌ بوی چه‌و له‌بان موسڵ لابيه‌ن و چه‌نگ ئازادكردن ئه‌و شاره‌ هه‌ڵبگرن، يه‌يش بيجگه‌ لايه‌نه‌ ئابووريه‌ گرينگه‌گه‌ی ده‌يشت كه‌ركووك ك وه‌نه‌فت ده‌وڵه‌مه‌نه‌و سه‌ره‌تايش وه‌ جه‌نگ قه‌ناس ده‌س وه‌پی كرياو دوياخريش ده‌سكردنه‌ مينڕيژكردن و نه‌فوه‌رگرتن له‌ كه‌ره‌سه‌يل تر.

له‌يرا جی خوه‌يه‌ له‌وه‌ر خاتر مقه‌يه‌تيكردن گيان پێشمه‌رگه‌ ك يه‌ك قه‌تره‌ خوينی ئه‌را ئيمه‌ گشت چشتيگه‌ باس له‌وه‌ بكه‌يم ك بايه‌سه‌ له‌يه‌ودويا سه‌نگه‌ره‌يل نوايين فريه‌ وه‌ خاسی توكمه‌ بكريه‌يد و بورا دزه‌كردنی نه‌مينيد، چوينكه‌ ناكريه‌يد ئاواييگ چه‌ن جار ئازاد بكريه‌يد و خوين ئه‌را بڕشيه‌يد و دوياخر له‌نوو داگيری بكه‌ن و دوباره‌ بريگ شه‌هيد و زه‌خمدار له‌لی بكه‌فيده‌و.

ملله‌ت كورد و شووڕشه‌يلی به‌رزی و نزمی فريه‌يگ ديه‌سه‌ چه‌و، له‌ گشتيانيش خوه‌ی وه‌ده‌سه‌و نه‌ياگه‌و سه‌ركه‌فتگ بويه‌، گومانيش له‌وه‌ نيه‌ وه‌و باوه‌ڕ و ئيمان به‌رز ملله‌ت و ئازايه‌تی پێشمه‌رگه‌ ئی قوناغيشه‌ بڕيم، وه‌لی ئوميدمان ئه‌وه‌سه‌ وه‌ كه‌مترين زه‌ره‌د له‌لی ده‌ربچيم.

شازاد ئه‌نوه‌ر

ج . أ