نه‌بايه‌د كورد نه‌ته‌وه‌يگ بی ده‌وڵه‌ت بوود

شفق نيوز

وه‌لی وه‌ل ئه‌وه‌يشا دياره‌ فكر نه‌ته‌وایه‌تى زاینده‌ى سه‌رده‌م تازه‌يگه‌‌‌، چوینكه‌ كوومه‌ڵگايه‌يل وه‌گشتی له‌ وه‌رجه‌ سه‌ده‌ی 18 نه‌ته‌وه‌یى نه‌وینه‌و هس ئايينی له‌وسا جموجویلده‌ر كوومه‌ڵگا بویه‌ وه‌ره‌و چونێتی گوزه‌ركردن ژيان، وه‌لى له‌ هه‌مان وه‌خت ئاده‌میزاد خوه‌شه‌ویسى ئه‌را شارو شارستانيه‌ت خوه‌يشی ده‌رخستگه‌و پابه‌ند بویه‌ وه‌ مه‌سه‌له‌ى مه‌زه‌وايه‌تی و هووزايه‌تی.

له‌يرا ملله‌ت كورد فيشتر مه‌يلی وه‌لای هس ئايينی بويه‌و هه‌ر وه‌و خاتريشه‌ بویه‌ مه‌سه‌له‌ی ئايينی و سه‌رخستن ئايين ئسلام و هاوكاريكردن ملله‌ته‌يل تر بيگانه‌ له‌ی باوه‌ته‌و وه‌ فه‌رزتر زانستگه‌ له‌ مه‌سه‌له‌ى نه‌ته‌وایه‌تى، ك جی داخه‌ له‌ هويچ سه‌ركه‌فتنيگيش ئاماژه‌ وه‌ قاره‌مانێتی و پاڵه‌وانێتی ئاده‌ميزاد كورد نه‌كرياگه‌ له‌لايه‌ن بيگانه‌يل ناوچه‌گه‌ !!

ئمجا ئه‌تويه‌نيم بويشيم كورد دویاى به‌شه‌وكردن خاكه‌یلى هوير نه‌ته‌وایه‌تی له‌لای په‌يا بوی و بویه‌ خوه‌شه‌ويسی و هویر وباوه‌ڕيگ زينگ له‌لای و هه‌ر وه‌و خاتريشه‌سه‌ ك هه‌ميشه‌ گشت وه‌ختيگ هوير له‌ سه‌روه‌خوه‌يی و دامه‌زرانن ده‌وڵه‌ت ئه‌كاو باوه‌ڕی ئه‌وه‌سه‌ ك نه‌بايه‌د كورد نه‌ته‌وه‌يگ بی ده‌وڵه‌ت بوود وه‌ گووره‌ی شماره‌ی مه‌ردمه‌گه‌ی و نيشتمانه‌ دێرينه‌گه‌ی و رويوه‌ر خاكه‌گه‌ی و زووان و كلتوور و فه‌رهه‌نگ و رووشنهويريه‌‌ جياگه‌ی و هويره‌ ديموكراسيه‌گه‌ی.

جه‌ماڵ ئه‌ركه‌وازی