ئه‌سر تمساح ڕشنێد!

شفق نيوز

ئه‌نریه‌ێده‌ گیرستن, ئه‌وه‌ى ك وه‌ دروو بوود ,وه‌ ئاشكرایى وه‌ یا وه‌دزیه‌و له‌ تانى ئه‌یژن ك نیشتگه‌ ئه‌سر تمساح ئه‌ڕشنێد و ئه‌سره‌گه‌ى دوروكانیه‌.

راس نه‌بوین ئه‌سر تمساح له‌ كووره‌و هاتگه‌: مه‌ردمان  ئه‌وسا و له‌ قه‌دیم زه‌مان باوه‌ڕ داشتن ك تمساح خوراك و خوارده‌مه‌نى خوه‌ى له‌ ڕێ ئه‌سر چه‌وى دابین ئه‌كا, وه‌جووریگ له‌ وه‌خت وه‌رسیه‌تى وه‌ره‌و هشكى ئه‌چێدو جوور جه‌سه‌ى بێ گیان و بێ جموجویلیگ ئه‌راى سه‌عاته‌یل دریژیگ له‌ بان زگى دریژه‌و ئه‌دێ, له‌ى وه‌خته‌ ئه‌سر نویس و ژه‌هرداریگ له‌ چه‌وه‌لى ده‌ر ئه‌كاد ك مه‌ل و موور و حه‌یوانه‌یل وه‌ ته‌ماى خوراك له‌ بانى نیشن و وه‌خاتر نویسى ئه‌سره‌گه‌ى ناتویه‌نن له‌ دام و ته‌ڵه‌ى خوه‌یان نجات بیه‌ن.

تمساح هه‌ر جار ك مه‌ل و موور و شكارى پاوه‌جى له‌ ئه‌سره‌گه‌ى تویش و گرفتاره‌و بدێ  وه‌ هێرشیگ قویتیانه‌و ئه‌یاد هه‌م له‌ نوو ئه‌راى ڕاو و شكار تازه‌ێگ ئه‌سر ڕشنێد.

ئایا له‌ى وه‌ختمانه‌ تویه‌نیمن ئه‌سر ڕاسكانى له‌ ئه‌سر درووكانى له‌ یه‌كه‌و بكه‌یمن و ئه‌راى ئه‌سره‌یل ڕاسكانى قه‌در و قیمه‌ت بنه‌یمن؟!!

 

ئا: سوندوس میرزا