خوه‌د له‌ پيری قورتار بكه‌

شفق نيوز

گشت ئه‌و حاڵه‌ته‌يله‌ ك باسيان كرديم وه‌ شيوه‌ی خراويگ كاريگه‌ری ئه‌كاده‌ بان ژياند، ئمجا وه‌و خاتريشه‌ تا وه‌پێد ئه‌كريه‌ێد كه‌ره‌سه‌ی جوانكاری ماره‌ كار، ك پووسد ئه‌زيه‌ت بيه‌ێد و پويل فريه‌يگ له‌لێد وه‌ تاڵان بيه‌ێد، به‌ڵكوو پشت وه‌ چشته‌يل سروشتی بووه‌س.

له‌ی باوه‌ته‌و، توێژينه‌وه‌يليگ زانستی ك وه‌ی دوياخره‌ ئه‌نجام دريانه‌، دويره‌وكه‌فتن له‌ نگه‌رانی و په‌شيوی وه‌ كار خواست و پڕ هه‌وه‌جه‌يگ زانن، له‌ هه‌مان وه‌خت وه‌ل ئه‌وه‌يش نيين ك قاوه‌ی فريه‌ بخوه‌ێد، يا ماسك خاسيگ دروس نه‌كريه‌ێد ك وه‌ل پووسد نه‌گونجيه‌ێد.

يه‌يش بيجگه‌ جغاره‌كيشان ك وه‌ خراوی شكيه‌ێده‌و له‌بان سافی پووسد و روخسارد لووچلووچه‌و ئه‌كا، هه‌ر وه‌و خاتريشه‌ تا وه‌پێد ئه‌كريه‌ێد هه‌وڵ بيه‌ دگان وه‌ خوه‌د بگرێد و دويره‌و بكه‌فێد له‌ جغاره‌كيشان.

ئه‌گه‌ريش فريه‌ حه‌زيش له‌ قاوه‌ ئه‌كه‌ێد، ئه‌تويه‌نێد رووژانه‌ قاوه‌يگ بخوه‌ێد و جنگه‌يل ڕه‌گامه‌ له‌وه‌ر بكه‌ێد و خوه‌ر له‌ ڕه‌نگ خه‌مينی دويره‌و بخه‌ێد، ك يه‌يش ره‌نگه‌و ئه‌ياد له‌بان روخسار و ده‌م و چه‌ود.

ئه‌وه‌يش له‌ هويرد بوود ك له‌ناونی ماوه‌يگ و ماوه‌يگ تر قژد كه‌مه‌و بكه‌و گرينگی بيه‌ پاكی و ته‌ميزی ناخوينه‌يلد، چوينكه‌ يه‌يش ره‌نگدانه‌وه‌ی خاسيگ ديرێد له‌بان دڵ و ده‌روين ئاده‌ميزاد و ژياريه‌و ئه‌كا.

له‌ كووتاييش ئه‌وه‌يش خه‌يمنه‌ هويرد ك بايه‌سه‌ وه‌خت ته‌ماميگيش ئه‌را خه‌فتن ته‌رخان بكه‌ێد، وه‌ مه‌رجيگ ك رووژانه‌ له‌ ٧ سه‌عات كه‌متر نه‌دێ و بيجگه‌ ئه‌وه‌يش بايه‌سه‌ وه‌رزش فريه‌يگيش بكه‌ێد و خوه‌راك خاس و دروسيگ داشتوێد و ئاو فره‌يگيش بخوه‌ێد، ك يه‌يش نه‌خش وه‌رچه‌ويگ ديرێد له‌ جوانه‌وكردن پووس و له‌ هه‌مان وه‌خت دويرديشه‌و ئه‌خا له‌ ژه‌هراويبوين و ئه‌و په‌شيويه‌يله‌ ك له‌ ئاكام فشار رووژانه‌ وه‌ ده‌سيانه‌و ناڵنێد.

فابيان هۆن