ئه‌راچه‌ كیشه‌ى كورده‌یل فه‌یلى له‌لایه‌ن میدیاى كوردیه‌وه‌ فه‌رامووشه‌؟!

شفق نيوز

پایته‌خت، له‌وانه‌یش وه‌ ڕه‌نگ و ده‌نگ و ژنه‌فیاگ، بیجگه‌ ئه‌وه‌یش گووڤار و رووژنامه‌یل فره‌یگیش دیاردا.

جویر ئه‌وه‌ك ئاشكراو دیاره‌ له‌لاى گشت كه‌سیگ ، زوورم ئه‌و كورده‌یله‌ ك له‌ده‌یشت هه‌رێم كوردستان ژیه‌ن كه‌فتنه‌سه‌ شار به‌غداى پایته‌خت عراق و زوورمیانیش له‌ كورده‌یل فه‌یلیین، له‌وانه‌یش هه‌وڵ و ته‌قلاى گه‌ورایگ دان ئه‌را دامه‌زرانن ده‌زگاى ره‌سانن و رووشنهویرى ك بووگه‌ زووان شایه‌تحاڵیان و ته‌نیا شیوه‌زوان فه‌یلى، ئه‌ویش وه‌كردنه‌وه‌ى ئیزگه‌یگ و شماره‌یگ له‌ گووڤار و ماڵپه‌ڕیگ ئه‌لكترۆنى و تویه‌نست وه‌ چوار زووان(كوردى و عه‌ره‌بى و ئنگلیزى و فارسى)شوون خوه‌ى له‌ناونى ماڵپه‌ڕه‌یل ئه‌لكترۆنى بوینیگه‌وه‌.

وه‌ل ئه‌و هه‌مگه‌ هه‌وڵ وته‌قلاى ره‌سانن یا ئعلامیه‌، تویه‌نیم بویشیم ئى ده‌زگا هویچ وه‌ختى له‌چالاكیه‌یل مه‌ده‌نى دویر نه‌ویه‌و ریكخریاگ(ماڵ كورد)یش گرته‌ باوه‌ش، ك ئه‌ویش له‌لاى خوه‌یه‌وه‌ ده‌سكرده‌ ئه‌نجامداین كاره‌یلى له‌وه‌ر خاتر په‌خشه‌وكردن ماناو ریڕه‌و دیموكراسى و نیشانداین رووشنهویرى له‌گشت مه‌یدانیگه‌وه‌، ئه‌ویش وه‌و چالاكیه‌یل و ئه‌نجامداین كاره‌یله‌ ك دابه‌ش بوى له‌ناونى كۆنگره‌و سیمینار و بوونه‌یل جیاجیاى تر نیشتمانى و مللى چ بوونه‌یل كوردى یا ئه‌را باقى چینه‌یل و پیكهاته‌یل تر كومه‌ڵگاى عراقى.

وه‌قسه‌ى وه‌رپرسه‌یل ده‌زگاى شه‌فه‌ق و ماڵ كورد، ئه‌و هووكار یا وه‌سیله‌یل ره‌سانن كوردیه‌ ك له‌به‌غداو هه‌رێم خه‌ریك كاروبار خوه‌یانن، هه‌ڵویست ئه‌وه‌ له‌لیان گیریاگه‌ ك وه‌ ئاشكرا حاشا له‌ گرفت و كیشه‌و مه‌ینه‌تى كورده‌یل فه‌یلى كه‌ن و له‌ هه‌مان وه‌خت گرنگى یا ئه‌همیه‌ت نیه‌نه‌ چالاكیه‌یل و هه‌وڵه‌یل ره‌سانن یا ئعلامى و مه‌ده‌نى شه‌فه‌ق و ماڵ كورد، ك ئه‌یانه‌ ده‌زگاو ریكخریایگ كه‌موینه‌ن و كیشه‌یل كورده‌یل فه‌یلى گرتنه‌سه‌ خوه‌یان و له‌هه‌مان وه‌خت وه‌رگیرى یا دیفاعیش له‌ هه‌قه‌یل ره‌واو بنه‌ڕه‌تى ئى چین زوڵملیكریاگه‌  كه‌ن.

ئنجا سه‌رۆك ئه‌نجوومه‌ن وه‌ڕیه‌وبردن ده‌زگاى شه‌فه‌ق(عه‌لى حسێن فه‌یلى)له‌ وتاریگ وه‌ بوونه‌ى ساڵیاد(31)ه‌مین كووچ وه‌پیكردن كورده‌یل فه‌یلى وت: ئایا مه‌ینه‌تیه‌یل ئیمه‌ تا ئه‌و ڕاده‌ له‌یوا گه‌وراس ك زوورم هووكاره‌یل ره‌سانن قاپى له‌ڕویمان بووه‌سن؟

له‌ڕووژ 26 ئادار ئى مانگه‌، گونگره‌یگ وه‌ بوونه‌ى (31)ه‌مین ساڵیاد كووچ وه‌پیكردن كورده‌یل فه‌یلى ساز كریا له‌لایه‌ن ماڵ كورد و ده‌زگاى رووشنهویرى و ره‌سانن كورده‌یل فه‌یلى شه‌فه‌قه‌وه‌، ك داوا له‌كه‌ناڵه‌یل ره‌سانن كریا ئاماده‌ى كۆنگره‌گه‌ بوون ئه‌را په‌خشكرنى، وه‌لى گرنگترین كه‌ناڵه‌یل كوردى و له‌وانه‌یش كه‌ناڵ ئاسمانى كوردستان و كه‌ناڵ (حریه‌) ئاسمانى خوه‌یان له‌لى شاردنه‌وه‌، له‌وه‌خت یه‌كه‌وداینیش له‌بان هووكار نه‌هاتن ئه‌و هه‌ردوگ كه‌ناڵه‌یله‌ كریا، په‌یامنێر و ره‌سمگر ئاسمانى كوردستان له‌بیب حه‌بیب نه‌سره‌ت وت: نه‌تویه‌نستیم ئاماده‌ى گۆنگره‌گه‌ بویمن له‌وه‌ر ئه‌وه‌ك خه‌ریك ئاماده‌كردن گوزارش دانیشتن گرنگ یا موهمیگ بویمن له‌ ئه‌نجوومه‌ن وه‌زیره‌یل!!!

وه‌ڕیه‌وبه‌ر ده‌زگاى ریكخستنیش له‌ كه‌ناڵ ئاسمانى (حریه‌) ئه‌یاد محه‌مه‌د نورى ده‌سپیچگ نه‌هاتن كه‌ناڵه‌گه‌ى خسته‌ڕوى وه‌ ئه‌وه‌ك خه‌ریك كاریگ گرنگ تر بوینه‌و بیجگه‌ ئه‌وه‌یش كادر هونه‌رى ته‌واویگ نه‌یاشتنه‌ له‌و وه‌خته‌و زوورمیان موڵه‌ت وه‌رگرتنه‌و نه‌تویه‌نستنه‌ ئاماده‌ى گۆنگره‌گه‌ى شه‌فه‌ق بوون.

هه‌ر له‌ى باوه‌ته‌وه‌ مامۆستاى ره‌سانن یا ئعلام حه‌یده‌ر قوتبى جه‌خت له‌بان خه‌مسه‌ردى ره‌سانن كوردى كرد و بیجگه‌ ئه‌وه‌یش ئشاره‌ت وه‌ئه‌وه‌یش كرد ك له‌لایه‌ن حكوومه‌ت و په‌رله‌مانیشه‌وه‌ مه‌ینه‌تى و كیشه‌یل كورد فه‌یلى له‌هویره‌و بریاگه‌و یه‌یش كاریگه‌رى دیریگ له‌بان ئه‌وه‌ك ره‌سانن یا ئعلامیش له‌ى ڕویه‌وه‌ خه‌مسه‌ردن، وه‌لى حه‌یده‌ر قوتبى له‌لایگ تره‌وه‌ ئه‌ڵڵاجه‌وه‌ى له‌وه‌ هات ك ره‌سانن عراقى گرینگى فره‌یگ ده‌نه‌ كیشه‌یل ده‌ره‌كى و جویر ئه‌وه‌ك له‌ لیبیا رویده‌یگ و خوه‌یان دویره‌و خه‌ن له‌ مه‌ینه‌تى و كیشه‌ى عراقیه‌یل جویر نموونه‌: بوونه‌ى گرنگ یا موهمیگ وه‌ك ساڵیاد (31)ه‌مین ده‌ركردن و بیسه‌روشوونكردن كورده‌یل فه‌یلى.

 

كفاح هادى