مه‌ره‌زه‌ و برنج له‌ خاك كوردستان

شفق نيوز

جوور ئه‌وه‌ك ئاشكراس برنج به‌رهه‌ميگه‌ پايزانه‌و له‌ بڕيگ له‌ ناوچه‌يل هه‌رێم كوردستان ساڵانه‌ كاڵيه‌يدو چه‌ن شيوه‌يگيش ديريد، جوور:

- برنج كوردی: ك ته‌نيا له‌ كوردستان كاڵيه‌يد، چوينكه‌ ته‌نيا وه‌ل ئاو و هه‌وای كوردستان گونجيه‌يد.

- برنج گوڵه‌ چه‌رمگ: ك له‌ هه‌مان وه‌خت"نه‌گازه"يش وه‌پی ئويشن و خاسترين جووره‌يل برنج كورده‌واريه‌.

- برنج به‌رازيلی: ك له‌ده‌يشته‌و‌ تويه‌مه‌گه‌ی ئه‌يه‌رن و له‌ دويای راپه‌ڕينه‌و ئی تويه‌مه‌ وه‌رده‌وام وجوود ديريد له‌ كوردستان و كاڵيه‌يد.

- برنج مه‌وله‌وی: ك " گوڵه‌ قرمز"يش وه‌پی ئويشن له‌وه‌ر ئه‌وه‌ك تويه‌مه‌گه‌ی قرمزه‌.

- برنج عه‌قره‌: يه‌يش جووريگه‌ له‌ برنج كوردی له ‌ناوچه‌ی بادينان.

- برنج ته‌حالف: ك يه‌يش وه‌هه‌مان شيوه‌ تويه‌مه‌گه‌ی له‌ وڵاته‌يل بيگانه‌ هاورياگه‌و كاڵياگه‌.

بيگومان گشت ئی جووره‌ برنجه‌يله‌ له‌هه‌رێم كوردستان كاڵيه‌ن، وه‌لی وه‌ل ئه‌وه‌يشا جياوزاييش هه‌س له‌ناونيان وه‌گووره‌ی خاسی و ره‌واجيه‌گه‌ی له‌لای مه‌ردم، يه‌يش له‌وه‌ختيگ ك جفتياره‌يل شاره‌زايش باس له‌وه‌ ئه‌كه‌ن ك برنج گوڵ قرمز خاسترين برنج كورديه‌و فريه‌ترين داواكاری ها ‌بانی، چوينكه‌ تامه‌گه‌ی خوه‌شتره‌و كه‌متريش هويرده‌ بوود له‌وه‌خت پاككردن.

ئه‌را مه‌سه‌له‌ی خاسی و خراوی برنجيش، جفتياره‌يل كه‌ميگ له‌ چه‌ڵتويكه‌گه‌ ئه‌كه‌نه‌ ناو ده‌س و پاكيه‌و ئه‌كه‌ن و دوياخريش وه‌گووره‌ی شاره‌زايی و مه‌زه‌نه‌ی خوه‌يان ئه‌زانن ك كام برنج خاسه‌و چه‌نيگ ره‌واجه‌، ئمجا برنج عه‌قره‌ ك ته‌نيا له‌ناوچه‌ی بادينان كاڵيه‌يد و برنج گوڵ قرمزيش زوورمی له‌ناوچه‌ی سورداش و بازيان كاڵيه‌يد.

دی نوڕيد بڕيگ چه‌ڵتويك هه‌س وه‌ شه‌ش مانگ ره‌سيد و بڕيگيش له‌لی هه‌وه‌جه‌ وه‌ په‌نج مانگ ديريد ئه‌را به‌رگرتن و برنج گه‌رمه‌سيريش وه‌ ماوه‌ی سێ مانگ ره‌سيده‌ به‌رهه‌م، وه‌لی بايه‌سه‌ له‌ خاكيگ بكاڵيه‌يد ك زويتر گه‌نم و باقله‌ له‌تی كاڵياويد، وه‌نا باقی تويه‌مه‌يل تر بايه‌سه‌ له‌خاكيگ بكاڵيه‌يد زويتر هويچ تويه‌ميگ له‌تی نه‌خرياويد.

عه‌لی گه‌رميانی

ج . أ