هه‌رێم كوردستان نموونه‌ى وه‌رده‌وامى ئه‌قڵ و یه‌كه‌وگرتن هویره‌یله‌

شفق نيوز

دیارده‌یگ  بڕه‌سیمنه‌وه‌و بزانیم كیشه‌و گرفته‌یل چوینه‌و ئه‌قڵ بخه‌یمنه‌ كار ئه‌را چاره‌سه‌ركردن ڕویداگه‌یل ناخوه‌ش و له‌ هه‌مان وه‌خت ئه‌قڵمان بخه‌یمنه‌ كار له‌بان ئى هه‌ڵكه‌فت زنگ  و ئى ژیانه‌.

ئمڕوو دونیاگه‌مان جووریگه‌و بایه‌سه‌ وه‌ هویریگ  هاوبه‌ش و ئه‌قڵیگ  كاركردگه‌وه‌ مامڵه‌ وه‌لیا بكریه‌یگ ، نه‌ك وه‌ ئه‌قڵیگ  به‌سیاگ ك خاوه‌نه‌گه‌ى بووه‌سیگه‌وه‌ له‌بان چشته‌یل بى جموجویل و هویروڕاو خه‌یاڵ ناته‌واویگه‌وه‌. ئى سه‌رده‌میشه‌ ك له‌تى ژیه‌یم سه‌رده‌م په‌یوه‌ندیه‌، ئمجا ئاده‌میزاد تویه‌نیگ  بگه‌ردیگه‌ جه‌هانا وه‌گووره‌ى تووپ شیشه‌یى ك ئه‌ویش ئه‌نته‌رنێته‌ له‌وه‌ر خاتر وه‌دیكردن ئاشنایى و وه‌ڕیه‌وبردن كاره‌یلى وه‌ى ئه‌وه‌ك ماڵه‌گه‌ بیلیگه‌جى.ئمجا ئه‌وه‌ك هه‌ڵكه‌فت یا واقع خوه‌ى دروس نه‌كا یا له‌وه‌خت خوه‌ى ئاماده‌ نه‌وگ وه‌شیوه‌ى كارایگ ، ئه‌وه‌ بیگومان نیه‌تویه‌نیگ  په‌ند له‌ گوزه‌یشته‌ى وه‌ربگریگ  و پیشوازى خاسیگ  له‌ ئاینده‌ بكا، ئه‌ویش وه‌ ئه‌وه‌ك یه‌كه‌میان ئه‌وه‌سه‌ كار له‌بان كاره‌یل كوومه‌ڵایه‌تیمان بكه‌یم نه‌ك جویر گله‌وخواردن ئه‌را شیوازه‌یل كویه‌ن ك وه‌ختى چیه‌ سه‌ر و ژه‌نگن بوى و چه‌واشه‌وه‌ كریه‌یگ  له‌ ئه‌ڵه‌وگه‌ردانن و متمانه‌ى خوه‌ى له‌ده‌سدا له‌بان زه‌وى خوه‌ى، به‌ڵكوو وه‌ داناین یا دوینستنه‌وه‌ى شیواز تازه‌یگ  ئه‌را به‌شدارى و هاوكارى و داناین نه‌خشه‌ى تازه‌و به‌رهه‌م رووشنهویرى تازه‌ و شارستانى و ساقیگ  و له‌وانه‌یش په‌یوه‌ندى، فره‌یى، داناین، دروسكردن، ئاڵشتكارى، گویڕیان.....هتد. ئمجا دویاى راپه‌ڕین ملله‌ت كوردستان ساڵ 1991 دژ رژیم دكتاتۆرى و دویاى ئه‌وه‌ك مقه‌یه‌تیكردن هه‌رێم كوردستان كریا له‌لایه‌ن چه‌ودیر ناوده‌وڵه‌تیه‌وه‌ له‌ سه‌ره‌تاى ساڵه‌یل نه‌وه‌د سه‌ده‌ى وه‌رین له‌ ڕوى وه‌ڕوى بوینه‌وه‌ى تاوانه‌یل وه‌حشیانه‌ى رژیم سه‌دامى دژ ملله‌ت كوردستان، دى هه‌رێم كوردستان بویه‌ نموونه‌ى وه‌رده‌وامى ئه‌قڵ و یه‌كه‌وگرتن هویر و لانه‌ى ژیان ئاشتیانه‌ له‌ناونى گشت نه‌ته‌وه‌و تایفه‌و مه‌زه‌وه‌یل یه‌كگرتگ ، وه‌ل ئه‌ه‌یشا حكوومه‌ت هه‌ڵوژریاگیشى دویاى ئه‌وه‌ك فیدراڵى هه‌ڵوژان جویر چاره‌سه‌ر و ئه‌زموونیگ  گرینگ  یاموهم له‌ ناوچه‌گه‌ تا ئومید و ئاره‌زوو به‌یگه‌ ملله‌ته‌یل ناوچه‌گه‌ ئه‌را ره‌سین وه‌ كوومه‌ڵگاى فره‌یى سیاسى وه‌گشت میكانیزم یا ئالیاتى له‌بان بنه‌ماى ئاشتى و دیموكراسى، ك ئمڕوو زیاتر له‌ ئه‌وسا گه‌ردیگه‌ شوون چه‌سپانن بنه‌ماو بنڕه‌ت دیموكراسى وه‌بى هه‌وه‌جه‌ى گله‌وخواردن ئه‌را تون وتیژى ك مه‌ترسى خستیاگه‌ بان كوومه‌ڵگا. بیجگه‌ ئه‌وه‌یش وه‌شیوه‌یگ  ئاشتیانه‌ كیشه‌ى خوه‌ى خه‌یگه‌ چوارچیوه‌ى گفتوگووكردن وه‌ل حكوومه‌ت مه‌ركه‌زیا له‌وه‌ر خاتر جى وه‌جیكردن به‌نده‌یل ده‌ستوور و ئه‌وه‌ك په‌یوه‌سه‌ وه‌ مادده‌ى 140 ده‌ستووره‌وه‌. هه‌ر له‌وه‌ر ئه‌وه‌یش باوه‌ڕ دیریگ  وه‌ دیموكراسى جویر ئه‌زموونیگ  له‌ مه‌شقكردن ئاده‌میزاد له‌وه‌ر خاتر ئه‌وه‌ك كه‌سیگ  ئازاد بووگ و تواناى هه‌ڵوژانن داشتووگ و له‌یوا له‌ئاده‌میزاد ئه‌كا ك خوه‌ى گه‌وراى خوه‌ى بووگ نه‌ك كه‌سه‌یل تر. هه‌ر له‌وه‌ر ئه‌وه‌یش كوردستانیه‌یل نه‌ف وه‌رگرتن له‌و ئه‌زموونه‌و تویه‌نستن خوه‌یان بڕه‌سننه‌ كنار ئه‌مان وه‌ داناین بنه‌ماى راسه‌قینه‌ ئه‌را ژیان سیاسى خاسیگ  و ئه‌وه‌ بوى ڕى ئاسمان ئازادى گرتنه‌وه‌ر.