ئازادی ڕه‌سانن و بارودوخ سياسی

شفق نيوز

، ئه‌وه‌يش وه‌خاتر نه‌خش گرنگ و مه‌ترسيدار ڕه‌سانن له‌ ئه‌ی قۆناغ جيوه‌جی بوينه‌ ك پڕ له‌ ناكووكيه‌يل و كيشه‌يل سياسی و كۆمه‌ڵايه‌تيه‌ . چوينكه‌ ڕه‌سانن جوور كاره‌يلتره‌ك چوارچيوه‌ و ياسا‌يليگ ديريگ و رێژه‌ی شكه‌ست خواردن يا سه‌ركه‌فتنی وه‌ ڕيگه‌ی كاری و نيشتمانی په‌يوه‌ندی ديريگ ، ئه‌گه‌ر ڕه‌سانن له‌ی چوارچيوه‌ ده‌رچوود و ئه‌ی ياسا‌يله‌ له‌وه‌رچه‌و نه‌گريه‌يگ كار ڕه‌سانن وه ‌به‌رژوه‌نديه‌يل تايبه‌ت و ره‌غبه‌ته‌يل په‌يوه‌ندی په‌يا ئه‌كا هه‌وجووره‌گ له‌ عيراق ئه‌ی ديارده‌ وه‌چه‌و دوينيم . ڕه‌سانن يه‌كيگ له‌ ئامێره‌يل گرنگ لايه‌ن ئاماده‌ كردن هاووڵاتيه‌يله‌ ك له‌بان بارو وه‌زع سياسی و ئيداری ئه‌را دامه‌زرانن ده‌وڵه‌ت عيراق كاريگه‌ری نه‌يگ . چونكه‌ ڕه‌سانن كاريگه‌ری فره‌يگ له‌بان هاووڵاتيه‌يل و هێزه‌يل سياسی ديريگ ، له‌عيراق وه‌گوره‌ی ئه‌ی كاريگه‌ريه‌يله‌ كار كه‌يگ نه‌گ وه‌گوره‌ی به‌رژوه‌نديه‌يل كاری وه‌ دوينيمن ڕه‌سانن بويه‌سه‌ يه‌كيگ له‌و لايه‌نه‌يله‌ ك له‌ كيشمه‌كيشه‌يل سياسی به‌شداری ديريگ و يه‌كيگ له‌ ئامره‌يل زيايه‌و بوين ئه‌ی كيشمه‌كيشه‌يله‌سه‌ .

بايه‌د بزانيم ك ڕه‌ساننيگ وه‌گوره‌ی چوارچيوه‌ی كاری خوه‌ی كار نيه‌كه‌يگ دوو شكل وباوه‌ر ديريگ يه‌كيگ له‌ليان له‌ گويران و ئاڵشته‌و كردن پشتگيری كه‌يگ و ئه‌واكه‌یتره‌ك هاله‌دژ ئاڵشته‌و كردن و گويرانن وه‌لی هه‌ردوولايه‌نه‌يل هانه‌ ناو يه‌ك ريێگه‌ ئه‌وه‌يش له‌وه‌رچه‌و نه‌گرتن چوارچيوه‌ی كاريان و دويره‌و كه‌فتن له‌ باوه‌ره‌يل ڕاگه‌ياندن و له‌وه‌رچه‌و نه‌گرتن راسيه‌يل وه‌ كه‌مه‌كه‌مه‌ گشت ديارده‌يل بیلايه‌نی و كاری له‌ده‌س ده‌ن . ئه‌را ئه‌وه‌گ بتويه‌نيم وه‌زع راگه‌ياندن سرووشتيه‌و بكه‌يم و سه‌رله‌نوو ئه‌را ريێگه‌ی راس وچوارچيوه‌ی كاری دياری كرياگ گليه‌و بيه‌يم  بايه‌د ته‌قالا بكه‌يم راگه‌ياندن له‌ نه‌خشه‌ی كيشمه‌كيشه‌يل سياسی دويره‌و بخه‌يم لوجنه‌ی تايبه‌تيگ ئه‌را كاروبار راگه‌ياندن تايبه‌ت بكه‌يم تا بتويه‌نيگ قانوونيگ ئه‌را راگه‌ياندن دياری بكه‌يگ و كار خوه‌ی جوور ده‌سه‌ڵات چوارم له‌ وڵات جيوه‌جی بكه‌يگ ده‌سه‌ڵاتيگ وه‌ عيراق و هاووڵاتی عيراقی نزيكه‌ و وه‌ليه‌و په‌يوه‌ندی ديريگ .