نه‌خش دبلۆماسيه‌ت له‌ سه‌ده‌ی بيس

شفق نيوز

ئمجا هه‌رچه‌نی چه‌نه‌ها ناكووكی و جه‌نگ و كيشمه‌كيش خويناوی له‌بان ئی جياوازيه‌يله‌ له‌ جه‌هان رويداگه‌، وه‌لی وه‌ل ئه‌وه‌يشا مه‌حاڵيشه‌ بنبڕ بكريه‌ن، چوينكه‌ له‌وه‌ر ئه‌وه‌ك هه‌ميشه‌ به‌رژه‌وه‌نديه‌يل جياواز له‌ناونی خود وڵاته‌يل وه‌ يه‌ك ئاراسته‌ ڕی ئه‌گرنه‌ وه‌ر.

ئه‌گه‌ريش ته‌ماشای ئاكامه‌گه‌ی بكه‌يم، دوينيم له‌ كووتايی ئه‌و مه‌سه‌له‌يشه‌ ره‌سنه‌ ئاست ناخوه‌شی و جه‌نگ و مرافه‌، جارجاريگيش له‌ڕی پرووسه‌ی ديلۆماسيه‌ته‌و تويه‌نريه‌يد راده‌يگ يا مه‌رزيگ ئه‌را كيشمه‌كيشه‌يل دابنريه‌يد.

له‌يرا تويه‌نيم سه‌ده‌ی بيس وه‌ سه‌ده‌ی رويداگه‌يل گه‌ورا تاريف بكه‌يم، له‌وه‌ر ئه‌وه‌ك جه‌نگ يه‌كه‌م و دويه‌م جه‌هانی و جه‌نگ سه‌رد له‌ گه‌وراترين رويداگه‌يل ئی سه‌ده‌ بوين ك له‌تی رويدانه‌، يه‌يش چه‌نه‌ها زه‌ره‌د گه‌ورا ره‌سانه‌ كوومه‌ڵگای ئنسانی.

له‌بان ئه‌و بنه‌مايشه‌ نه‌خش دبلۆماسيه‌ت له‌ سه‌رده‌م سه‌ده‌ی بيس كه‌متر بويه‌و نه‌تويه‌نستگه‌ بدێده‌ وه‌ربه‌سيگ ئه‌را نه‌كه‌فتنه‌وه‌ی جه‌نگ و كيشمه‌كيش چه‌كداری له‌ جه‌هان، وه‌لی يه‌يش وه‌و مانا نيه‌ ك دبلۆماسيه‌ت نه‌خش نه‌ياشتگه‌، چوينكه‌ ئه‌وه‌ هونه‌ر گفتگوو بويه‌، ك له‌ساڵ ١٩٦٢ تويه‌نستگه‌ بدێده‌ هووكار ريگرتن له‌ نه‌كه‌فتنه‌وه‌ی جه‌نگ ئه‌تۆمی له‌ ناونی هه‌ردوگ بلۆك خوه‌رئاواو خوه‌رهه‌ڵات.

هه‌ر له‌وه‌ر ئه‌وه‌يش ئه‌گه‌ر كار دبلۆماسيه‌ت هيز وه‌ليا بدێ، ئه‌وه‌ له‌ی حاڵه‌ته‌ ئه‌گه‌ره‌يل سه‌ركه‌فتنی فيشتره‌، چوينكه‌ لايه‌ن هيزدار فريه‌جار فيشتر ئه‌تويه‌نيد وجوود خوه‌ی بچه‌سپنيد، ك هه‌ر له‌وه‌ر ئه‌وه‌يش كار دبلۆماسی و كه‌ره‌سه‌يلی جوور ئه‌وه‌ك چوين له‌ گوزه‌يشته‌ خاوه‌ن سه‌نگ و قورسايی بوی، وه‌هه‌مان شيوه‌ ئه‌را ئيسه‌و ئاينده‌يش هه‌مان سه‌نگ و قورساييان مه‌ندگه‌و مينيد.

رێبين عه‌بدولڕه‌حمان

ج . أ