ئه‌ده‌ب و فۆلكلۆر كورد

شفق نيوز

 

ئمجا دیاره‌ وه‌گووره‌ى رووژگار و تازه‌گه‌رى و ده‌ركه‌فتن ته‌كنۆلۆجیاى تازه‌ ئاشكراو دیاره‌ ك ئه‌ده‌ب كویه‌ن و ره‌سه‌نایه‌تیمان وه‌ره‌و كزى ئه‌چێد و نه‌وه‌یل دویاى ئیمه‌یش دى وه‌ یه‌كجارى ناهمى بوون له‌ ئه‌ده‌ب و ره‌سه‌نایه‌تى فولكلۆر كورده‌وارى و مێژوو و بنه‌ماى ئى بوار ژیانه‌ ك له‌لاى گشت نه‌ته‌وه‌و له‌گشت وڵاته‌یل دونیا گرینگى یا تایبه‌ت وه‌پى ئه‌دریه‌ید.

له‌ى باوه‌ته‌و ئه‌لیكسه‌نده‌ر كراب ئویشید"فولكلۆر زانستیگ مێژووییه‌، هه‌ر له‌وه‌ر ئه‌وه‌یش بایه‌سه‌ مقه‌یه‌تى له‌لى بكریه‌ید و بووده‌ كوچگ بنه‌ڕه‌ت ئه‌ده‌ب پیشكه‌فتگ "، یه‌یش ماناى ئه‌وه‌سه‌ هه‌ر ئه‌ده‌ب و فۆلكلۆریگ بایه‌سه‌ بنه‌ڕه‌ت و بنه‌ما داشتوود، چوینكه‌ ئه‌گه‌ر وه‌ چه‌واشه‌وه‌ ته‌ماشاى بكه‌یم ئه‌وه‌ بیگومان ناته‌مام و سه‌قه‌ته‌.

وه‌ل ئه‌وه‌یشا ئه‌تویه‌نیم بویشیم فۆلكلۆر خوه‌ى له‌خوه‌ى مێژوویگه‌ ئه‌را زینگى ئه‌و ملله‌ت و نه‌ته‌وه‌یله‌ ك په‌یوه‌سن وه‌پیه‌و، له‌ هه‌مان وه‌خت ناونیشان ره‌سه‌نیگیشه‌و ئیمه‌ى كوردیش له‌وه‌ر خاتر مقه‌یه‌تیكردن و نه‌فه‌وتیان ئه‌ده‌ب فۆلكلۆرمان بایه‌سه‌ وه‌ هه‌وڵ و ته‌قلاى خوه‌مان بخه‌یمنه‌ كار و گشت ئه‌و ئه‌ده‌به‌ گرده‌و بكه‌یم و نه‌یلیم ملله‌ته‌یل تر غه‌یره‌ كورد و ئه‌و وڵاته‌یله‌ ك كورد له‌بانیان به‌شبه‌شه‌و كریاگه‌ له‌ى ئه‌ده‌ب فۆلكلۆرمانه‌ بیبه‌شمان بكه‌ن، چوینكه‌ وه‌ى جووریشه‌ زه‌ره‌دیگ تر ئه‌یه‌ن له‌ مێژوو و فۆلكلۆر نه‌ته‌وه‌گه‌مان.

نه‌جم ئه‌حمه‌د

ج . أ