ئایا سه‌رۆك وه‌زیره‌یل خه‌ت مه‌رجه‌عیه‌ت خوه‌نێد!؟

شفق نيوز

ك به‌شیگى له‌ژیر ساێ ئازادى و دیمۆكراسى و ئه‌و به‌شه‌گه‌ى له‌ژێر حوكم ته‌كڕه‌وى و تونڕه‌وى و دژ دیمۆكراسى و ئازادى!! ك زایه‌ڵه‌ى ته‌پڵ مه‌رگ ته‌نگ له‌ مه‌ردم سته‌مدیده‌ هه‌ڵچنیه‌و لویله‌ى تفه‌نگ و چه‌كه‌یل سووك و قورس چه‌وه‌ڕێ فه‌رمان به‌رپاكردن ئاگر جه‌نگ خویناویه‌و ته‌نانه‌ت ئاژه‌ڵ و باڵنده‌و مه‌ل و مووریش ترس مه‌رگ و په‌راشه‌ى تووپ و گولله‌ى وڵ له‌ گیانیان نیشتگه‌، دانه‌سه‌ شه‌قه‌ى باڵ و لانه‌و ناوچه‌یل پڕ له‌ شنه‌واى پاك خوه‌یان هیشتنه‌سه‌جى و كووچ زووره‌ملى كردنه‌و جه‌ور ئاواره‌یى كیشانه‌، ئه‌وه‌سه‌ دو له‌شكر هه‌ق وناهه‌ق سه‌نگه‌ر له‌یه‌كترى گرتنه‌و نگه‌رانى و دڵه‌ڕاوه‌كى خستنه‌سه‌ دڵ و ده‌روین مه‌ردم سته‌مدیده‌و ژیان له‌لیان كردنه‌سه‌ مه‌رگه‌سات و نائومیدى.

 

هه‌ر له‌ى ئان و سات خه‌ماوییشه‌ په‌یامیگ هه‌واڵه‌ى گه‌ورا مه‌رجه‌عیه‌ت دینى نه‌جه‌ف كریاو ئه‌و په‌یامیشه‌ خواست و داواكارى په‌رله‌مانتاریگ كورد فه‌یلى بوى ك له‌ لایگه‌و خه‌م مه‌ویسى و مه‌ینه‌تى پێكهاته‌و رووڵه‌یل چینه‌گه‌ى كیشێد و له‌لایگیشه‌و خه‌م كورد و پێشمه‌رگه‌ى كوردستان له‌وه‌ر خاتر ئه‌وه‌ك مه‌رجه‌عیه‌ت ده‌خاڵه‌ت بكاو فه‌توایگ ده‌سوه‌جى ده‌رهه‌ق وه‌و جه‌نگه‌ ده‌ربكا ك چه‌وه‌ڕیه‌ وه‌ل كوردا ئه‌نجام بدریه‌ید له‌ئاكام قه‌یران سه‌خت ئمڕوو حكوومه‌ت ناوه‌ندى و حكوومه‌ت هه‌رێم.

 

ئه‌وه‌ بوى عه‌لى حسێن فه‌یلى وه‌ حوكم وژدان ڕێ له‌ مه‌رجه‌عیه‌ت ته‌نگه‌و كرد ئه‌را ده‌ركردن فه‌توایگ جوور فه‌تواگه‌ى مه‌رجه‌ع گه‌وراى كوچكردگ سه‌ید موحسن حه‌كیم هه‌زاران ره‌حمه‌ت له‌لى ك له‌ساڵه‌یل شه‌س سه‌ده‌ى وه‌رین جه‌نگ وه‌ل ملله‌ت كورد حه‌رام كرد، وه‌لى مه‌رجه‌عیه‌ت نه‌جه‌ف سه‌ید عه‌لى سیستانى خودا عومرى دریژ بكا له‌ جوواو داواكاریه‌گه‌ى عه‌لى فه‌یلى دریغى نه‌كرد و فه‌تواى هه‌ق ده‌ركرد و شاندیگیش له‌ى باوه‌ته‌و كلكرده‌ لاى سه‌رۆك وه‌زیره‌یل و تاوانبارى كرد وه‌ هووكار گرژه‌وكردن بار ئیسه‌ى عراق. وه‌لى ئایا سه‌رۆك وه‌زیره‌یل خه‌ت مه‌رجه‌عیه‌ت خوه‌نێد!؟ گشتمان زانیم ك هه‌میشه‌ له‌ دویاى ئازادكردن عراق له‌ 2003 تائیسه‌ چه‌نه‌ها جار رویداگ و كاره‌سات سه‌خت روى له‌ى عراقه‌ كردگه‌و ته‌نانه‌ت له‌وه‌خت جه‌نگ ناوخوه‌یى و خوینڕشیانیش له‌ناونى بڕێگ له‌ لایه‌نه‌یل و حزبه‌یل و ته‌نانه‌ت جه‌نگ نه‌جه‌ف و گرفت چینایه‌تى و مه‌سه‌له‌یل تریش په‌نا ئه‌را سه‌ید سیستانى بریاگه‌و هه‌ر ئه‌و تویه‌نستگه‌ رێژه‌یگ له‌ئارامى په‌یا بكاو جه‌نگ كپه‌و بكا، رێز و حورمه‌ت ئه‌و مه‌رجه‌عیه‌ته‌ جیاوازه‌ له‌ كه‌سه‌یل تر و زوورم سه‌ركرده‌و حزب و لایه‌نه‌یل و وه‌ چه‌و حورمه‌ته‌و ته‌ماشاى به‌یاننامه‌و فه‌تواى ئه‌و مه‌رجه‌عیه‌ت نه‌جه‌فه‌ كه‌ن، دى نازانیم چاره‌نویس جه‌نگ و كیشمه‌كیش وه‌ل كوردا له‌ئاكام تون وتیژى و خوسه‌و كینه‌ت دیكتاتۆریه‌ت ئیسه‌ى عراق تا كووره‌ ره‌سێد و ئاقبه‌تى چوینه‌، چوینكه‌ له‌وه‌خت چگن شاند كلكریاگ ئه‌را لاى نورى مالكى سه‌رۆك حكوومه‌ت و ره‌سانن په‌یام سه‌ید سیستانى له‌باوه‌ت بار سه‌خت و گرژه‌وكردن قه‌یران، خود مالكى وتگه‌: سیستانى پیاویگ دینیه‌و هویچ په‌یوه‌ندییگ نه‌یرێد وه‌ سیاسه‌ته‌و، ماناى ئه‌وه‌سه‌ له‌یره‌ ملهوڕى خوه‌ى ده‌رخستگه‌و خودا خه‌یرى بكا.

 

جه‌ماڵ ئه‌ركه‌وازى