به‌غدا گه‌وراترین شار كوردنشینه‌ له‌عراق بیلا ره‌گه‌زپه‌ره‌س و شۆفێنیه‌یل له‌تى ده‌رچن!

شفق نيوز

جه‌نگ چینایه‌تى له‌ناونى روڵه‌یل ملله‌ت، ئه‌وه‌سه‌ ئمڕوو جاریگ تر هه‌وڵ ده‌مداین جه‌نگ نه‌ته‌وه‌یى و ڕه‌گه‌زى و شۆفینیانه‌ ده‌ن جوور جه‌نگ ساڵه‌یل شه‌س سه‌ده‌ى وه‌رین ك شووڕِش ته‌ممووز كز كردو سه‌ركرده‌گه‌ى شكه‌ست خوارد وه‌ده‌س سته‌مكاره‌یل و ره‌گه‌زپه‌رسه‌یل و دوشمنه‌یل عراق و شووڕشه‌گه‌ى.

 

ئه‌وانه‌ ئمڕوو هه‌وڵ شكه‌ست پرووسه‌ى سیاسى ده‌ن و توان مه‌ردم خه‌ریك بكه‌ن وه‌ كاره‌یل گونجیان نیشتمانى و ده‌رچگن له‌ده‌ستوور و هه‌وڵداین ئه‌را دامه‌زرانن ده‌سڵات ته‌نیا حزبى.

كار ئه‌ڵڵاجه‌وییگ نیه‌ مه‌سه‌له‌ى هه‌ڕه‌شه‌كردن ئه‌را دراوردن كورد له‌به‌غداو ناوچه‌یل عه‌ره‌بنشین هه‌ڵكه‌فت وه‌ل ده‌ركه‌فتن ته‌سریحه‌یل عزه‌ت دوورى له‌شوون ئه‌وه‌ك هس وه‌

ئه‌مان كرد وه‌گووره‌ى په‌یوه‌ندیه‌یل ده‌وڵه‌ت یاسا وه‌پیه‌و له‌ڕى عزه‌ت شابه‌نده‌ر له‌وه‌ر ئه‌وه‌ك به‌ڵكوو شۆفێنیه‌یل و سه‌دامیه‌یل ڕى هاتنه‌وه‌ ئه‌ڕایان په‌یا بوود! ئنجا هه‌ر له‌وه‌ر ئه‌وه‌یش هیمان عراق ها له‌ناو ده‌ریایگ خوین و داواى ده‌ركردن كورد كه‌ن جوور ئه‌وه‌گ بویشێد عراق به‌ش بویه‌ له‌ناونى كورد و عه‌ره‌ب و جوور ئه‌وه‌ك كورد عراقى نین! ئنجا ئایا كى به‌غداو باشوور عراق هیلێده‌ جى ئه‌را سه‌ركرده‌یل میلیشیاى چینایه‌تى ك له‌ژیر په‌رده‌ى حكوومه‌ته‌و ته‌سریح ده‌ن؟ ئایا سه‌رۆك كومار یا وه‌زیر خارجیه‌ ك هه‌ردوگیانیش زووان عه‌ره‌بى له‌گشت سه‌ركرده‌ى میلیشیایه‌یل خاستر زانن ك باوه‌ڕنامه‌یل ساخته‌ ئه‌ڵگرتنه‌؟ ئایا جیگر دویه‌م سه‌رۆك په‌رله‌مان عراق یا جیگر یه‌كه‌م سه‌رۆك وه‌زیره‌یل یا ئه‌ندامه‌یل كورد په‌رله‌مان عراق به‌غدا بیلنه‌ جى؟

ئایا هاوسه‌ره‌گه‌ى سه‌فیه‌ سهێل ك كورده‌ به‌غدا بیلێده‌ جى یا وه‌زیره‌یل كورد له‌حكوومه‌ت و ئه‌و كورده‌یل ك هانه‌ ده‌وڵه‌ت یاساو له‌لیان وه‌زیره‌و له‌لیانیش وه‌ڕیه‌وبه‌ر گشتى و شاره‌زاو راویژكارن؟! یا مالكى جوور واجهه‌یگ ناسه‌یان و مه‌سه‌له‌ى ته‌ها محێدین مه‌عروف خه‌یده‌ هویرمان؟ ئایا سه‌ركرده‌یل سه‌ربازى ك به‌شدارى كردن له‌بنبڕكردن قاعیده‌و میلیشیایه‌یل ده‌رچگ له‌یاسا دى ته‌سریح كریه‌ن؟ ئیمه‌ نیه‌زانیم كى فه‌رمانڕه‌واى راسكانى عراقه‌؟ ئایا قونسڵ ئه‌مریكیه‌ ك شار گه‌ورایگ له‌ناو ناوچه‌ى سه‌وز دروس كردگه‌ یا قونسڵ ئیرانیه‌؟ ئه‌ى ئه‌ڕاچه‌ ئه‌یانه‌ ده‌رناكه‌ن؟

دى نازانیم سوو ده‌ور كى تیه‌ێد، ئایا هه‌ڕه‌شه‌ له‌ توركمان یا ئه‌رمه‌ن و پیكهاته‌یل تر؟ ئایا ده‌زگاى"مه‌دا"یش له‌سلێمانى ده‌رچوود؟

مه‌ردم نیشته‌جى"حه‌ى ئه‌لئه‌كراد"له‌ سه‌وره‌ وه‌رگرى له‌شووڕش ته‌ممووز كردن و روى وه‌ڕوى ده‌بابه‌ى فاشسته‌یل بوینه‌و له‌ساڵ 1963و ئى جاریشه‌ هه‌مان هه‌ڵویست نیشانده‌ن وه‌ل ئه‌شرافه‌یل به‌غدایا له‌نه‌ته‌وه‌و چین و مه‌زه‌و و لایه‌نه‌یل تر سیاسى.

ئى به‌غدا پایته‌خت عراقه‌ گشت كه‌سیگ عراقى له‌هه‌ر ره‌گه‌زیگ بوود هه‌ق خوه‌یه‌ له‌تى بژیه‌ێد. تا دویه‌كه‌ باس له‌گومان فیدراڵى كریا ك گوایا پیكهاته‌یل عراق جیاوه‌ كه‌ێد له‌یه‌كترى، وه‌لى ئه‌وه‌سه‌ ئمڕوو هیزه‌یل سیه‌ مه‌سه‌له‌ى زه‌گه‌زایه‌تى وه‌ دگانیان توكه‌و گرن و توان ناونى پیكهاته‌یل بشیونن!

داوا كه‌ن كه‌ركووك بووده‌ شاریگ عراقى، ئه‌ى ئه‌ڕاچه‌ توان به‌غداى پایته‌خت عراق ته‌نیا بووده‌ عه‌ره‌بى؟ كى به‌شدارى له‌ شووڕش بیس كرد، ئایا كورد و عه‌ره‌ب نه‌وین؟ كى ده‌وڵه‌ت عراقى دامه‌زران، كورد و عه‌ره‌ب نه‌وین وه‌یه‌كه‌و؟ ئایا ئه‌و ده‌ستووره‌ ك كوردو عه‌ره‌ب وه‌یه‌كه‌و نویساننه‌ى نیه‌ویشێد عراق وڵات گشت كه‌سیگه‌؟

بیلا مه‌یدان ئازادى و مه‌یدانه‌یل تر و جاده‌و شاره‌یل عراق خودنیشانداین مه‌ردمى له‌تى ئه‌نجام بدریه‌ێدو ئاشكراى برایى و ژیان هاوبه‌ش بكریه‌ێد و برا كوشتن و شیوانن و كاولكردن نیشتمان له‌تى ڕه‌ته‌و بكه‌ن.

 

ره‌زاق عه‌بود

 

ج