هاوسه‌رگیرى زووره‌ملى...ئاینده‌یگ نادیار

شفق نيوز

زووره‌ملى یه‌كجار فره‌س، وه‌لى ئه‌و ژنه‌یله‌ ك روى كه‌نه‌ لاى ئه‌وان شایه‌ت له‌شوون گفتوگوو فره‌یگ وه‌لیانا ئه‌وه‌ ده‌ربكه‌فیگ ك حاڵه‌ته‌گه‌ى هووكار هاوسه‌رگیرى زووره‌ملیه‌. وه‌ل ئه‌وه‌یشا زانایه‌یل دینییش جه‌خت له‌بان ئه‌وه‌ كه‌ن ك له‌دین ئسلام مه‌سه‌له‌ى هاوسه‌رگیرى زووره‌ملى وه‌گشت شیوه‌یگ قه‌یه‌غه‌ كریاگه‌.

له‌ماوه‌ى ساڵه‌یل گوزه‌یشت له‌ به‌شیگ فره‌ى ناوچه‌یل ده‌یشت شار و به‌عزه‌ جار له‌ شاره‌یلیش هاوسه‌رگیرى زووره‌ملى ئه‌نجام دریا، وه‌لى له‌ناو مه‌ردم باس له‌وه‌ كریه‌یگ ك ئى جووره‌ هاوسه‌رگیریه‌ خه‌ریكه‌ وه‌ره‌و كه‌مى چوود.

وه‌رپرسیگ به‌ش ئامار و به‌حس له‌ وه‌ڕیه‌وبه‌رایه‌تى، شیه‌وكردنیگ له‌باوه‌ت تون وتیژى دژ ژنه‌یل ئه‌نجام داگه‌و ئاشكراى ئه‌وه‌ كردگه‌ ك هاوسه‌رگیرى زووره‌ملى له‌ڕوى قانوونیه‌وه‌ سزاى قورسیگ ئه‌ڕاى دانریاگه‌و ئشاره‌ت وه‌ ئه‌وه‌یش كردگه‌ ك له‌وه‌زع ئیسه‌ى كوردستان وه‌سه‌به‌ب بار ماددى و كومه‌ڵایه‌تى و نه‌وین هه‌ل دامه‌زرانن، پرووسه‌ى هاوسه‌رگیرى هاوسه‌رگیرى دویا خریه‌یگ ، وه‌لى دیاره‌ هاوسه‌رگیرى زووره‌ملى وه‌گووره‌ى كلتوور خیزانه‌یل جیاوازه‌و شایه‌ت فره‌جاریش له‌ناو چینه‌یل به‌رزیش ئى مه‌سه‌له‌ هه‌ر ڕوى به‌یگ .

ئه‌و ژنه‌یله‌ ك ئیسه‌ سه‌ردان ده‌زگایه‌یل په‌یوه‌س وه‌ تون وتیژى كه‌ن، شایه‌ت له‌ سه‌ره‌تاوه‌ نه‌تویه‌نن حاڵه‌ته‌گه‌ى خوه‌یان ده‌ربخه‌ن، وه‌لى له‌شوون گفتوگوو مه‌به‌سیان ئاشكرا كه‌ن ك كه‌فتنه‌سه‌ ناو مه‌سه‌له‌ى زووره‌ملى هاوسه‌رى، ك بیگومان یه‌یش له‌لایه‌ن شاره‌زایه‌یل كومه‌ڵایه‌تى و ده‌روینیه‌وه‌ گفتوگوو وه‌لیانا ئه‌نجام دریه‌یگ و دویاخر مه‌سه‌له‌گه‌ ئاشكرا بوود ك شایه‌ت ئه‌و ژنه‌ له‌بان ڕه‌زامه‌ندى خوه‌ى شوى نه‌كردویگ یا وه‌شیوه‌ى زووره‌ملى دریاویگه‌ شوى. ئنجا له‌ڕوى قانوونیه‌وه‌ جویر ئه‌وه‌ك ئاشكراس مه‌سه‌له‌گه‌ یه‌كلاوه‌ كریاگه‌و قانوون پشتگیرى له‌و ژنه‌یله‌ ئه‌كا ك كه‌فنه‌ ناو حاڵه‌ت هاوسه‌رگیرى زووره‌ملیه‌وه‌و له‌وه‌خت ژنه‌فتن هه‌ر جووره‌ هاوسه‌گیرییگ زووره‌ملى، راسه‌وخۆ به‌نجه‌ى تومه‌ت ئاراسته‌ى مامۆستایه‌یل دینى كریه‌یگ، ئه‌ویش وه‌ گووره‌ى ئه‌وه‌ك له‌ڕوى شه‌رعیه‌وه‌ پرووسه‌ى هاوسه‌رگیرى ئه‌نجام ده‌ن، وه‌لى وه‌ل ئه‌وه‌یشا مامۆستایه‌یل دینى ئاشكراى ئه‌وه‌ كه‌ن ك 90% ئه‌و جووره‌یل هاوسه‌رگیریه‌ ك ئه‌نجام دریانه‌ مامۆستاى دینى وه‌پى نه‌زانستگه‌و هاوسه‌رگیرى زووره‌ملیه‌.

بیگومان له‌لایه‌ن زانایه‌یل ئسلامه‌و جه‌خت له‌بان ئه‌وه‌ كریاگه‌ ك هویچ دویه‌تیگ نیه‌وگ ماره‌ بكریه‌یگ تا پرس وه‌پى نه‌كریه‌یگ، وه‌لى ئه‌گه‌ر هات و دویه‌تیگ خوه‌ى ده‌نگ نه‌كرد ئه‌وه‌ ماناى رازیبوینه‌. وه‌ل ئه‌وه‌یشا ئشاره‌ت وه‌ ئه‌وه‌ كریاگه‌ ك ئیسه‌ ژنه‌یل لایه‌ن رووشنهویرییان خاستره‌و بویه‌و تویه‌نن وه‌ ئازادانه‌ بریار له‌بان چاره‌نویس خوه‌یان بیه‌ن و بایه‌سه‌ له‌بان خواست كوڕه‌گه‌و دویه‌ته‌گه‌ بوود.