ئه‌راچه‌ ده‌وڵه‌تيگ ئه‌را كورد نادێ؟

شفق نيوز

له‌ ساڵ 1921 له‌ كۆنگره‌ى وزاره‌ت داگيركاريه‌يل بريتانى له‌ قاهيره‌ وه‌ سه‌رۆكايه‌تى ونستون تشرشڵ بڕيار ئه‌را خواست ده‌وڵتيگ كوردى دريا وه‌ سه‌رۆكايه‌تى پياويگ هووزايه‌تى جوور باشوور و ناوراس عراق ك تازه‌ له‌ ئمپراتۆريه‌ت عوسمانى قورتاريان بوێد له‌ دوياى جه‌نگ جه‌هانى يه‌كه‌م 1914 – 1918 و هه‌ر له‌وه‌ر ئه‌وه‌يش شێخ مه‌حمود حه‌فيد بريار ده‌وڵه‌ت كوردستان دا ئه‌گه‌ر ده‌خاڵه‌ت توركى وه‌ په‌يام شێخ مه‌حمود نه‌وياتاد ئه‌را حاميه‌ى راوه‌ندوز ك له‌تى خوازيار بوى په‌يوه‌س بدێ وه‌ كوردستانه‌و.

ئمڕوو ئه‌و مێژووه‌ دوباره‌وه‌ بوى، ئمجا توركياى تيه‌نگ ئه‌را نه‌فت هاته‌وه‌و سه‌رۆك وه‌زيره‌يلى باڵوێزه‌يل وڵاته‌يل يه‌كگرتگ و روسيا چڕى و ئاگاداريان كرد ك ده‌وڵه‌ت توركى دامه‌زرانن ده‌وڵه‌تيگ له‌ سوريا ره‌ته‌و ئه‌كا ئه‌را يه‌كه‌يل پاسه‌وان ملله‌ت كورد، وه‌ل ئه‌وه‌يشا توركيا ده‌رفه‌تيگ ئه‌راى هه‌ڵكه‌فت قانجاز له‌ نه‌فت كوردستان بكاو له‌ هه‌مان وه‌خت مه‌ترسى له‌ ئه‌زموونيگ جوور ئه‌زموونه‌گه‌ى يۆگسلافيايش ديرێد ك له‌ناكاو ئاگادارى بوين دوياى رويداگ كۆبانى.

ئيمه‌ له‌ كوردستان عراق خاوه‌ن ئه‌زموونيگ تازه‌يم و كيشه‌ى ئاسايى له‌ مووچه‌ى كارمه‌نده‌يل كوردستان و بگر پێشمه‌رگه‌يش ك به‌شدار بوينه‌ له‌ جه‌نگيگ وه‌ دريژى 1200كم دژ داعش ك ديله‌يل كورد ئه‌سزنێد له‌يوا له‌ مه‌ردمانيگ كردگه‌ خوازيارن گشت ئه‌و ريككه‌فتنه‌يله‌ وه‌ تاڵان بيه‌ن چ ژير وه‌ژير چ وه‌ ئاشكرا.

مه‌ردميش داواى مووچه‌يل نه‌درياگ چوار مانگ خوه‌يان ئه‌كه‌ن و له‌ناكاو به‌ياننامه‌يگ سه‌ركردايه‌تى له‌پشت چه‌ميگ له‌ گوڵزاره‌و ده‌رئه‌چێد له‌ناو هۆلێگ ئه‌را تارانن سه‌رۆك په‌رله‌مان و ئاگادار وه‌زيره‌يليگ ئه‌كريه‌ن ده‌س له‌ كاره‌يليان هه‌ڵگرن و ده‌ربچن، ك يه‌يش ته‌نيا له‌وڵاته‌يليگ دوياكه‌فتگ روى ئه‌ياد.

هه‌ر وه‌و خاتريشه‌ يه‌كێتى نيشتمانى خوازيار ئه‌وه‌ بوى لايگ بكريه‌ێده‌ لاى رووڵه‌يل ملله‌تمان ك زه‌ره‌دمه‌ن بوينه‌ له‌ڕوى ئابوورى و داوا له‌ليان كرد واز له‌ كوچگ وه‌شانن و سزانن باره‌گايه‌يل بارن.

ماناى ئه‌وه‌سه‌ ئيمه‌ يا ئه‌وه‌سه‌ يه‌كترى له‌ناو بووه‌يم يا ئه‌وه‌سه‌ وه ‌گووره‌ى ئه‌قڵ ره‌فتار بكه‌يم و سه‌ركرده‌يلمانيش بايه‌سه‌ به‌زه‌ييان وه‌ ملله‌ت باێد و حورمه‌ت ملله‌ت بگرن، چوينكه‌ ماقوڵ نيه‌ ئاگر به‌رپا بكريه‌ێد له‌ شاره‌يل كوردستان دوياى ئه‌وه‌گ سه‌ركرده‌يل جه‌هان سه‌رسامى خوه‌يان وه‌ شانازى كۆبانى نيشاندان، هه‌ر وه‌و خاتريشه‌ ئويشيم ره‌حم له‌ شه‌هيده‌يل و كرامه‌ت و ئاينده‌مان بكه‌ن ك وه‌تايبه‌ت فريه‌ نيزكه‌و بويمنه‌ له‌ جيوه‌جيكردن ئه‌زره‌ته‌يلمان.

سه‌ڵاح مه‌نده‌لاوى