عه‌تر گڵۆڵانى كییه‌؟

شفق نيوز

مناڵییه‌وه‌ تیكه‌ڵ كارو خه‌بات كومه‌ڵایه‌تى و سیاسى بویه‌ وه‌تایبه‌ت له‌ساڵه‌یل 1944 وه‌و لاوه‌ تا ساڵه‌یل 1948 و 1949، ئنجا وه‌گووره‌ى وه‌خت چشته‌یل ئه‌ڵڵاجه‌ویگ له‌ژیانى دیه‌، له‌شوون كوومار كوردستانیش وه‌ك زوورم نویسه‌ره‌یل و شاعر و خه‌باتكه‌ره‌یل ئه‌و سه‌رده‌مه‌ توش ده‌روه‌ده‌رى و به‌دبه‌ختى ژیان بووگه‌وه‌. ساڵ 1975 له‌هه‌ڵوژاردن په‌رله‌مان چواره‌م سه‌رده‌م پاشایه‌تى وه‌ك نوێنه‌ر بۆكان له‌لایه‌ن مه‌ردمه‌وه‌ هه‌ڵوژریا.

محه‌مه‌د گڵۆڵانى مه‌یل فره‌یگ وه‌لاى شعرا داشتگه‌و شعره‌یلیشى له‌ گووڤار كوردستان په‌خشه‌و كریاگه‌ ك له‌یرا ئه‌را ئه‌وه‌ك زه‌وق و شیواز شعرى جایه‌ڵ جوانیگ 20 ساڵانه‌ى ئه‌و سه‌رده‌مه‌ ئه‌ڕامان ئاشكرا بووگ، نموونه‌یگ له‌شعریگى ك زیاتر ئامانجه‌یل كومه‌ڵایه‌تى و سیاسى له‌ قاڵب غه‌زه‌ل ده‌رخستگه‌ خه‌یمنه‌ڕوى ك له‌تى ئویشیگ :

هه‌تا كه‌ى من بناڵم وه‌و هه‌ناسه‌ى سه‌رده‌وه‌

هه‌تا كه‌ى لیو وه‌بار وه‌ى دڵ پڕ ده‌رده‌وه‌

هه‌تا كه‌ى نائومیدى، سه‌ركزى، ئاواره‌یى

ده‌سه‌زرانى خوین چه‌وم بایگ وه‌ڕه‌نگ زه‌رده‌وه‌

خوه‌شى جه‌رگم هه‌تا كه‌ى بووگه‌ قووت دڵ، وه‌ته‌ن

هه‌تا كه‌ى دیل و یه‌خسیرى وه‌ده‌س جه‌رده‌وه‌

محه‌مه‌د گڵۆڵانى جویر ئه‌وه‌ك باس له‌ ژیان خوه‌ى كردگه‌ له‌سه‌رتاى ژیانیه‌وه‌ تویش به‌دبه‌ختى فره‌یگ هاتگه‌و بیجگه‌ ئه‌وه‌یش زوورم شعره‌یلیشى له‌بان خوه‌شه‌ویسى خاك و نیشتمان نویساگه‌و له‌شیوه‌ى غه‌زه‌ل ده‌ریانخستگه‌، دیاره‌ له‌شوون تیكچگن كوومار كوردستان وه‌ك زوورم نویسه‌ر و شاعر و خه‌باتكه‌ره‌یل ئه‌و سه‌رده‌مه‌، ئه‌ویش كه‌فیگه‌ ده‌م ته‌ڵه‌ى رووژگار و تویش ده‌روه‌ده‌رى و به‌دبه‌ختى ژیان بووگه‌وه‌، دیاره‌ هه‌ر ئه‌وه‌یش له‌ شاعر كردگه‌ زیاتر دڵى ئه‌را خاك و نیشتمانه‌گه‌ى بسزیگ و جویر ئه‌وه‌ك خوه‌ى وتگه‌ وه‌ شانازیه‌وه‌ شعر ئه‌را كوردستانه‌گه‌وم بنویسم و یادگارییگ بیلمه‌جى.

ئنجا جویر ئه‌وه‌ك باس كریاگه‌، محه‌مه‌د نورى (عه‌تر گڵۆڵانى)وه‌ شاعریگ نازگ خه‌یاڵ له‌قه‌ڵه‌م دریه‌یگ.