نه‌ته‌وه‌يگ هه‌ميشه‌ زينگ

شفق نيوز

 

نه‌ته‌وه‌یل داگيركه‌ر وه‌ دریژایى تاریخ حاشا له‌ وجوود نه‌ته‌وه‌ی كورد كردنه‌ و شووڕش و راپه‌ڕینه‌یل كورديش وه‌و خاتره‌ بويه‌ وه‌رگری له‌ مافه‌يل ره‌واين بكه‌ن و هه‌ر وه‌و خاتريشه‌ دوشمنه‌يل و نه‌ياره‌يلی هه‌ميشه‌ ده‌نگی كپه‌و كردنه‌و له‌بان كزه‌وكردن و زه‌فتكردن مافه‌يل ئی نه‌ته‌وه‌ نه‌خشه‌ی هاوبه‌ش دانانه‌ ڕی هوه‌پی نه‌يانه‌ له‌سای ئازادی و سه‌روه‌خوه‌يی تام خوه‌شی و سه‌رفرازی و ئاسووده‌يی بكا.

وه‌لی نه‌ته‌وه‌يگ هه‌ميشه‌ زينگ جوور كورد وه‌رگه‌ی گشت ئه‌و زوڵم و سته‌م و داگيركاريه‌ گرت و هه‌وڵ و خه‌بات بيوچانيگ دا ئه‌را ره‌سين وه‌ مافه‌يل زه‌فتكرياگی و ئيسه‌يش له‌سايه‌ی خودا خه‌ريكه‌ ئی نه‌ته‌وه‌يشه‌ جوور نه‌ته‌وه‌يل تر ك نزيكه‌ له‌ سه‌روه‌خوه‌يی ئه‌چێده‌ رز نه‌مری و هه‌ميشه‌ زينگ نه‌ته‌وه‌يله‌و له‌ ئاكام ئه‌و خه‌بات و شووڕشه‌يله‌ ك ده‌ريايگ خوين له‌تيان ڕشان و هه‌زاران روڵه‌يل بيتاوانی كرده‌ قوربانی ژيان پڕ كه‌رامه‌ت و ئازادی.

ئيسه‌يش بايه‌س له‌ بان گشت كورديگ وه‌ چه‌و خوه‌شاڵی و گه‌شبينيه‌و ته‌ماشای ئاينده‌ نه‌ته‌وه‌گه‌ی بكا، چوينكه‌ كورد روی له‌وه‌رچه‌رخان گه‌ورايگ كردگه‌و نه‌بايه‌د دی جاريگتر هويچ زوڵم و غه‌دريگ قه‌بول بكاو ديل ده‌س ئاواره‌يی و ده‌روه‌ده‌ری بوود، هه‌ر له‌وه‌ر ئه‌وه‌يش بايه‌سه‌ ئيسه‌ودويا له‌ هه‌وڵ چه‌سپانن قه‌واره‌ی نه‌ته‌وه‌يی بويمن و بيچيمن وه‌ره‌و پيری قوناغيگ تر پڕ له‌ سه‌روه‌ری و سه‌رخستن هوير نه‌ته‌وه‌يی.

سابير حه‌سه‌ن

ج . أ