هووكاره‌یل پشتگیرى نه‌كردن پۆسته‌یل باڵاى ژن له‌عراق

شفق نيوز

چه‌وه‌ڕى بكه‌ید، به‌ڵكوو ئه‌و گه‌وراییه‌ وه‌هه‌وڵ و ته‌قلا و كارو شه‌ونه‌خه‌فى و باوه‌ڕ ته‌واو تیه‌یگه‌ ده‌س له‌ هه‌ر مه‌یدانیگه‌وه‌ ك بایه‌سه‌ خه‌بات ئه‌ڕاى بكه‌ید و له‌هه‌مان وه‌خت وه‌ نیه‌ت پاك توایگ. ك بیگومان دویاخریش له‌وه‌ختیگ  بایگه‌ ده‌س رووشنایى وه‌رفراوانیگ  دیریگ و زه‌مینه‌ى خوه‌شیگ  چه‌سپنیگ ئه‌را وه‌كارخستن هویر و كرده‌وه‌یل خاسیگ  وه‌جووریگ  خزمه‌ت بڕه‌سنیگه‌ مه‌ردم، وه‌لى گوناه و تاوان له‌یرا ئه‌وه‌سه‌ له‌ى ڕووژه‌یله‌ ئه‌و گه‌ورایى و پله‌و پایه‌ له‌كوورا هاوریا له‌ناونى شه‌و و ڕووژیگ و هه‌ر وه‌چه‌و پرتاننیگ گشت چشتیگ  جى وه‌جى كریاو ریكخریا ك له‌ده‌یشته‌وه‌ ریك وپیكه‌و له‌ناوه‌وه‌ هویچ جه‌وهه‌ریگ نه‌یریگ.

وه‌ل ئه‌وه‌یشا دوینید دیموكراسى و دادپه‌روه‌رى و یه‌كسانى له‌ئه‌رك و هه‌قه‌یل له‌ هویچه‌وه‌ دروس نیه‌وگ، به‌ڵكوو پرووسه‌یگ وه‌ره‌ده‌وامه‌و كه‌مه‌ كه‌مه‌ دروس بووگ و گشت قوناغیگ تواوكه‌ر ئه‌واكه‌س وه‌گووره‌ى وه‌خت، ك بیگومان یه‌یش له‌بان نه‌زه‌ریه‌یل زانستى نه‌ك له‌بان قسه‌و قه‌وڵداین بى بنه‌ما.

جویر ئه‌وه‌ك ئاشكراس، تاریخیگ  هه‌س ك شوونه‌وارى مینیگ و ڕووشنهویرى گشتى و هوشیارى و خاسى و خراوى له‌بان گشت هاوكیشه‌یگ هیلیگه‌ جى وه‌ل ئه‌وه‌ك كوومه‌ڵگا دیریگه‌ى له‌ ئه‌قڵیه‌ت و دید و باوه‌ڕ له‌باوه‌ت مه‌سه‌له‌یل فره‌یگ و له‌ژیر كاریگه‌رى هووكاره‌یل جووراوجوور و له‌وانه‌یش هویره‌یل جیاجیاو ئایدۆلۆجیاو چشته‌یل تر بیجگه‌ چه‌مگه‌یل گرینگ و ده‌سمیه‌تده‌ر ئه‌را هه‌ر پرووسه‌یگ ك ڕویده‌یگ  له‌مه‌یدانه‌یل ئاشكرا. ئمجا ئه‌گه‌ر وه‌ته‌واوى له‌باوه‌ت ژنه‌وه‌ هویره‌و بكه‌یم وه‌گووره‌ى ئه‌و هووكار و هاوكاریه‌یل گرینگ  یاموهمه‌ ئه‌را ده‌سنیشانكردن پله‌و پایه‌ى له‌ناو كوومه‌ڵگا، ئه‌وه‌ تویه‌نیم تاریف و شیه‌وكردن ئه‌و چشته‌ بكه‌یم ك كوومه‌ڵگا باوه‌ڕ وه‌پى دیریگ  وه‌بى هویچ كاریگه‌رییگ  ده‌ره‌كى و ئه‌وه‌ك ئه‌نجامى ده‌یگ  له‌بان ئى گووشه‌ى زه‌ویه‌ ك تویه‌نیم بویشیم وه‌ چه‌وه‌اشه‌وه‌ باس كریه‌یگ  له‌لایه‌ن به‌عزیگ له‌لایه‌نه‌یله‌وه‌، ك بیگومان نیه‌وگ وه‌ل كیشه‌ى ژنه‌یلا مامڵه‌ى نایه‌كسانى بكریه‌یگ دویر له‌ واقع كوومه‌ڵگا.

ئه‌گه‌ر سستم حوكمیش هه‌ر سستمیگ بووگ و سه‌قامگیر نه‌وگ له‌ بنیات و سروشتى، یا له‌هه‌ر لایه‌نیگ چاره‌نویسازه‌وه‌ ك یه‌كیگه‌ له‌هه‌وه‌جه‌یل سه‌ره‌كى ئه‌را دابینكردن ژیان گشت كوومه‌ڵگا، ئایا ئه‌و كوومه‌ڵگا بووگه‌ كوومه‌ڵگایگ نموونه‌یى و له‌هه‌مان وه‌خت یه‌كسانى و دادپه‌روه‌رى كوومه‌ڵایه‌تى له‌تى وجوود داشتووگ و له‌وانه‌یش هه‌ق ژنه‌یل؟ ئمجا ئایا ك گووش ده‌یگه‌ ئى جووره‌ فكره‌ى داواكریاگیگ ك له‌ورانوه‌ر ژن وژدان باریگه‌ كار؟بیگومان ئه‌گه‌ر بایگ و به‌روارد یا مقارنه‌ى ئه‌و چشته‌یله‌ بكه‌یم ك قه‌واره‌یل سیاسى پیشكه‌شى كردنه‌ له‌وه‌خت دامه‌زرانن حكوومه‌ت تازه‌ دویاى چه‌وه‌ڕیكردن فره‌یگ و دویاى زیاتر له‌ هه‌یشت مانگ ئه‌و مه‌سه‌له‌، ك دیاردا چوین كاندیده‌یل خوه‌یان ده‌سنیشان كردن ئه‌را وه‌رگرتن پۆسته‌یل وزاره‌ت، ئه‌وه‌ ئاست باوه‌ڕ راسه‌قینه‌ى ئه‌و قه‌واره‌یله‌ ده‌رهه‌ق وه‌ تواناى ژنه‌یل تیه‌یگه‌ ده‌سمان وه‌بى ده‌سكارى و جوانكارى و ئه‌گه‌ر گووش به‌یمنه‌ قسه‌و قه‌وڵه‌یلیانیش ئه‌وه‌ نسبه‌ى ژن نیه‌چه‌سپیه‌یگ له‌ پرووسه‌ى سیاسى و ده‌ستوور عراقى.