ئاشكراكردن سه‌روه‌خوه‌يى له‌ مانگ موحه‌ڕه‌م

عه‌لى  حسێن فه‌يلى

شه‌فه‌ق نيوز/ نيشانه‌ێ هه‌ر ژيان تازه‌يگ بڕيگ له‌ ئشاره‌ته‌و له‌وانه‌يش وه‌رده‌وامى كۆرس ئاموزشى و ئى مه‌سه‌له‌يشه‌ تايبه‌ت نيه‌ وه‌ سيستم دروسكرياگه‌يل زينده‌، به‌ڵكوو زاينده‌ێ هوير يا جمشت يا قه‌واره‌يگ تازه‌س، ئمڕوويش دوياێ ده‌يان ساڵ له‌ كار پڕ زه‌حمه‌ت نه‌وه‌ێ ئيسه‌ێ ملله‌ت كوردستان و سه‌ركردايه‌تيه‌گه‌ێ خوازيار پيشكه‌شكردن ولاده‌ێ تازه‌يگن وه‌ناو "سه‌روه‌خوه‌يى" ك له‌وه‌ر خاترێ چه‌وه‌ڕى فريه‌يگ كردن و خه‌بات فريه‌گيش ئه‌راێ كردن و قوربانى ئه‌راێ دان.

 

كه‌س له‌ كورد ناپرسێد په‌يابوين سه‌روه‌خوه‌يى چه‌نيگ هه‌وه‌جه‌ وه‌ وه‌خت ديرێد و ناپرسن چه‌ن قوربانى ئه‌راێ دانه‌، يا چه‌نيگ هه‌وه‌جه‌ وه‌پى ديرن؟ ئيمه‌ ئه‌تويه‌نيم جواو ئى پرسيار وه‌ڕوێ نه‌خرياگه‌ بيه‌يم وه‌ بوونه‌ێ زانستن روێوه‌ر و قويلايى مه‌ينه‌تيه‌يل و ده‌س كه‌يمنه‌ شيه‌وكردنى ئه‌را گشت خاوه‌ن بڕياره‌يل جه‌هانى.

 

وه‌ گووره‌ێ ئه‌بجه‌ديات ئايين ئسلامى، مانگه‌يليگ هه‌ن خويڕشيان له‌تيان حه‌رام كرياو رووژه‌يليگ تايبه‌تيش هه‌ن ئه‌را بوونه‌يل ئايينى و خوه‌شى و دڵته‌نگى ك له‌تيان ماف ملله‌ته‌يل حه‌رام نه‌كرياگه‌، ته‌نيا له‌ى وه‌خته‌يله‌ نه‌ود ك مه‌سه‌له‌ێ مافه‌يل ملله‌ت كورد وه‌ سه‌ميميگ جه‌هان ئسلامى نه‌ريت حه‌رامبوين گه‌ورا په‌يڕه‌و كرد، له‌ وه‌رانوه‌ر ئه‌وه‌يش كورد ماف خوه‌يه‌ باوه‌ڕ وه‌ هه‌ر نه‌هجيگ يا هه‌ر باوه‌ڕيگ ئاسمانى يا زه‌مينى يا هه‌ر ديديگ نه‌ياشتوود له‌تى خه‌و سه‌روه‌خوه‌يى حه‌رام بكا، چوينكه‌ له‌ گشت مانگه‌يل حه‌رام هويچ ئاسايشيگ نه‌ويه‌و له‌ گشت بوونه‌ێ خوه‌شيگيش شاد نه‌ويه‌، يه‌يش له‌وه‌ر نه‌وين شوونيگ ئه‌رامان له‌ناو رووژشمار  مانگه‌ێ ساڵ، وه‌ ئه‌وه‌يشه‌و چه‌وه‌ڕێ نويسانن رووژشماريگ تازه‌ كرد ئه‌را وه‌ديهاتن خه‌و ملله‌ت كورد؟

 

بيگومان ئى ملله‌ته‌ له‌گشت وه‌ختيگ ناڕه‌حه‌تى ديه‌ و موسڵمان بويه‌و، وه‌ل ئه‌وه‌يشا دووسه‌يليگ له‌تى بوينه‌سه‌ دوشمن وه‌ بوونه‌ێ مه‌يل شوفينستى و قودسيه‌ت شوونه‌يليان و گشت دوشمنه‌يليش يه‌كه‌وگرتن گشت به‌رژه‌وه‌نديه‌يل هاوبه‌شيان يه‌كه‌و گرت و لايه‌نه‌يل ناوده‌وڵه‌تييش ك تازه‌گه‌رن له‌ گشت چشتيگ دوياێ زيايبوين داواكاريه‌يل له‌بان مكوڕى نه‌كردن و هه‌ڵه‌په‌ڵه‌ێ ملله‌ته‌گه‌مان له‌ مه‌سه‌له‌ێ بڕيار چاره‌نويسى، ئاگادارى له‌بان وه‌رده‌وامى نه‌هج په‌يڕه‌وكرياێ ئه‌يه‌ن له‌ سته‌م و ئه‌وان باوه‌ڕيان ئه‌وه‌سه‌ ك زاڵم شوونداره‌و هويچ شوونيگ ئه‌را زوڵمليكرياێ نيه‌.

عه‌لى حسێن فه‌يلى