هه‌ڵه‌يل ره‌سانن كوردی

شفق نيوز

له‌ شوون داگيركردن موسڵ له‌ ١٠/ ٦ و دوياخريش چه‌سپانن جه‌نگيگ ناڕه‌وا له‌بان كوردستان، ئه‌وه‌ك له‌ مه‌يدانه‌گه‌ ئاماده‌ نه‌وی ئه‌و شيوازه‌ بوی له‌ ره‌سانن ك ئاماژه‌ وه‌پی كرديم و ده‌زگايه‌يل جياواز ره‌سانن له‌ هه‌رێم كوردستان و عراق نه‌ك هه‌ر نه‌تويه‌نستن ئه‌ركه‌يل نيشتمانی جوور خواست جيوه‌جی بكه‌ن، به‌ڵكوو بڕيگيش له‌ليان بوينه‌ خه‌ت گه‌رم ره‌سانن و بڵاوكردنه‌وه‌ی ئه‌و ڕخ و مه‌ترسيه‌ ك داعش جوور هيزيگ به‌ربه‌ری خوازيار بوی له‌و ڕيه‌و شكه‌ست وه‌ نه‌ياره‌يلی باريد جوور ئه‌وه‌ك له‌ شكه‌ستهاوردن سوپای عراقی كه‌فته‌ وه‌رچه‌ومان.

بڕيگ له‌ كه‌ناڵه‌يل ئاسمانی ئيمه‌ ئيسه‌يش ك راپۆرت له‌بان داعش ئاماده‌ ئه‌كه‌ن، نه‌ف له‌و ڤيديۆيه‌يله‌ وه‌رگرن ك ره‌سانن ده‌وڵه‌ت خه‌لافه‌ته‌گه‌ی به‌غدادی له‌ توێته‌ر بڵاوی ئه‌كه‌نه‌و له‌ وه‌ختيگ ك دژ وه‌ هيزه‌يل پێشمه‌رگه‌ جه‌نگ ئه‌كه‌ن!.

له‌ سه‌ره‌تای رويداگه‌يله‌و يه‌كيگ له‌ سايته‌يل باوه‌تيگ داناويد له‌ژير ناونيشان "شيره‌گه‌ی داعش"، ك له‌ی باوه‌ته‌ باس له‌ چالاكی پياوكوشيگ داعش كردياد ك چوين له‌ زيندان هه‌يوايه‌و چوين وه‌ دڕنده‌يی مه‌ردم كوشتگه‌.

ركابه‌ری ناونی ميديايه‌يل حزبی و باسكردن لايه‌نيگ له‌وه‌خت رزگاركردن يا له‌ده‌سداين شوونيگ له‌ به‌ره‌يل جه‌نگ هويچی له‌ به‌رژه‌وه‌ندی قوناغه‌گه‌ نيه‌، ئه‌يانه‌ گشتيان له‌لايگ و كيشه‌ی بودجه‌يی و بی مووچه‌يی هه‌رێم كوردستان له‌ ئاكام ناكووكيه‌يلی وه‌ل حكوومه‌ت ناوه‌ند له‌لايگ تره‌و ك وه‌شيوه‌يگ فريه‌ ناوه‌رپرسانه‌وه‌ له‌لايه‌ن بريگ له‌ ميديای كورديه‌و هه‌ڵسووكه‌فت وه‌ليا ئه‌كريه‌يد و بار گرانيگ دروس كردگه‌ له‌بان ده‌روين مه‌ردم مووچه‌خوه‌ر.

ئيسه‌يش گشت ناوچه‌گه‌ كه‌فته‌سه‌ وه‌ر ئاگر جه‌نگ و ئه‌وه‌ك كورد بڕيه‌سه‌ی قوناغ كه‌ميگه‌ له‌و ئه‌گه‌ره‌يله‌ ك له‌ ئاكام جه‌نگه‌گه‌ هاته‌سه‌ وجوود، ك بايه‌سه‌ له‌بان ميديای كوردی و ده‌زگايه‌يل ره‌سانن كوردستان وه‌ جوانی ئاگادار قوناغ ئاينده‌ بوون نه‌ك هه‌ڵه‌يل گوزه‌يشته‌ دوباره‌وه‌ بكه‌ن.

سۆران عه‌بدوڵڵا

ج . أ