ئه‌ى لافين، سوپاسگوزارى له‌لێد بى ماناس

شفق نيوز

وه‌لى ئه‌زانم ك تن پاڵه‌وانيگێد سويدى.

جايه‌ڵ جوانيگ له‌ ته‌مه‌ن 15 ساڵان مرد، هه‌ميشه‌ حه‌ز له‌ وازى تووپان كردياد، له‌ وڵاتيگ تره‌و هاته‌ ئيره‌و ژيانى له‌ مه‌ترسى بوى، ئمجا له‌جياى ئه‌وه‌گ وڵاته‌گه‌ قورتارى بكا، وه‌لى كوشته‌ى، يه‌يش بيجگه‌ جايه‌ڵيگ تر ك هيمان كيشمه‌كيش وه‌ل ژيان ئه‌كا له‌ نه‌خوه‌شخانه‌و بيجگه‌ له‌ مامۆستايگيش.

ئه‌گه‌ر وجوود تن نه‌وياتاد، بيگومان ئه‌و تاوانكاره‌ ئه‌تويه‌نست مه‌ردمان فريه‌يگ بكوشێد و زه‌خمدار بكا.

ئه‌وانه‌گ دينه‌سه‌د ئويشن: فريه‌ ئازا بوێده‌و باز داێده‌ وه‌ره‌و روى بكوشه‌گه‌ وه‌بى گله‌وخواردن و گيان خوه‌د كرديده‌سه‌ قوربانى ئه‌را قورتاركردن مناڵه‌يل.

ته‌نيا سوپاسگوزارى له‌لێد هويچ مانايگ نه‌يرێد، ئه‌خوازام وه‌پێد بويشم عوزرخوايى له‌لێد ئه‌كه‌م.

عوزرخوايى، چوينكه‌ رووژنامه‌و ناسياره‌يل له‌باند نويسنن" كووچكه‌ريگ زرنگ وئازا" تنيش لافين ناوده‌ نه‌ك لوكاس، ك هه‌رچه‌نى ريكه‌فت له‌داڵگبويند له‌ لكستورب تۆمار كرياگه‌.

عوزرخوايى له‌لێد ئه‌كه‌م، چوينكه‌ تن له‌ 22 ئوكتۆبه‌ر 2015 له‌ سوێد هاتێده‌ خه‌وه‌ر ك خوسه‌و كينه‌ت و حوكم زويتر له‌بان ئاده‌ميزاد له‌تى په‌يا بوى. له‌ سويد 1080 شكايه‌ت تۆمار كريا له‌باوه‌ت تون وتيژى دژ سيه‌پووسه‌يل و 490 شكايه‌تيش له‌باوه‌ت هه‌ڕه‌شه‌ وه‌بوونه‌ى ئسلامفوبيا.

عوزرخوايى ئه‌كه‌م، چوينكه‌ تن له‌ سويد ژياێد ك 14 ماڵ ئه‌وانه‌گ له‌تى سزيا ك ئمساڵ 2015 داواى ماف په‌نابه‌رى كردن، ك قه‌ده‌ر له‌يوا كرد له‌ خوه‌ندنگاى كرونا بترولهتان چه‌ودد بكه‌فێده‌ شماره‌يگ له‌و مناڵه‌يل ترسياگ و ته‌نيا ك مه‌ترسى هه‌ڕه‌شه‌و تون تيژى داشتن و ئيمه‌ نه‌تويه‌نستيم مقه‌يه‌تييان بكه‌يم.

عوزرخوايى ئه‌كه‌م، چوينكه‌ له‌ كومه‌ڵگايگ ژيايد نيكلاس هالغرن سه‌ركرده‌ى پۆليسه‌گه‌ى ناچار بوى له‌ جيوازكردن راسه‌وخۆ بوسيه‌ێد و ته‌ئكيد له‌بان كه‌فتنه‌وه‌ى تاوان خوسه‌و كينه‌ت ئه‌نقه‌ز بكا وه‌ هووكار ره‌گه‌زى ك گيان تن له‌تى بويه‌ قوربانى.

عوزرخوايى ئه‌كه‌م، چوينكه‌ وه‌ سووك و ئاسان ئه‌و ترۆريسته‌ وه‌بوونه‌ى روخسارده‌و كوشته‌د، عوزرخوايى ئه‌كه‌م ك هويچ پرسياريگ نه‌وى له‌بان ئه‌و رويداگه‌و بويده‌ تويش جه‌نگ ره‌گه‌زى گورگه‌يل هار.

وه‌لى له‌گشت چشتيگ گرينگتر، عوزرخوايى له‌لێد ئه‌كه‌م چوينكه‌ ئيمه‌ مه‌ردمان چوارده‌ورد شكه‌ست هاورديم جوور تن بويمن له‌ سويد، چوينكه‌ ئه‌گه‌ر ئيمه‌ ئازايى بياشتايم ئى رويداگه‌ روى نه‌يا.

هه‌ڵه‌وگه‌ردانن: عه‌بدولستار نور عه‌لى

ئى باوه‌ته‌ وه‌ قه‌ڵه‌م كارينا بريفلت رووژنامه‌نويس له‌ رووژنامه‌ى"ئافتون بلاديت" له‌ ريكه‌فت 23 – 10 – 2015 نويسياگه‌ له‌باره‌ى ئه‌و مامۆستاى كورد فه‌يليه‌ ك گيان خوه‌ى كرده‌ قوربانى ئه‌را مقه‌يتيكردن خوه‌ندكاره‌يلى له‌ كرده‌وه‌يگ ره‌گه‌زى سويدى ك له‌تى په‌لامار خوه‌ندنگاى كرونا دريا له‌ شار ترولهتان سويدى و تاوانباره‌گه‌ وه‌ شمشيره‌گه‌ى په‌لامار لافين داو شه‌هيدى كرد، ئه‌گه‌ريش لافين نه‌وياتاد كاره‌سات گه‌وراتر و كوشتارگه‌يگ فيشتر كه‌فتياده‌و.