ئیمه‌ پشتگیرى حكوومه‌ت ئه‌كه‌یم

شفق نيوز

كه‌مه‌و بكه‌یم، ئنجا له‌وه‌ر ئه‌وه‌ك مه‌سه‌له‌گه‌ وه‌گشتى به‌شیگه‌ له‌ ئاڵشتكارى گه‌ورا له‌وڵات، دى هه‌ق خوه‌مانه‌ هه‌ر كاریگ گونجیاگ بكه‌یم وه‌گووره‌ى ئه‌و ریككه‌فتننه‌یل ناونى ئیمه‌ى رووشنهویر و نویسه‌ر و رووژنامه‌نویس و هه‌وڵده‌ر ئه‌را بنیاتناین ده‌وڵه‌ت تازه‌و ناونى حكوومه‌ت ك ده‌رئه‌نجام ئه‌و ئاڵشتكارییسه‌و له‌لایه‌ن ئیمه‌وه‌ له‌هه‌ڵوژاردن هه‌ڵوژریاگه‌، ك باوه‌ڕمان ئه‌وه‌سه‌ ئاست قه‌بولكریاگیگ دیرێد له‌ مه‌شق دیموكراسى عراق له‌شوون رژیم دكتاتۆریه‌ت.

 

ئه‌گه‌ر بویشیم حكوومه‌ت ئه‌و پابه‌ندى ته‌واوه‌ له‌وارنوه‌ر رووژنامه‌گه‌رى له‌عراق پیشكه‌ش نه‌كردگه‌، ئه‌و بیگومان قسه‌گه‌مان دویر نیه‌ له‌ڕاسى و گشتمان وه‌چه‌و خوه‌مان دوینیمنه‌ى، ئنجا ئایا ئیمه‌ى له‌چوارچیوه‌ى ره‌زامه‌ندى چیمنه‌سه‌ ده‌یشت و ره‌خنه‌گه‌مان ماناى بى حورمه‌تى ده‌ێد ئه‌را ئه‌و ریككه‌فتن ناونیمانه‌؟

 

بیگومان نه‌خه‌یر، ئه‌ویش له‌وه‌ر چه‌ن هووكاریگ و له‌وانه‌یش: ئیمه‌و حكوومه‌ت وه‌یه‌كه‌و هه‌وڵ ئاڵشتكارى دایم و ئه‌گه‌ر ئیمه‌یش نه‌ویاتایم حكوومه‌تیش نه‌وى و له‌وه‌ختیگیش ملله‌ت تواناى هه‌ڵوژاردن داشت بیگومان ئه‌و هه‌ڵوژاردنه‌ له‌وه‌رجه‌ 2003مه‌حاڵ بوى، هه‌ر له‌وه‌ر ئه‌وه‌یش ئیمه‌و حكوومه‌ته‌گه‌مان هایمنه‌ یه‌ك بازنه‌و هه‌ر كام له‌ئیمه‌ له‌لى ده‌رچوود ئه‌وه‌ ماناى په‌یڕه‌و نه‌كردن ئه‌و ریككه‌فتنه‌سه‌ ك له‌ناونیمان ئه‌نجام گرت و ئى كاریشه‌ مه‌حاڵه‌و ته‌نیا مه‌گه‌ر به‌رژه‌وه‌ندى تایبه‌ت و خود په‌یوه‌س نه‌كردن وه‌ مه‌سه‌له‌ى ئاڵشتكارى و ئازادى ڕاده‌رخستن و به‌شدارى له‌ دروسكردن بڕیار و بنیاتناین دوڵه‌ت تازه‌ ئى جووره‌ ره‌فتاریگ بارێده‌ وجوودو ئیمه‌ به‌رژه‌وه‌ندى له‌تى نه‌یاشتویم، هه‌ر له‌وه‌ر ئه‌ویش هه‌ر ره‌فتاریگ ك ئامانجى پشتگیریكردن حوكم و ده‌سڵات ناته‌واویگ بوود له‌بان هساو ئازادیه‌یل گشتى ئه‌وه‌ بیگومان وه‌ زه‌ره‌د ئیمه‌س.

 

فره‌جاریش مه‌ردمانیگ  له‌یوا باس كه‌ن و ئویشن: ئه‌و رووژنامه‌نویسه‌یل عراقیه‌ ك له‌عراق كوشیان له‌ناونى ئایار2011 تا ئایار2012، له‌وه‌ر مه‌سه‌له‌ى تون وتیژى نه‌كوشیانه‌ له‌وڵات، به‌ڵكوو له‌وه‌ر مه‌سه‌له‌ى تاوان بویه‌، ك یه‌یش له‌ كه‌ناڵ حوڕه‌ په‌خش كریا له‌وه‌ختیگ دیدار كرد وه‌ل وه‌رپرسیگ رووژنامه‌گه‌رى نزیك له‌حكوومه‌ت!

 

ئاشكراس ك ئه‌و وه‌رپرسه‌ ئامانجى ئه‌وه‌ بوى ره‌زامه‌نى حكوومه‌ت وه‌ده‌س بارێد ك ئیمه‌ له‌ ئه‌و زیاتر پشتگیرى حكوومه‌ت كه‌یم، ئنجا ئیمه‌ وه‌ختى ره‌خنه‌ له‌لى گریم له‌مه‌یدان ئازادیه‌یل رووژنامه‌گه‌رى ئه‌وه‌ بیگومان له‌وه‌ر خاتر به‌رژه‌وه‌ندى گشتیه‌و خوه‌یشى خاس زانێد، وه‌لى ئه‌و وه‌رپرسه‌ له‌وه‌ر خاتر نزیكه‌وبوین و به‌رژه‌وه‌ندى خوه‌ى ئه‌و قسه‌یله‌ ئه‌كا، هه‌ر له‌وه‌ر ئه‌وه‌یش تویه‌نیم بویشیم ئه‌وه‌ك پشتگیرى ئازادى ئه‌كا له‌ عراق بایه‌سه‌ وه‌ كرده‌وه‌ ئه‌نجامى به‌ێد نه‌ك ته‌نیا وه‌قسه‌.

 

 

هادى جلو مه‌رعى

ج