هه‌ق ژنه‌یل و كار سیاسى

شفق نيوز

بكه‌ن، ئه‌ویش ئه‌و غه‌ڵه‌ته‌یله‌سه‌ ك هه‌وڵ ده‌یگ  هویر ئسلامى بشیونیگ ، یا فه‌ن و فیڵبازه‌یله‌ ك وه‌پویل مه‌ردم خه‌ڵه‌تنن و گشت ڕاسییگ  له‌لیان شیویاس و خاس وخراو تیكه‌ڵ وه‌ یه‌كترى كه‌ن و جیاوازى نیه‌كه‌ن له‌وه‌ك كامه‌یان ئسلامیه‌و له‌بان بنه‌ماى داب ونه‌ریت ئسلامیه‌و كامه‌یان داب ونه‌ریت كوومه‌ڵایه‌تى دویاكه‌فتگه‌و له‌كوومه‌ڵگایه‌یل ئسلام دامه‌زریاگه‌، ك یه‌كه‌و نیه‌گرن وه‌ل رووح ئسلام و باوه‌ڕ و ڕیڕه‌و كاره‌یلى له‌ كوومه‌ڵگاو خاڵه‌یل په‌یوه‌ندى ناونى ژن و پیاو، ك له‌نه‌فامى خوه‌یانه‌وه‌ یا وه‌دڵ ئه‌نقه‌ز ئه‌وه‌ك دوینن خه‌نه‌ى پاڵ كوومه‌ڵگاى موسڵمانه‌یل له‌ئسلام.

له‌یرا بایه‌سه‌ ئشاره‌ت ئه‌را ئه‌وه‌ بكه‌یم ك ئیسه‌ جیاوازییگ  هه‌س له‌ناونى كوومه‌ڵگاى موسڵمانه‌یل و كوومه‌ڵگاى ئسلامى ك بایه‌سه‌ له‌بان   بنه‌ماى ئسلام بووگ.

ئه‌وسا ژن نه‌خش یا ده‌ور دیارو ترسناكیگ  داشت له‌كاروان داوه‌ت خودایى(الدعوه‌ الالهیه‌) و جموجویل په‌یامبه‌ره‌یل و كلكریاگه‌یل(سڵام خودا له‌لیان)، ژن به‌شدار بوى له‌ خه‌بات فكرى و سیاسى و له‌هه‌مان وه‌خت وه‌رگه‌ى سزاو كوشتن و كووچ وه‌پیكردن و مه‌ینه‌تیه‌یل و تیرۆر فكرى و سیاسى و جه‌به‌رووت گرد و هویر وڕاى خوه‌ى وه‌ئازاد ئاشكرا كردو هاتیاگه‌ ناو داواى خوداییه‌وه‌ ك هه‌رچه‌نى تویش له‌ده‌سداین ده‌سڵات و گه‌ورایى و دارایى هات.

بیگگومان ئه‌وه‌ك تاریخ ژن له‌ داواى خودایى بخوه‌نیگه‌وه‌، جویر لایه‌نیگ  له‌ خوتبه‌ دوینیگه‌ى و جیاوازى نه‌یریگ  وه‌ل خوتبه‌ى پیاوا. یا ئه‌گه‌ر بایگ  و بچیمنه‌ بندروس تاریخه‌وه‌ له‌باوه‌ت ژیان ژنه‌یل له‌مه‌سه‌له‌ى داواى خودایى، ئه‌وه‌ تویه‌نیم ئه‌و پله‌و پایه‌ى خاس و كارا یا فه‌عاله‌ بوینیم ك ژنه‌یل داگیرى كردن له‌ ژیان په‌یامبه‌ره‌یل و داوایه‌یلیان، هه‌ر له‌وه‌ر ئه‌وه‌یش قه‌دروحورمه‌ت نریا له‌ژن له‌كوومه‌ڵگاى ئسلامى و له‌وه‌ر به‌شداریكردنى له‌مه‌یدان فكرى و سیاسى و هه‌قه‌یل ئنسانى و قانوونى خوه‌ى داشت.

له‌و باوه‌ته‌یل بنه‌ڕه‌تیه‌ ك دانریا ئه‌را تاوتویكردن و گفتوگوو فكرى و ژیارى یا حزارى له‌ سه‌ده‌ى بیس، ئه‌ویش مه‌سه‌له‌ى هه‌ق ژنه‌یله‌و له‌وانه‌یش به‌شدارى له‌ ژیان سیاسى و كار سیاسى، ئمجا ئه‌ڵڵاجه‌وى ها له‌ورا ئه‌وانه‌ك داواى هه‌ق ژنه‌یل سیاسى كه‌ن تاوانه‌گه‌ خه‌نه‌ بان فكر ئسلامى و باوه‌ڕ ئسلامى و له‌یوا تاریفى كه‌ن ك ژنه‌یل بیبه‌ش كردگه‌ له‌ به‌شداریكردن له‌ژیان سیاسى و قه‌یه‌غه‌ى كار سیاسى له‌لى ئه‌كاو پشتگیرى له‌ خواسته‌یل خوه‌یان كردیان وه‌ ئه‌وه‌ك ئه‌و وه‌زعه‌یل كوومه‌ڵایه‌تى و سیاسیه‌ ك له‌وڵاته‌یل ئسلامى دویننه‌ى جیاوازى نیه‌كه‌ن له‌ناونى ئسلام جویر سستم و شه‌ریعه‌ت و باوه‌ڕ و له‌ناونى فره‌یگ  له‌په‌یڕه‌وكه‌ره‌یل ئسلام له‌وانه‌ك نیه‌زانن ڕه‌فتار سیاسى و كوومه‌ڵایه‌تیه‌گه‌ى چه‌س یا له‌وانه‌ك دویننه‌ى له‌ناو كوومه‌ڵگاى موسڵمانه‌یل ك جیاوازه‌ له‌وه‌ك وجوود دیریگ  له‌ كوومه‌ڵگاى ئسلامى. هه‌ر له‌وه‌ر ئه‌وه‌یش سیاسه‌ت له‌ فكر ئسلامى مه‌عناى چه‌ودیرى كاروبار ملله‌ته‌ له‌گشت مه‌یدانه‌یل ژیان و هه‌ر له‌وه‌ر ئه‌وه‌یش وه‌رپرسیاریه‌تى كوومه‌ڵایه‌تى گشتییگه‌ له‌بان گشت موسڵمانه‌یل چ ژن ژ پیاو.