كورد و مه‌ويسيه‌يل دانه‌وڕياگى

شفق نيوز

ئه‌و كه‌سه‌يله‌ هه‌ميشه‌ خيانه‌ت ها فكره‌يان هه‌ميشه‌ هه‌وڵ شكه‌ست ملله‌ته‌يل سته‌مديده‌ ئه‌يه‌ن و سياسه‌ت ملله‌ت كورديش تيكه‌ڵ وه‌ خوه‌ين بويه‌، ئه‌را نموونه‌: تراجيدياى كاره‌ساته‌يل ك ئه‌كه‌فێده‌ بان بڕيگ مه‌ردم له‌وه‌ختيگ وه‌بان ده‌ريايگ له‌ مين په‌ڕنه‌و له‌يوا كرد سه‌رنج بكه‌فێده‌ لاى ئه‌و شه‌پۆله‌ ك مناڵيگ كورد خنكان و له‌ كنار ئاوه‌يل توركى ئه‌را يه‌كجارى خه‌ويه‌و برد، ك وه‌و خاتريشه‌ گشت دونيا له‌لى ئاگادار بوى و هه‌ر ئه‌وه‌يش له‌يوا كرد ئه‌نجيلا ميركڵ ئه‌ڵمانيا له‌ لێدوانه‌يلى وت: ئه‌ڵمانيا ئه‌كه‌مه‌ ماواى ئه‌و نه‌ته‌وه‌ ك هه‌رچه‌نى ريككه‌فتن ئۆرپى بريار پيشوازى نه‌كردن كووچبه‌ره‌يل دا.

ئه‌وه‌گ ماڵى وه‌جى هيلێد مينه‌ى شوونيگ ئه‌كا له‌تى داكرسيه‌ێد، چوينكه‌ ئه‌وانه‌ له‌ بنه‌ڕه‌ته‌و ترس نه‌يرن له‌ رويداگ جوور ئه‌وه‌گ مه‌سڵه‌ته‌گه‌ ئويشێد"ئه‌وانه‌گ بچنه‌ ناو ده‌ريا ترس له‌ خنكيان نه‌يرن".

ئى دامه‌ ئه‌را لوبنان دانرياوێد، ئه‌وه‌سه‌ ئه‌وانه‌ گير هاتنه‌ وه‌ زباڵه‌وه‌ له‌شوون ئه‌وه‌گ واز له‌ سه‌رۆكايه‌تى و وزاره‌ت هاوردنه‌و ئه‌وه‌يش ئوردنه‌ مه‌ردمان فريه‌يگ گرته‌سه‌ خوه‌ى و ئه‌ويش يۆنانه‌ كه‌فته‌سه‌ ژير قه‌رز ده‌وڵه‌مه‌نه‌يل و ئاده‌ميزاديگ خاس له‌تيان نيه‌ ته‌نيا له‌ ئه‌ڵمانيا نه‌ود ك (ژنيگ حومكيان ئه‌كا له‌وه‌ر ئه‌وه‌گ ئسپات بكا ك له‌ سولاله‌ت مه‌ريه‌م عه‌زرا و به‌لقيس دويه‌ت عومران و ئاسياى ژن فرعه‌ون)وه‌ناو ئه‌نجيلا ك دراسه‌ت كورد كردگه‌.

ئيسه‌يش ئيمه‌ دو نموونه‌ى ديريم، يه‌كيگيان عومه‌ر خاوه‌ر له‌ هه‌ڵه‌بجه‌ و ئه‌واكه‌يش دويه‌ت خوه‌يشگه‌گه‌ى سه‌مير فه‌يلى ك وه‌ فه‌رمان شمر سه‌ده‌ى بيس خريا ناو تيزاو، وه‌و جووريشه‌ هه‌رسێ پيكهاته‌گه‌ به‌ش خوه‌يان له‌ به‌دبه‌ختى وه‌رگرتن، ئمجا باشوور كوردستان(فه‌يلى)و ناوڕاس كوردستان(هه‌ڵه‌بجه‌)و باكوور كوردستان(ئيلان) كاره‌سات كورد له‌ شاشه‌ى ته‌له‌فزيۆنه‌يله‌و وه‌ دونيا ئاشنا كردن و هه‌ر له‌وه‌ر ئه‌وه‌يش گشت ماڵيگ له‌ ئه‌ڵمانيا دروشم پيشوازيكردن ئه‌را ئه‌و خيزانه‌يله‌ به‌رزه‌و كرد ك له‌تاو داعش واينه‌و تويش موسيبه‌ت هاتنه‌.

سه‌ڵاح مه‌نده‌لاوى