چ چشتيگ شه‌كه‌تد ئه‌كا؟!

شفق نيوز

ئه‌گه‌ر قه‌تره‌يگ له‌ خوين كارگه‌ريگ وه‌ربگريم له‌وه‌ خت كاركردنی و له‌ناو تاقيگا شيكاری ئه‌رای بكه‌يم، دوينيم پڕه‌ له‌ ميكرۆب شه‌كه‌ت و شوونه‌وار شه‌كه‌تی وه‌پيه‌و دياره‌، وه‌لێ ئه‌گه‌ر له‌ كووتايی رووژيش قه‌تره‌يگ خوين زانايگ ده‌روينناس جوور"ئه‌لڤێرت ئه‌نیشتاین" وه‌ربگريم و له‌ تاقيگا ته‌ماشای بكه‌يم، دوينيم هويچ جووره‌ ميكرۆبيگ شه‌كه‌ت له‌تی وجوود نه‌يرێد.

هه‌رچی مه‌ژگيشه‌ ئه‌تويه‌نێد وه‌و په‌ڕی تواناو چالاكيه‌و كار خوه‌ی وه‌ گورجی بكا، ته‌نانه‌ت له‌شوون هه‌يشت يا دوانزه‌ سه‌عات كاركردن وه‌رده‌واميش بدێ، جوور ئه‌وه‌گ له‌ سه‌ره‌تای كاركردنه‌و مه‌ژگ شه‌كه‌ت نادێ، مانای ئه‌وه‌سه‌ چ چشتيگ شه‌كه‌تد ئه‌كا؟!

پزيشكيگ ده‌روينناس له‌ ئنگلته‌را له‌ كتاوه‌گه‌ی وه‌ناو" ده‌روينناسی هيز " ئويشێد: سه‌رچه‌وه‌ی به‌ش فريه‌ی ئه‌و شه‌كه‌تيه‌ ك هس وه‌پی ئه‌كه‌يم پيكهاتگه‌ له‌ مه‌ژگ و له‌ڕاسی ئه‌و شه‌كه‌تييشه‌ ك هووكاريگ لاشه‌يی ديرێد فريه‌ ده‌گمه‌نه‌.

وه‌ل ئه‌وه‌يشا "a.bril" پزيشك ناودار ئه‌مريكی فيشتر له‌و مه‌رزه‌ باس كردگه‌و ئويشێد: ١٠٠% شه‌كه‌تبوين كارگه‌ريگ ئه‌چێده‌و ئه‌را هووكاره‌يل ده‌روينی، ك مه‌رام له‌ هووكار سووزداريه‌.

مانای ئه‌وه‌سه‌ ئه‌و هووكاره‌يل سووزداريه‌ كامانه‌ن ك كارگه‌ريگ به‌سه‌زووان شه‌كه‌ت ئه‌كه‌ن؟! خوه‌شاڵی؟ وچانداين؟! بيگومان نه‌خێر !

بی ئوميدی و ره‌شبينی و هسكردن وه‌ ئه‌وه‌گ كه‌سه‌يل وه‌رانوه‌ر رێز له‌لی ناگرن، هسكردن وه‌ ئه‌وه‌گ دژايه‌تی ئه‌كريه‌ێد، دوو دڵی...هتد گشت ئه‌يانه‌ هووكارن ك مه‌ژگ شه‌كه‌ت ئه‌كه‌ن، دی وه‌ی جووره‌ شه‌كه‌ت بويمن، چوينكه‌ هسه‌يلمان ئه‌دێده‌ هووكار گرژبوين ده‌ماره‌يلمان و شه‌كه‌تی لاشه‌مان و هشكبوين شله‌ی ژيانمان.

هێمن ئیلنجاغی