ناوچه‌ى سه‌وز له‌ناونى به‌غداو هه‌رێم كوردستان

شفق نيوز

له‌ناو خود عراق هه‌ناسه‌ى گه‌ورایگ هه‌س ئه‌را هاووڵاتیه‌یل ده‌وردریاگ وه‌ كوشتن و خوینڕشیان و خاڵه‌یل وشكانن، ك ئه‌و ده‌روازه‌ بى هاوشیوه‌س له‌ جه‌هان ك تاوسان ئازادیگ دیرید و سه‌دان هه‌زار له‌ عراقیه‌یل هه‌ناسه‌ له‌تى ده‌ن، ك ئه‌ویش هه‌رێم كوردستانه‌، ئه‌ویش له‌وه‌ر ناونیشان سه‌قامگیرى ئاسایش له‌وه‌رجه‌ جوانى سروشته‌گه‌ى و شوونه‌ جوگرافیه‌گه‌ى.

عراقیه‌یل پرسن له‌وه‌رچه‌ سه‌ده‌ها هه‌زار كه‌س وه‌گووره‌ى ئاماره‌یل هه‌رێم كوردستان سه‌ردان شاره‌یل هه‌ولێر و دهۆك و سلێمانى كه‌ن له‌ رووژه‌یل عه‌ید؟ یه‌یش له‌وه‌ختیگ ك زه‌حمه‌ته‌ وه‌و بودجه‌ى گه‌وراى دارایى و توانایه‌یل گه‌وراى سه‌ربازیه‌و له‌ به‌غدا ئه‌و بار سه‌قامگیره‌ ك له‌ كوردستان هه‌س ئه‌را هاووڵاتیه‌یل شوونه‌یل تر عراق ده‌سه‌وه‌ر بكریه‌ید، وه‌تایبه‌ت له‌ى ساڵه‌یل دویاخره‌ ك وه‌ چه‌و خوه‌مان دوینستیایم ئارامى و ئاسایش له‌ عراق تویش له‌ناوچگن گه‌ورایگ هاتگه‌.

ئنجا هه‌رچه‌نى حكوومه‌ت و ده‌زگایه‌یل ئاسایش عراق ئاماده‌كارى كردنه‌ ئه‌را نه‌هیشتن ترۆریسته‌یل و ده‌نگه‌یل ناڕه‌زایى ك خواست و ئامانجیان ده‌س وه‌شاننه‌ له‌ ئه‌زموون سیاسى و كه‌سایه‌تیه‌یل دیار عراق، وه‌لى وه‌ل ئه‌وه‌یشا پرسیاریگ تر له‌لایه‌ن هاووڵاتیه‌یله‌و تیه‌یده‌ وجوود ك ئه‌ویش ئه‌وه‌سه‌ ئایا له‌وه‌رچه‌ نیه‌تویه‌نریه‌ید ئه‌و ئه‌زموونه‌ ك له‌ كوردستان هه‌س له‌ شوونه‌یل تر عراقیش سه‌ركه‌فتگ بكریه‌ید وه‌ خاتر دابینكردن هه‌وه‌جه‌یل ژیان تا نه‌وده‌ هووكار مردن عراقیه‌یل؟

له‌ ناوخود هه‌رێم كوردستان، هاووڵاتیه‌یل عراقى به‌غداو گشت پاریزگایه‌یل تر ئه‌رایان ئاشكرا بویه‌ ك رووژانه‌ له‌ حاڵه‌تیگ ناسه‌قامگیر ئاسایش و سیاسى ژیه‌ن، یه‌یش له‌وه‌ختیگ ك شاره‌یل كوردستان وه‌بى پلان مقه‌یه‌تى له‌ ئاسایش و ئارامى خوه‌یان كردنه‌و هویچ ناڕه‌حه‌تییگ نایه‌ده‌ وه‌رده‌م جموجویل ئاده‌میزاد و هویچ كویچه‌و جاده‌یگ وه‌ كۆنكریت نه‌وه‌سیاگه‌و ته‌نیا ئه‌و دیواره‌یل كۆنكریته‌ له‌ به‌غداو شاره‌یل تر عراق وجوود دیرن!!.

له‌یرا چشتیگ هه‌س وه‌ك نهێنى له‌پشت ئارامى و ئاسایش هه‌رێم كوردستان ك دوینیم سه‌رۆك مه‌سعود بارزانى سه‌رۆك هه‌رێم له‌ناو هاونیشتمانیه‌یل وه‌شیوه‌یگ ساده‌ گه‌ردیدو له‌ ڕى وڕه‌سمه‌یل نه‌ته‌وه‌یى و مللى به‌شدار بوودو هه‌ر وه‌ته‌نیا وه‌ ناوڕاس مه‌ردمه‌و ڕى ئه‌كا، ك له‌ رووژه‌یل عه‌ید نه‌ورووز گوزه‌یشت له‌ پارك گه‌وراى شانه‌ده‌ر له‌ شار هه‌ولێر وه‌ ته‌نیا ڕى كرد له‌ناو مه‌ردمه‌گه‌.

له‌ هه‌رێم كوردستان سه‌ركرده‌یل سیاسى و باره‌گایه‌یل سه‌ربازى و ئاسایش ده‌سكه‌فتیگ تایبه‌ت نیه‌و ته‌رمیگیش نین له‌بان سینه‌ى مه‌ردم، وه‌ل ئه‌وه‌یشا ناوچه‌یگ سه‌وزیش نیه‌ مه‌ردم وه‌ ئمتیازاته‌گه‌ى ناز بكاو شانازى وه‌پیه‌و بكا، یا ناوچه‌یگ وه‌ ناو ناوچه‌ى قرمز و زه‌رد و سیه‌ نیه‌، وه‌لى نوڕید گشت كاره‌یلیگ تایبه‌تن وه‌ پلان و به‌رنامه‌ڕیژى له‌گشت بواریگه‌و.

گشت ئه‌زموونیگ كه‌م وكوڕى و ده‌سكه‌فت دیرید، وه‌لى كه‌م وكوڕیه‌یل به‌غدا فیشتره‌ له‌ ده‌سكه‌فته‌یل، یه‌یش له‌یوا ئه‌كا ئه‌زموونه‌گه‌ له‌ خه‌ت بنیاتنانه‌وه‌ى ده‌وڵه‌ت ده‌ربچوود و گام وه‌ره‌و دارسانیگ بیخاوه‌نى شپرز و نادیار بنه‌ید، وه‌لى نوڕید هه‌رێم كوردستان وه‌ ته‌واوى هه‌رێم سه‌وزه‌و ده‌روازه‌یلى له‌وه‌رده‌م گشت عراقیه‌یل واز كریاگه‌، وه‌لى ناوچه‌ى سه‌وز له‌ به‌غدا ته‌نیا ئه‌را مه‌سه‌له‌ى سیاسى ته‌رخان كریاگه‌.

د. فاتح عه‌بدولسه‌لام

ج . أ