دووس و دوشمن

شفق نيوز

 

دویا چه‌نه‌ها تاقیكردنه‌وه‌ى تیه‌ڵ و ئاژاوه‌و په‌شیوى ك هاته‌ بان عراق، دویاخر هس وه‌ دانایى ئه‌و پیره‌ پیاوه‌ كردم، ك جى داخه‌ ئمڕوو كه‌سانیگ فریه‌ وه‌ ساده‌یى كه‌سانیگ تر وه‌ نه‌یار و دوشمن تاریف ئه‌كه‌ن، وه‌ شیوه‌یگ ك هس خوسه‌و كینه‌ت باریده‌ كار، ئمجا ئویشن كورد یا عه‌ره‌ب دوشمنه‌، یا پڕ وه‌ده‌م هاوار ئه‌كا ئه‌و حزبه‌ یا ئه‌و ریكخریاگه‌ نه‌یاره‌.

وه‌ختیگیش نوڕیم گشت ئه‌وانه‌ك به‌شدار بوینه‌ له‌ كار سیاسى، هاوڕى و ركابه‌ر سیاسیمانن، ئمجا دوشمن سه‌ره‌كى ئیمه‌ ئه‌وانه‌ن ك كاره‌یل رخه‌وبه‌ر ئه‌نجام ئه‌یه‌ن و كوشتن و مه‌رگ كردنه‌سه‌ هووكار له‌كار سیاسه‌ت، ئه‌ویش له‌وه‌ختیگ ك وڵات تویش دوشمنكارییگ ئه‌دێد و دوشمن باوه‌كوشته‌ى ئیمه‌یش دویاكه‌فتن و فه‌قیرى و نه‌خوه‌شى و گه‌ناته‌كارى و سته‌مه‌.

ئامانج كار سیاسى، خاسسازى و پیشكه‌فتن و ده‌سه‌وه‌ركردن ماف تاك و كوومه‌ڵه‌، نه‌ك هه‌ر ته‌نیا ناكووكى له‌بان ده‌سڵات و شیرینى ده‌سڵات.

مه‌ردمانیگ هه‌ن فریه‌ وه‌ ئاسانى كه‌سانیگ تر وه‌ دوشمنكار ناوزه‌د ئه‌كه‌ن، ئمجا ئه‌را ئه‌وه‌ك سه‌ره‌تایگ بوود ئه‌را دویره‌وخستن و قڕكردنیان، دوینید ئه‌و په‌روه‌رده‌ ك عراقیه‌یل قوربانى فریه‌یگ له‌وه‌ر خاترى دانه‌، بایه‌سه‌ خوه‌مان له‌لى قورتار بكه‌یم.

د . عادل عه‌بدولمهدى

ج . أ