چوين ئه‌دێده‌ كه‌سيگ وزه‌به‌خش؟

شفق نيوز

مه‌ردمانيگ هه‌ن توانايگ تايبه‌ت ديرن ك هيز بيه‌نه‌ كه‌سيگ تر و ته‌ندروسييان خاستر بكه‌ن، ئمجا ئه‌و كه‌سه‌يله‌ له‌يوا ناوبريه‌ن ك خاوه‌ن كاريزمان يا هووكار هاوردن وزه‌ی خاسيگن.

تن ئه‌تويه‌نيد مه‌شق وه‌ توانايه‌يلد بكه‌يد ئه‌را ئه‌وه‌ك بويده‌ كه‌سيگ وزه‌به‌خش، يه‌كيگ له‌و خاڵه‌يليشه‌ ئه‌وه‌سه‌ ك بايه‌سه‌ تن ئاره‌زوو خاسيگ نيشان بيه‌يد وه‌رانوه‌ر مه‌ردم و خاسيش ره‌فتار وه‌ليانا بكه‌يد.

گشتمان لايه‌ن خاس و خراويش ديريم، وه‌لی خوه‌د تاقيه‌و بكه‌ ك وه‌ جووريگ فيشترين قورسايی يا دقه‌تكردند بخه‌يده‌ بان لايه‌نه‌يل خاسد له‌جيای هويره‌وكردن له‌ لايه‌نه‌يل خراو. ئه‌را نموونه‌: تن ئه‌تويه‌نيد وشه‌ی خاس و خوه‌شاڵكه‌ر باريده‌ كار، يا ته‌نيا گووش يگريد له‌ وه‌ختيگ ك كه‌سيگ هه‌وه‌جه‌ وه‌پيد ديريد ك گووش له‌لی بگريد ئه‌را ئه‌وه‌ك باس ناڕه‌حه‌تييگ خوه‌ی ئه‌راد بكا.

ئمجا هه‌ر وه‌ختيگ ك وه‌ بوونه‌ی تنه‌و كه‌سيگ حاڵه‌ت ته‌ندروستی خاستره‌و بوی، ئه‌وه‌ له‌ی حاڵه‌ته‌ تنيش وزه‌يگ خاس روی له‌ليد ئه‌كا، مانای ئه‌وه‌سه‌ هه‌ميشه‌ له‌هه‌وڵ ئه‌وه‌ به‌ ك دڵخوه‌ش خوه‌د و مه‌ردميش بكه‌يد، تا پڕ بويد له‌ وزه‌ی خاس و مه‌ردميش وه‌ بوونه‌ی تنه‌و دڵنياو ئارام و ئاسووده‌ بوون.

عه‌بدوڵڵا ته‌وفيق

ج . أ