گوڵه‌يل له‌ عيراق كريه‌نه‌و

شفق نيوز

زياتره‌و بوود . له‌دريژه‌ی ساڵه‌يل دويای ڕميان ده‌سه‌ڵات دكتاتۆری ئه‌را سێيه‌م جاره‌ ك هه‌ڵوژاردنه‌يل گشتی له‌ وڵات ئه‌نجام ئه‌گرێ و هه‌ميش دوو جار هه‌ڵوژاردن ئه‌نجوومه‌ن پارێزگايه‌يل جيوه‌جی كريا وه‌ ئه‌ی جوور كاريگ زياتر له‌ كۆت سه‌ده‌يگ له‌ عيراق جيوه‌جی نه‌كرياس . هه‌ڵوژاردنه‌يل په‌رله‌مانی له‌سه‌رده‌م پاشايه‌تی له‌ عيراق جيوه‌جی كريا وه‌لی كتاوه‌يل تاريخی له‌و هه‌ڵوژاردنه‌يله‌ ڕخنه‌ گرن ، له‌وه‌رئه‌وه‌گ‌ راسه‌قينه‌و و چه‌ن لايه‌نه‌ نه‌وی وه‌ پارته‌يل چه‌پ و پارته‌يل ته‌ته‌وی عه‌ره‌ب و كورد له‌و هه‌ڵوژاردنه‌يله‌ به‌شداری نه‌كريان و سه‌ركه‌رده‌يليان خريانه‌ زندان، هه‌ميش په‌رله‌مان له‌ سه‌رده‌م پاسايه‌تی وه‌گوره‌ی برياره‌يل دو كه‌س كاركرديان ك ئه‌وانه‌يش نووری سه‌عيد و ئه‌مير عبدول ئلاه‌ بوين وك ئه‌و دوكه‌سايه‌تيشه‌ له‌ سه‌فير بريتانيا له‌ به‌غدا فه‌رمان برديان وه‌ئه‌گه‌ر په‌رله‌مان وه‌دڵيان نه‌وی شيوانيانه‌ی، و يه‌ك جار وه‌رجله‌ ئه‌وه‌گ په‌رله‌مان يه‌كمين دانيشتن خوه‌ی په‌رپا بكه‌يگ له‌يه‌ك شيويا و ئه‌وه‌يش وه‌ی خاتره‌ ك پرله‌مان وه‌دڵ نوری سه‌عيد و عبدول ئلاه‌ نه‌وی و چه‌ن كه‌سايه‌تی ئۆپزسيۆن له‌تی به‌شداری داشتن . له‌شوون سه‌رده‌م پاشايه‌تی عيراق گامنا قۆناغ جه‌هه‌نه‌ميگ و شۆرش 14 ته‌مووز ساڵ 1958 ك له‌دژيازد سه‌رده‌م پاشايه‌تی ته‌نيا نه‌تيجه‌ی ئه‌وه‌ بوی ك قاپيه‌يل له‌وه‌راوه‌ر وازی كردن وه‌ل  ئايه‌نده‌ی عيراق واز كرد، وه‌لی ئه‌گه‌ر شۆرش له‌و وه‌خته‌ له‌بان رێگه‌ی ديمۆكراتيگ وه‌گوره‌ی رێك خريا كار بكرداد عيراق ئيسه‌ يه‌كيگ له‌ وڵاته‌يل پێشكه‌فتگ جه‌هان بوی نه‌گ يه‌كيگ له‌ وڵاته‌يل دوياكه‌فتگ . وه‌لی ئيسه‌ راسه‌ ك كه‌موكۆرتيه‌يل و كيشه‌ و وه‌ربه‌سيل فره‌يگ هه‌س وه‌لی ته‌جرۆبه‌ی ديمۆكرای عيراق ڕووژ له‌دويای ڕووژ پێشكه‌فيگ و بته‌وتره‌و بوود. هه‌ڵوژاردنه‌يل له‌وه‌خت دياری كرياگ ئه‌نجام گريگ و هيچ ككه‌س نيه‌تويه‌نيگ وه‌گوره‌ی مه‌يل يا ره‌غبه‌ت خوه‌ی په‌رله‌مان بشيونيگ و له‌كار لاوه‌يگ وه‌ له‌گشت چشتيگ گرنگتر هه‌ڵوژارد وه‌گوره‌ی ده‌ستوور ئه‌نجام گريگ ك ئازاديه‌يل و هه‌قه‌يل سه‌ركی هاووڵاتيه‌يل عيراقيگ له‌لی بیبه‌ش كرياوين زامن كه‌يگ . وه‌گوره‌ی ئه‌ی ده‌ستووری عيراق ته‌نيا ئه‌را عه‌ره‌ب نيه‌ به‌ڵكه‌م كورد و تۆركمان و كلد و ئاشوور و ئه‌رمه‌نيش له‌ی وڵاته‌ به‌شدارن و هه‌قه‌يليان زامن كرياس وه‌ عيراقيه‌يل ته‌نيا پياو نين به‌ڵكه‌م ده‌ستوور له‌هه‌ق ژنيش دفاع كه‌يگ و به‌شيگ له‌ كورسيه‌يل په‌رله‌مان ئه‌رايان زامن كرياس .