دیاره‌‌ نه‌‌ حكوومه‌‌ت هه‌‌رێم كوردستان و نه‌‌ په‌‌رله‌‌مان كوردستان ناتویه‌‌نێ ئى قه‌‌رزه‌‌ بیاده‌‌و ئه‌‌گه‌‌ر ده‌‌ ئه‌‌وقه‌‌ره‌‌ێ ئیسه‌‌ بوودجه‌‌و پویل داشتوود، چوین هێمان چنه‌‌ بڕیار و باوه‌ڕێگ ‌لایان دروس نه‌‌ویه‌‌. ئیمه‌‌ ئه‌‌و تاقه‌‌ داره‌‌یمنه‌‌ ك ڕووژگارێگ ڕێوار نه‌‌ته‌وه‌‌یى كورد له‌‌ ساێ نیشتیاد و ئمڕوو بێ ناز كه‌‌فتیه‌‌. له‌‌ى ته‌‌نیا پارلمان كورده‌‌ له‌‌گشت دونیا، پرۆژه‌‌یاساى ساڵێگ بوودجه‌‌ى كوردستان خوه‌‌نریاو په‌‌سه‌‌ند كریا، فره‌‌ ئه‌‌نجام خاس له‌‌لى كه‌‌فته‌‌و وه‌‌لى له‌‌دویر و نزیك یه‌‌ك پرۆژه‌‌ى نه‌‌ته‌وه‌‌یى په‌‌سه‌‌ند نه‌‌كریا. له‌وه‌‌ختێگ دروشمه‌‌یل نه‌‌ته‌وه‌‌یى گران وه‌‌پیمان فرووشن و ئه‌‌گه‌‌ر خه‌‌رجیش نه‌‌یاشتوود، فره‌‌ ده‌‌س ودڵوازن ئه‌‌را به‌‌خشین‌ وه‌‌پمان.

وه‌‌باوه‌ڕم ده‌‌وران شه‌‌رم نه‌‌مه‌‌نیه‌‌، وه‌‌لى هێمان ئیمه‌‌ وه‌‌شه‌‌رمه‌‌و باس خاك كورد و مه‌‌ردم كوردزووان له‌‌ده‌‌یشت هه‌‌رێم كوردستان كه‌‌یمن. ئیمه‌‌ باس ئاواره‌‌و ده‌‌روه‌‌ده‌‌ره‌‌یل، باس بێ كاری و نه‌‌بوین خوه‌‌شگوزرانى، باس ته‌‌عریب ئه‌‌و مه‌‌ردمه‌‌، كردیمنه‌‌سه‌‌ باسێگ مه‌‌عنه‌‌وى، بى جیوه‌‌جى كردن پرۆژه‌‌یل ماددی. له‌وه‌‌ختێگ كلیل چاره‌‌سه‌‌ر گرفت مه‌‌ردم ئیمه‌‌ هه‌‌م به‌‌رنامه‌‌ى مه‌‌عنه‌‌ویه‌‌و هه‌‌م به‌‌رنامه‌‌ى ماددیه‌‌. من نازانم ئى دادگه‌‌رییه‌‌ ك باس ئه‌‌كریه‌‌ێد كه‌‌ى پا گرێ؟!، وه‌‌چه‌‌ سینریه‌‌ێگ؟!، چوین ناچێده‌‌ عه‌‌قڵم له‌‌وڵاتێگ بڕیار بوود كار ئه‌‌را به‌‌رنامه‌‌و پرۆژه‌‌ى نه‌‌ته‌وه‌‌یى نه‌‌كریه‌‌ێد، ئیمه‌‌ كورده‌‌یل فه‌‌یلى هیچ ئایه‌‌نده‌‌یگ وهیچ چشتێگ ئه‌‌را وتن داشتویمن.

ئه‌‌گه‌‌ر له‌‌ئایه‌‌نده‌‌ خه‌وه‌‌ر مه‌‌رگ باوه‌ڕ كوردبوین له‌‌ده‌‌یشت هه‌‌رێم كوردستان ئه‌‌شنه‌‌فتیمن كى وه‌‌رپرسیاره‌‌؟. ئیمه‌‌ جوور مه‌‌ردم ئه‌‌و ناوچه‌‌یله‌‌ باجه‌‌گه‌‌ى دایمنه‌، وه‌‌لى تاریخ شه‌‌رم ناكا وه‌‌ناو هاوردن ئه‌‌وانه‌ى ك ملله‌‌ت خوه‌‌یان له‌‌چووڵه‌‌وار بێ كه‌‌سى، وه‌‌چه‌وه‌ڕێ هیلن و وه‌‌فه‌‌رامووش كردنیان كوشنه‌‌یان.‌

عه‌‌لى حوسێن فه‌‌یلى