لەده‌يشت ‬بەرژەوەندی‮ ‬نیشتمانی

شفق نيوز

نه‌وين وه‌رپرسيارێتى وه‌شيوه‌يگ مه‌ترسيدار نه‌خش له‌ نه‌ون په‌يجووريكردن ديريد ك بى مه‌رزى له‌لى كه‌فته‌سه‌و وه‌ناو ئازاديه‌و. ئمجا شيويان هاوسه‌نگى هاوكيشه‌ى وه‌رپرسيارێتى و پرس وپرسكارى مه‌ترسى گه‌ورايگه‌ ك كومه‌ڵگا وه‌ره‌و ناكووكى و چويچيان و داوڕيان و جه‌نگ په‌لكيش ئه‌كا.

هاوسه‌نگى ئه‌و هاوكيشه‌سه‌ ك مقه‌يه‌تى له‌ كومه‌ڵگا ئه‌كا، وه‌ل ئه‌وه‌يشا بنه‌مايه‌يل ئنسانى و ئاسمانييش ك ميكانيزم تايبه‌ت وه‌ خوه‌يان ديرن ئه‌را مقه‌يه‌تيكردن و باڵانسكردن هاوسه‌نگى ئه‌و هاوكيشه‌ ك مقه‌يه‌تى له‌ خواست گشتى و به‌رژوه‌نديه‌يلى ئه‌كا وه‌جووريگ ك هه‌ر ئاده‌ميزاديگ جوور هاووڵاتى هه‌ر لايه‌ن و چالاكييگ سياسى ئابوورى و كومه‌ڵايه‌تى هه‌ر چشتيگ بخوازيد له‌ وه‌رانوه‌ره‌گه‌ى و له‌ هه‌مان وه‌خت وه‌رانوه‌ره‌گه‌يشى چه‌ له‌و بخوازيد وه‌ له‌يه‌كڕه‌سينه‌وه‌و گيان نيشتمانپه‌روه‌رانه‌، ئه‌وه‌ له‌ى حاڵه‌ته‌ مقه‌يه‌تى له‌ په‌يوه‌ندى كومه‌ڵايه‌تى ئه‌كا، ك له‌ڕوى فه‌لسه‌فيه‌و سفه‌تيگ سياسى و ياسايى و ئايينى و ئه‌خلاقى ئه‌گريده‌و، ك بويه‌سه‌ مايه‌ى مافپاريزى و خوه‌يمقه‌يتيكردن له‌ هه‌ر هه‌ڕه‌شه‌و مه‌ترسييگ ك دژ سه‌روه‌رى نيشتمانى و به‌رژه‌وه‌ندى گشتيه‌، ك گشت ئه‌يانه‌يش وه‌ ياسا ريكخريه‌ن.

جى داخه‌ له‌ كوردستان ئه‌و هاوكيشه‌ هاوسه‌نگ نيه‌و تاڕاده‌يگ دروشمبازى و مه‌رزشكانن وه‌ره‌لايى له‌ڕوى سياسى و ره‌ساننه‌و له‌لى كه‌فته‌سه‌و، ئمجا له‌ى حاڵه‌تيشه‌ زه‌مينه‌ى لاداين له‌ ره‌وت نيشتمانى و خزمه‌تكردن ئه‌جينداى وڵاته‌يل ده‌ورگرد ئه‌را له‌ليداين هه‌رێم كوردستان و ده‌سكه‌فته‌يلى خوه‌ى نمايش ئه‌كا، ك له‌ى بار سه‌خته‌ ئه‌خوازن بۆشايى ياسايى له‌ناو ده‌سڵات سياسى دروس بكه‌ن و سيناريۆيه‌يل لوبنان له‌باوه‌ت سه‌رۆكايه‌تى و جه‌نگ ناوخوه‌يى يه‌مه‌ن له‌ كوردستان دوباره‌وه‌ بكه‌ن.

په‌يامه‌ مێژووه‌گه‌ى جه‌ناب سه‌رۆك هه‌رێم كوردستان جه‌خت له‌ نه‌وين ئه‌و بنه‌مايه‌يل نيشتمانيه‌ ئه‌كا له‌لاى مه‌ردمانيگ و هووشدارييشه‌ ئه‌را ئه‌وانه‌گ ئه‌جينداى وڵاته‌يل ده‌ورگرد دژ هه‌رێم كوردستان و ده‌سكه‌فته‌يلى جيوه‌جى ئه‌كه‌ن.

ئمجا بايه‌سه‌ له‌شوون ئه‌و په‌يام بارزانيه‌ مه‌رزيگ ئه‌را گشت ئه‌وانه‌ دابنريه‌يد و ڕى له‌و ئه‌ڕاى چوين باوه‌ بگيريه‌يد ك ئويشيد"چه‌نيگ بتويه‌نيد سووكايه‌تى وه‌ ده‌سڵات سياسى كوردستان و به‌هايه‌يل نيشتمانى بكه‌يد و سه‌ر وه‌ وڵاتيگ ده‌ورگرد و نه‌يار بويد، ئه‌دێده‌ سياسه‌تمه‌دار و رووشنهوير پاڵه‌وان و پله‌و پۆست باڵاى ياسايى و سياسى وه‌پيد ئه‌دريه‌يد"، ك بايه‌سه‌ كووتايى وه‌پى باريه‌يد و هاوكيشه‌ى وه‌رپرسيارێتى له‌بان ئاست تاك و گشتى و پرس وپرسكارى هاوسه‌نگ بدێ و ڕى نه‌دريه‌يد هويچ حب و لايه‌نيگ سياسى و مه‌ده‌نى و ره‌سانن وه‌ دروشمبازى وموزايده‌ زه‌ره‌د وه‌ ره‌وت نيشتمانى و يه‌كڕزى و به‌رژه‌وه‌ندى گشتى بڕه‌سنيد.

سوورە مەرگەیی

ج . أ