كورد تواناى ورسگى و دارنده‌يى ديرێد

سه‌ڵاح  مه‌نده‌لاوى

شه‌فه‌ق نيوز/ ئه‌وه‌ ئه‌رامان ده‌ركه‌فێد ك له‌شوون ئى هه‌ردوگ كيشه‌ كيشه‌يل تر هه‌ن، وه‌لێ له‌ى كيشه‌يل ده‌واوينى و سوپا گه‌وراتر نيه‌ هه‌ر له‌ وه‌خت دامه‌زرانن ده‌وڵه‌ت سه‌رده‌ميانه‌ تائيسه‌، هه‌ر له‌وه‌ر ئه‌وه‌يش نوڕێد ده‌وڵه‌ته‌يليگ وه‌خوه‌يان و دام و ده‌زگايه‌يليانه‌و مه‌وحه‌و بوين و دوباره‌يش خوه‌يان بنيات نانه‌و.

 

ئه‌ڵمانيا له‌ جه‌نگ شكه‌ست دا، وه‌لێ ئه‌خلاقى له‌ده‌س نه‌يا، يه‌يش له‌ زووان شوفێريگ ئه‌ڵمانى له‌وه‌ختيگ ك چه‌وى كه‌فتياده‌ په‌لامار مه‌ردم و تواسيان سوار سه‌ياره‌ى پاس حكومى بوون، ئمجا ئه‌ڵمانيه‌يل وه‌ختيگ ئه‌و گوزاره‌ ژنه‌فتن وه‌ ڕه‌تڵه‌و وسيان، ئيمه‌يش شانازيه‌ ئه‌رامان ك ملله‌ت كوردستان چواريه‌كى مووچه‌ى وه‌رئه‌گرێد و هه‌ر سێ مانگيگ هه‌مان قه‌وان دوباره‌وه‌ ئه‌كريه‌ێد له‌ وه‌ختيگ ك كه‌سيگيان وت سه‌روه‌خوه‌يى وه‌ده‌س ئه‌يه‌ريم، ئيمه‌ چه‌ وه‌ سه‌روه‌خوه‌يى بكه‌يم ئه‌گه‌ر نه‌زانيم دارايه‌گه‌ى چه‌ وه‌پى ئه‌ياد، هه‌ر وه‌و خاتريشه‌ ئه‌ڵڵاجه‌وى نيه‌ مناڵه‌يليگ ئه‌وينم له‌ خوه‌رئاواى كوردستان خنكيه‌ن له‌ئاو جوور ئايلان مناڵه‌ كورد سوورى.

 

با ريك بكه‌فيم له‌بان ئه‌وه‌گ ناكووكى نه‌ياشتويم، بيگومان ئيمه‌ غه‌يو پيشكه‌ش كرديايم ئه‌را ئه‌وه‌گ ده‌سميه‌تمان بيه‌ن تا مقه‌يه‌تى له‌ سه‌روه‌خوه‌يى بكه‌يم، وه‌لێ راستر ئه‌وه‌سه‌(ده‌س بنه‌ بان زناده‌گه‌د و بويش پشت وه‌خودا به‌سم).

 

له‌يرا موفاجئه‌يگ ئه‌وه‌سه‌ ك ئيكسۆن موبيل ئاشكراى خوه‌يكيشانه‌وه‌ى كرد له‌ وه‌به‌رهاوردن له‌ كوردستان، زوورم گومانه‌يليش ئه‌وه‌سه‌ نه‌فت قه‌ره‌داغ ك شايه‌ت وه‌بوونه‌ى روينه‌يل په‌ڵبه‌سياگ له‌ وڵاته‌يل يه‌كگرتگ بويه‌، شايه‌تيش ئه‌مريكيه‌يل خاستر بزانن له‌باره‌ى مه‌ردم نيويۆرك، وه‌نا مه‌سه‌له‌ى نزيكى له‌ دويرى خاستره‌، چوينكه‌ چين ئيسه‌ ئاساره‌ى به‌رزيگه‌و توانادارترن ئه‌را سه‌ندن نه‌فت كوردستان له‌ ناوڕاس عراقه‌و ده‌س وه‌پيكرد و وه‌ ئاسانييش ئه‌چێده‌ ده‌ربه‌نديخان و قه‌ره‌داغ، ئمجا ئه‌و شاند كوردستانه‌ ك له‌ پيرووزبايى ترامپ هاتنه‌و هويچ چشتيگ نازانن، يه‌يش بيجگه‌ په‌يوه‌سكرن نه‌فت هه‌رێم وه‌ خه‌ته‌يل كويه‌ن "هه‌رير" ك يه‌يش مه‌حاڵ نيه‌و بازاڕ نه‌فت چينيش قه‌وڵداره‌و مسته‌ر ترامپيش خوازيار ريڕه‌و مۆنرۆس ك له‌بان بنه‌ماى دويرخسان هه‌ردوگ ئه‌مريكا بنيات نريا تا وه‌ختيگ زه‌ربه‌ى بيرڵ هاردبرد" ميناء اللؤلؤ"هات، ئه‌وه‌يش يابان ك دياره‌ شه‌كه‌ته‌ له‌ ره‌سين وه‌ شووڕش ئابوورى چينى، ك هه‌رچه‌نى وه‌پى وتيان عونسر زه‌رد و ته‌نانه‌ت چه‌رمگپووسه‌يليش ترسيان له‌وه‌گ تيكه‌ڵيان بوون، چوينكه‌ وه‌گومان بوين له‌وه‌گ تويش نه‌خوه‌شى سل هاتنه‌.

 

ماناى ئه‌وه‌سه‌ ئيمه‌ له‌ چاره‌سه‌ر نزيكه‌و بويمنه‌، چاره‌سه‌ر به‌غداو چاره‌سه‌ر ئه‌مريكى ئه‌ڵمانى چينى فره‌نسى، يه‌يش بيجگه‌ ده‌وڵه‌ته‌يل هه‌رێمى و ئاساره‌ى داعشيش ك ده‌سكردنه‌سه‌ واين و ته‌نيا 40% له‌ليان له‌ موسڵ و 25% له‌ليان له‌ حه‌له‌ب مه‌ندگه‌.

 

ترس له‌بان موسڵ و مه‌ردمه‌گه‌ى نيه‌، ئيمه‌ ميليشيا نييم، ئيمه‌ چ پێشمه‌رگه‌ يا حه‌شد شه‌عبييم، يه‌يش له‌وه‌ختيگ ك جه‌نگاوه‌ره‌يليان بوينه‌ ميليشيا و ئيمه‌يش بويمنه‌ سوپاو مووچه‌يليش ئه‌ياده‌و و هاوڕيه‌يلمان وڵمان ناكه‌ن و شانيه‌ت ئيمه‌يش ئه‌رزان نيه‌و تواناى ورسگى و دارنده‌ييش ديريم.

سه‌ڵاح مه‌نده‌لاوى