مێژوو شەنگال

شفق نيوز

دويای ئه‌وه‌ك له‌ساڵ ١٥١٦ له‌لايه‌ن عوسمانيه‌يله‌و داگير كرياو جوور شار و شاروچكه‌يل تر كوردستان بويه‌سه‌ مه‌يدان كيشمه‌كيش ناونی عوسمانيه‌يل و سه‌فه‌ويه‌يل، هه‌ر وه‌و خاتريشه‌ له‌ نيمه‌ی يه‌كه‌م سه‌ده‌ی ٢٠ وه‌تايبه‌ت له‌ساڵ ١٩٤٧ نزيكه‌ی ٦٠٠ ماڵ بويه‌ ك دابه‌ش بويه‌ له‌بان چه‌ن ناوچه‌يگ سه‌ره‌كی"سه‌راو بورج و كه‌لاهی و به‌رسه‌هی و به‌ربه‌روش".

له‌و ماوه‌يشه‌ بازاڕيگ گشتی و ٢ خان و مزگفت گه‌ورايگ و ٢ كه‌نيسه‌و فه‌رمانگه‌يگ حكوومى و شاره‌وانييگ له‌تی بويه‌و شماره‌ی مه‌ردمه‌گه‌ی ٢٥١٣ كه‌س بويه‌.

له‌ناونی ساڵه‌يل ١٩٤٧- ١٩٨٠ چه‌ن ئاڵشتكارييگ بنه‌ڕه‌تی له‌ بونياد شار شه‌نگاڵ هاورياسه‌ وجوودو ته‌عريب كرياگه‌، يه‌كه‌مين گاميگيش له‌و چوارچيوه‌ ك نرياگه‌ پيكهاتويد له‌ وه‌ موڵكيه‌تكردن ٢٣٣٥٥ دۆنم زه‌وی خوه‌رهه‌ڵات شه‌نگاڵ ئه‌را ئه‌و هووزه‌يل عه‌ره‌به‌ ك له‌ ده‌يشت قه‌زاگه‌و پاريزگای نه‌ينه‌واوه‌ هاوريانه‌.

له‌ساڵ ١٩٧٧ فيشتر له‌ نيمه‌ی مه‌ردمه‌گه‌ی رويكردنه‌ ناوچه‌يل تر هه‌رێم كوردستان و ئه‌وه‌كيش له‌ليان مه‌نده‌و ناچار كريان نه‌ته‌وه‌ی خوه‌يان ئاڵشت بكه‌ن، يه‌يش بيجگه‌ له‌وه‌ك فيشتر له‌ ١٥٠ ئاوايی ده‌ورگردی له‌لايه‌ن ده‌سڵاتداره‌يل به‌عسه‌و سزياو چه‌ن ناوچه‌و كويچه‌يگ تازه‌تر دروس كرد ئه‌را عه‌ره‌به‌يل و ناسنامه‌ی شاره‌گه‌يش ئاڵشت كرياو يه‌يش له‌يوا كرد شماره‌ی مه‌ردمه‌گه‌ی روی له‌ زيايی بكاو له‌ ئامار ساڵ ١٩٥٧ شماره‌ی مه‌ردمه‌گه‌ی ٨٢٦٠ كه‌س بويه‌، وه‌لی له‌ساڵ ١٩٩٧ ره‌سيه‌سه‌ ١٤٦٠٨ كه‌س و ئه‌و شماره‌يشه‌ له‌ساڵ ٢٠٠٢ ره‌سيه‌سه‌ ١١٣١٥٩ كه‌س بويه‌.

دی ساڵ وه‌ساڵ زيايبوين شماره‌ی مه‌ردم شه‌نگاڵ ئه‌وه‌ ده‌رخست ك حكوومه‌ته‌يل ره‌گه‌زپه‌رس عراق وه‌ ئاره‌زوو خوه‌يان ده‌سكاری ديموگرافيای ئه‌و شاره‌ كردنه‌و ئاڵشتكاری له‌تی ئه‌نجام دانه‌ وه‌ مه‌رام خوه‌يان.

سه‌رچه‌وه‌/ ئه‌نته‌رنێت

ج . أ