بنه‌چه‌ك نه‌ته‌وه‌يى كورد

شفق نيوز

 

سمیت ئویشید: كورد له‌بوار هوشیارى نه‌ته‌وه‌ییه‌و، له‌ ئاستیگ بوین ك ئاگادار بوین له‌ بنه‌چه‌ك گوزه‌یشت خوه‌یان. وه‌ل ئه‌وه‌یشا له‌ ناونى ماوه‌یگ و ماوه‌یگ تر كلتووریگ هاوبه‌ش وه‌ خوه‌یان ناساندنه‌و خاوه‌ن هویر وڕاى هاوبه‌ش تاریخى بوینه‌و ئه‌و ناسین هاوبه‌شیشه‌ په‌ویوه‌س كردنه‌سه‌ جوگرافیایگ خاوه‌ن ناو، وه‌لى له‌ ساڵه‌یل سته‌م كووتایى سه‌ده‌ى 19و سه‌ره‌تاى سه‌ده‌ى 20، ك ده‌وران جمشت نه‌ته‌وه‌یى و پرووژه‌ داناین ده‌وڵه‌ته‌یل تازه‌ بوى له‌ خوه‌رهه‌ڵات ناوڕاس، نه‌تویه‌نستن له‌بوار ناوخوه‌ییه‌و هاوكار و هسیگ هاوبه‌ش نه‌ته‌وه‌یى دروس بكه‌ن.

گوزاره‌و ناسنامه‌ى كوردى وه‌رجه‌ قوناغ وه‌ نه‌ته‌وه‌ییبوین یا بنه‌چه‌ك نه‌ته‌وه‌یى ك وه‌ ناسنامه‌ى ئه‌تنى كورد دریه‌یده‌ قه‌ڵه‌م: فریه‌ وه‌رجه‌ په‌یابوین جمشت نه‌ته‌وایه‌تى له‌ رووژهه‌ڵات ناوڕاس خوه‌ى ده‌رخستگه‌.

مارتین فان بروینسن، وه‌ پشتبه‌سانن وه‌ شیه‌وكردن تاریخى په‌یوه‌نیدار وه‌ كلتوور و ئه‌ده‌بیات كویه‌ن كوردیه‌و، ره‌سیه‌سه‌ ئه‌و ئاكامه‌ ك گوزاره‌یگ دروسكریاگ كوردى وه‌لایه‌ن كه‌مه‌و تاریخیگ سه‌دان ساڵه‌ دیرید.

له‌ كووتایى ساڵه‌یل سه‌ده‌ى 17 زایینى، ناسنامه‌ى نه‌ته‌وه‌یى كورد فریه‌ وه‌ ئاشكرا خوه‌ى ده‌رخست، ئمجا وه‌ گووره‌ى قسه‌یل بروینسن ئه‌و ناسنامه‌ى نه‌ته‌وه‌ییه‌ وه‌رجه‌ قوناغ وه‌ نه‌ته‌وه‌بوین، جوور بنه‌مایگ ئه‌یاده‌ هساو ئه‌را داخوازى نه‌ته‌وه‌یى ئمڕوو ملله‌ت كوردستان.

عه‌زیز حه‌سه‌ن

ج . أ