نوقره‌ ده‌رمان مايه‌سيرى

شفق نيوز

وه‌ل ئه‌وه‌يشا نوقره‌ چرك وپيسييش ئه‌گريده‌ خوه‌ى، وه‌لى ته‌ڵا وه‌ چه‌واشه‌وه‌ چرك وپيسى ناگريده‌ خوه‌ى، نوقره‌ ئه‌گه‌ر بوو قه‌ڵايى و جيوه‌ ره‌سيه‌پى و دايده‌ى له‌لى ئه‌و له‌ى حاڵه‌ته‌ هويرده‌ ئه‌دێ و شكيه‌يد. ئه‌گه‌ريش بوو كبريت ره‌سيه‌پى سيه‌ ئه‌دێده‌و.

ئه‌را مه‌سه‌له‌ى تاواننه‌وه‌يش ئه‌گه‌ر هات و نوقره‌ تاوانيده‌و كبريت بكه‌يده‌ بانى يه‌كسه‌ر سزيه‌يد و سيه‌يى ئه‌گريده‌ خوه‌ى و جوور شيشه‌ ك چوين هويرده‌ ئه‌دى ئه‌ويش وه‌و جووره‌ هوير ئه‌دێ، وه‌لى له‌و حاڵه‌ته‌ "بوره‌ك" بكه‌يده‌ بانى خاسه‌و ئه‌دێ و جوور ئه‌وه‌ڵجار وه‌پى ئه‌يه‌يد.

بوره‌ك جووره‌ نمه‌كيگه‌ ك له‌ بڕيگ ده‌رياچه‌يل ئاسياو چين و تبت و هندستان وه‌رگيريه‌يد، بريگيش هه‌ن له‌ كوچگ په‌يا بوون له‌ناو كانه‌يل، ك ئه‌يانه‌يش ره‌نگ قرمز و چه‌رمگ و جووره‌يل تر ديريد و تامه‌گه‌ى شووره‌.

ئمجا ئى بوره‌كه‌ ئه‌گه‌ر بكريه‌يده‌ بان نوقره‌ فريه‌ له‌لى كه‌مه‌و ئه‌كا، بيجگه‌ ئه‌وه‌يش قورقوشم و زاخ تورشيش له‌كه‌دار نوقره‌ ئه‌كا.

له‌ باوه‌ت قانجازه‌گه‌يشى ئه‌را ته‌ندروسى ئاده‌ميزاد، نوقره‌ جوور ئه‌وه‌ك باس ئه‌كريه‌يد ئه‌را نه‌خوه‌شى گه‌ڕى ك له‌ پووس ده‌ركه‌فيد وه‌ كه‌ڵكه‌ و ئه‌را ميزگيرانيش نه‌خش گرينگيگ ديريد، يه‌يش بايه‌سه‌ راوێژ خاوه‌ن ئه‌زموونه‌يل ئه‌راىبكريه‌يد له‌ مه‌سه‌له‌ى چوينێتى وه‌كارهاوردنى.

بيجگه‌ ئه‌وه‌يش ئه‌و ده‌رمانه‌يله‌ ك ئه‌را ته‌نگه‌نه‌فه‌سى ئه‌خوريه‌ن ئه‌گه‌ر نوقره‌ تيكڵايان بكريه‌يد خاستر و بته‌وتر بوون، ئه‌گه‌ريش له‌ حاڵه‌تيگ وه‌ل جيوه‌يش تيكه‌ڵ بكريه‌يد ئه‌وه‌ له‌ى حاڵه‌تيشه‌ يارمه‌تيده‌ر خاسيگه‌ ئه‌را نه‌خوه‌شى مايه‌سيرى و يه‌يش هه‌ر زوى تاقيه‌و كرياگه‌و ده‌رمانه‌ ئه‌را ئى نه‌خوه‌شيه‌.

سه‌رچه‌وه‌: زينده‌وه‌ر/ عه‌لائه‌دين سه‌جادى

ج . أ