هه‌فتا ساڵ له‌ خه‌بات وه‌بی تۆماركردن

شفق نيوز

له‌يرا راسی تيه‌ڵيگ هه‌س، ك ئه‌ويش ئه‌وه‌سه‌ ملله‌ت كورد له‌و وه‌خته‌يله‌ له‌ڕوی رووشنهويری سياسی و خه‌بات وه‌جه‌م و به‌شداری گشتی ئه‌شكاڵيه‌تيگ داشت له‌ گوزاره‌ی ملله‌ت يه‌كگرتگ، ئی حزبيشه‌ سه‌خی بوی له‌ بڵاوكردنه‌وه‌ی گوزاره‌ی وه‌جه‌م و تازه‌و قوربانی دا ئه‌را ئازادی فكر ئاده‌ميزاد عرای له‌ نه‌ريته‌يل رووشنهويری سياسی وگشتگير.

خاڵ جه‌وهه‌ری وه‌ی بوونه‌وه‌ باوه‌ڕه‌ وه‌ ئه‌وه‌گ ئی روێداگه‌يل مێژووييه‌ هووكاره‌يل ناوخوه‌يی جوور داينه‌مۆی سه‌ره‌كی بوين ئه‌ڕای نه‌ك خارجی له‌لی، وه‌لێ ئی حزبه‌ تويه‌نست كيشه‌ی ملله‌ت كورد له‌بان هه‌ردوگ ئاست ناوخوه‌يی و خارجی بزانێد.

من كووكم وه‌ل ئه‌و باوه‌ڕه‌ ك ئويشێد دويای وه‌سه‌رچگن هه‌فتا ساڵ له‌بان دامه‌زرانن پارت ديموكرات كوردستان تا رووژ ئمڕوومان، بڕێگ شيه‌وكردن و قه‌سه‌وباس جياجيا هه‌س وه‌ بوونه‌ی كه‌می سه‌رچه‌وه‌ و ئه‌رشيفكردن به‌ڵگه‌يی وه‌ به‌راورد وه‌ل قه‌واره‌ی ئه‌و لاداينه‌ ك تۆمار كرياس، ئمجا ئه‌وه‌گ ئويشيه‌ێد و تيه‌ريه‌ێده‌ ياد و فريه‌جار وه‌گووره‌ی دڵ دووسداره‌يل و مه‌رامداره‌يليه‌ به‌س نيه‌، چوينكه‌ فريه‌جار له‌وه‌ر ئاشكراكردن و چه‌سپانن رۆڵ حزب له‌ دروسكردن نه‌وه‌يل وه‌تايبه‌ت له‌وانه‌گ ئيمان وه‌ كيشه‌گه‌يان ديرن ئه‌ويش كيشه‌يگ ئنسانيه‌ ك ده‌ور خوه‌ی له‌ جمشت نه‌ته‌وه‌يی ده‌رخه‌ێد و ئی مه‌سه‌له‌ له‌ بوونه‌يل ناوخوه‌يی و خارجيه‌ باس ناكريه‌ێد، ئمجا له‌وه‌رانوه‌ر سته‌م شۆفێنی به‌غدا و مافه‌يل ره‌وای كورد تويه‌نست پرووژه‌يگ ئه‌را برايه‌تی له‌ناونی پيكهاته‌يل پيشكه‌ش بكا، حزب وه‌ تاك و فكره‌يل جياجيا ئی پرووژه‌ دانا وه‌ ئاسوو فراوانيگ و جمشت ئازاديخوازيش دروشمی ديموكراسی بوی ك ئه‌گونجيه‌يد وه‌ل بار كومه‌ڵگای عراقی.

ئمڕوويش دويای وه‌سه‌رچگن ٧٠ ساڵ، ئی حزبه‌ تويش ره‌خنه‌يل مێژوويی ئه‌دێد وه‌ بوونه‌ی ئه‌وه‌گ ساڵياد دامه‌زراننی بوونه‌يگ ته‌مام حزبی نيه‌، به‌ڵكوو خوه‌ندنه‌وه‌يگه‌ ئه‌را خه‌بات ملله‌تمان ئه‌را هفت ده‌يه‌ی گوزه‌يشت ك له‌تی داوای جيوه‌جيكردن خه‌و كورد كرد و ئه‌را زه‌مانه‌ت ئه‌وه‌يش خواستيگ هه‌س ك ئه‌ويش وه‌رده‌واميه‌ له‌بان ريڕه‌و دامه‌زرانن كويه‌ن وه‌تايبه‌ت ئه‌گه‌ر مه‌ترسيه‌يل وجووديه‌گه‌ی وه‌ربگريم ك وه‌ل دامه‌زراننی دريژه‌ داشت و تائيسه‌يش دياره‌و ماف ملله‌تيش هيمان ته‌ور چه‌سپانن.

ئه‌وه‌يش له‌ هوير ناوه‌يم ك ره‌خنه‌و ستايش له‌ خوه‌رهه‌ڵات ئه‌ڕه‌سێده‌ قوناغ جنوون و له‌ ريژه‌ی شاردنه‌وه‌ی روخسار راسيه‌يل فيشتره‌و ئه‌كا، وه‌لێ بايه‌سه‌ دگان وه‌ ئه‌وه‌ بنه‌يم ك پارت ديموكرات كوردستان بيجگه‌ هه‌وڵه‌يل فريه‌ی له‌ هه‌مان وه‌خت ده‌وڵه‌مه‌نيشه‌ وه‌ مێژوو شه‌فه‌هی له‌بان قوربانيه‌يل و فه‌قيريشه‌ له‌ تۆماركردن له‌ی بواره‌و، ئمجا له‌باره‌ی ده‌سكه‌فته‌يليشی و جوور نموونه‌يگ ئاسايی له‌بان قسه‌يلمان ئه‌وه‌سه‌ ك زوورم رووڵه‌يل پيكهاته‌ی كورده‌يل فه‌يلی وه‌تايبه‌ت و باقی پيكههههاته‌يل تر كومه‌ڵگای كوردی وه‌گشتی ك باوگ و باپيره‌يليان به‌شدار بوين له‌ دامه‌زرانن حزب، ئحساس فه‌خر و شانازی له‌ده‌سدانه‌ تا راده‌يگ ك باوگ و باپيره‌يليان جی كه‌رامه‌ت و خاوه‌ن پايه‌ بوينه‌و حزب داسه‌ی هه‌ر تاكيگ كورد وه‌بی جياوازی وه‌ بوونه‌ی داشتن كه‌می زانياری يا په‌يوه‌ندی.

ئه‌گه‌ ئه‌يه‌ په‌ياميگ پيرووز بوی و دويای هه‌فتا ساڵ و وه‌ی قه‌واره‌ ك وه‌ زووان تاريف بكريه‌ێد و رووڵه‌يل ملله‌ته‌مان بفامنه‌ی وه‌بی تويڕه‌يی، ئه‌وه‌ نه‌بايه‌د وه‌ يه‌ك ره‌نگ ته‌ماشای چشته‌يل نه‌كه‌يم و وه‌بی بوغز و خوه‌شه‌ويسی، وه‌نا باس له‌ی مێژوو روێداگ گرينگه‌ بايه‌سه‌ بكه‌يم وه‌بی ئاماژه‌ و مامڵه‌كردن وه‌ ئه‌قڵانيه‌ت، هه‌ر وه‌و خاتريشه‌ پارت ديموكرات ئه‌را برايه‌تيه‌و باوه‌ڕ وه‌ چاره‌سه‌ر ئاشتيانه‌ ديرێد، وه‌ل ئه‌وه‌يشا ناچار كريا له‌بان خه‌بات چه‌كداری و ئمڕوويش ك هه‌رچه‌نی زانياری شه‌فاهيه‌تيش وجوود ديرێد له‌ڕوی روێداگه‌يله‌و، وه‌لێ په‌يامه‌گه‌ی ئاشكراو رووشنه‌ وه‌بی مره‌كه‌و له‌بان وه‌رقه‌ ئه‌را تۆماركردن ك ئه‌ويش ماف بڕيار چاره‌نويس ملله‌ت و مقه‌يه‌تيكردن كه‌رامه‌تيه‌.

عه‌لی حسێن فه‌يلی