سه‌رده‌م ئه‌سه‌د وه‌سه‌رچیه‌ و به‌شه‌و كردن سوریه‌ ده‌س وه‌پى كردێه‌

شفق نيوز

وه‌لێ جیاوازی هه‌س له‌ واقع مه‌یدانی و له‌ پێكهاته‌ێ نه‌ته‌وه‌یی و ئاینی و مه‌زه‌بی عراق و سوریه‌ و هه‌ر وه‌ێ خاتره‌ به‌شه‌و كردن سوریه‌ وه‌شێوه‌ێ قوناغ وه‌قوناغ ئه‌نجام گریِگ ئه‌ڕا ئه‌وه‌ به‌شه‌و كردن كێكه‌گه‌ و به‌رژه‌وه‌ندیه‌گان وه‌شێوه‌ێ ڕیك و پێگ ئه‌نجام بگرێ.

ئه‌را ئى مه‌به‌سه‌ باێه‌د له‌ ڕێ ڕاوێژه‌یل لاوه‌كى ك له‌ لاێه‌ن ستیڤان دی میستورا له‌ جنێڤ وه‌ل لایه‌نه‌ ركابه‌ره‌گان ئه‌نجام گرێگ ، كه‌شه‌گه‌ ته‌ماوى بكرێه‌ێ تا ئه‌وقه‌ره‌گ گوفتوگوه‌یل ڕه‌سنه‌ ئه‌نجام و شه‌رعیه‌ت بێه‌نه‌ پڕوژه‌ی به‌شه‌و كردنه‌گه‌ له‌ ناونی پێكهاته‌یل جیاواز.   

چه‌ن ڕوژ له‌ێه‌وه‌ر له‌ تاران شیكردنه‌وه‌یل نافه‌رمی باس نه‌قڵ كردن پایته‌خت سوریه‌ له‌ دمه‌شقه‌وه‌ ئه‌ڕا شار ته‌رتوس یا لازقیه‌ كریا ، هه‌رچه‌ن لایه‌نه‌یل و كه‌ساێه‌تیه‌یل نزیك له‌ ڕژیم سوریه‌ ئه‌و پێشنیاره‌ وه‌ دوێر له‌ ڕاسی له‌ قه‌ڵه‌مدان ، وه‌لێ مه‌سڵه‌تێگ هه‌س ك ئوێشێ وه‌بێ ئاگر دوێگه‌ڵ به‌رزه‌و نیه‌وگ ، ته‌نیا 24 سه‌عات دوێاێ شیكردنه‌وه‌گان تاران ، ڕاپورته‌یل دبلوماسی باس هه‌وڵ و ته‌قالای ئه‌مریكی وه‌ل ئێران كردن ئه‌ڕا ناچار كردن ئه‌سه‌د وه‌ ده‌س ئه‌ڵگردن له‌ ده‌سه‌ڵات.

له‌ێوا باس كرێه‌ێ ك تاران مه‌رجه‌یل دیاریێگ جور قیمه‌تێگ ئه‌ڕا سه‌ر ئه‌سه‌د داناس ، جور زامن كردن وه‌رگردن قه‌رته‌یل چه‌ن ساڵه‌ێ خوه‌ێ وه‌ دمه‌شق و دادگایی نه‌كردن هویچ كام له‌ لاێه‌نه‌یل ئێرانی ك له‌ێ چه‌ن ساڵه‌ شان وه‌شان هێزه‌یل ئه‌سه‌د دژ وه‌ ئوپوزسیون و گروپه‌ تروریستیه‌گان جه‌نگ كردنه‌ و ساغه‌و كردن ئه‌و مولك و زه‌ێو و زاره‌یله‌ ك له‌جی قه‌رت له‌ ڕژیم ئه‌سه‌د سه‌نیه‌سه‌ێ و ئعتراف كردن وه‌ناسنامه‌ێ سوری ئه‌و ئێرانیه‌یله‌ ك هاوكارى ئه‌سه‌د كردنه‌.

گشت ئه‌یانه‌ له‌ وه‌ختێگه‌ ك گوڕانكاریه‌یل مه‌یدانى ئێ دویاخره‌ ، ئاماژه‌ كه‌نه‌ ئه‌ڕا داڕمیان هێزه‌یل ئه‌سه‌د له‌ جه‌بهه‌یل جه‌نگ  ، چ له‌ به‌ره‌ى باشور ك        " جه‌یش ئازاد سوریه‌" نه‌گ ته‌نیا توێه‌نستیه‌ نواێ په‌لاماره‌یل هێزه‌یل هاوبه‌ش ئێرانی و حزبوللا بگرێ ، به‌ڵكم هاوكیشه‌گه‌ گوڕیاس و سوپای ئازاد توێه‌نستیه‌ ناوچه‌ێ" به‌سرا ئه‌لشام " كونتروڵ بكه‌یًگ ك باره‌گاێ سه‌ره‌كى " هێزه‌یل ئێرانی" بوێه‌ و له‌ شوون ئه‌وه‌یش په‌لامار ده‌روازه‌ێ سنووری نه‌سیب وه‌ل وڵات ئوردون دانه‌ و له‌ باكوریش شار ئدلب و پێه‌ڵ شغور كه‌فتێه‌سه‌ ده‌س هیزه‌یل ئوپوزسیون و شار لازقیه‌ كه‌فتێه‌سه‌ وه‌ر هه‌ڕه‌شه‌ێ جددی.

ئوپوزسیون وه‌ێ زیوه‌ له‌ ئه‌نقه‌ره‌ دانیشتن ساز كه‌ێگ و شاێه‌د ناوچه‌یل باكور جور ناوچه‌یل ئه‌من وه‌ ڕه‌زامه‌ندی ئه‌مریكا ئعلان بكرێه‌ێ و چه‌ن وڵاتێگ عه‌ره‌بیش هانه‌ ته‌ما ناوچه‌یل باشور سوریه‌ جور ناوچه‌یل ئه‌من ئعلان بكه‌ن ، و یه‌یش هێلێگ ناوچه‌یل كنار ده‌ریاى سوریه‌ بووگه‌ مه‌یدان ململانی ده‌سه‌ڵات له‌ ناونی ئیران و ڕوسیه‌ و وه‌ی جوره‌ وه‌یه‌ك تیر دو نیشان بپێكن ، یه‌كێگ قورتار بوێن له‌ ڕژیم ئه‌سه‌د و دوێم واز بوێن قاپى له‌ وه‌رده‌م له‌ ناوبردن "داعش" و گروپه‌ تروریستیه‌گانتر له‌ ناوچه‌گه‌.

وه‌له‌وه‌رچه‌و گردن ئه‌وه‌گ باسێ كردیم توێه‌نیم په‌ێ ئه‌وه‌گ ،  ئه‌رَا له‌ێ ڕوژه‌یل دویاخره‌ گرنگی و بایخ فه‌ره‌ێگ درێه‌یگه‌ جه‌نگ ناوچه‌ێ قه‌له‌مون و دمه‌شق ، له‌وه‌ر ئه‌وه‌گ ئێران نگه‌رانه‌ له‌وه‌گ ڕوسیه‌ بتوێه‌نی كناره‌یل ده‌ریایی سوریه‌ كونترول بكه‌ێگ ، تا ڕێ قه‌له‌مون و ناوچه‌یل ده‌وروه‌ر دمه‌شق وه‌ل سنوره‌یل لوبنان بوه‌سێگ.

راجح خورى ، ڕوژنامه‌ى ئه‌لنهار

ج ك