نه‌وه‌ى یه‌قه‌چه‌رمگ و نه‌وه‌ى خوین

شفق نيوز

 

له‌دویاى ئه‌وانیش نه‌وه‌یگ تر هات ك له‌ سه‌ره‌تاى ساڵه‌یل هه‌یشتا وه‌ نیمچه‌ خوه‌نه‌واریه‌و روى كردنه‌ جه‌وه‌ڵ و شوونه‌یل ئدارى و رێكخستن و ره‌سانن له‌وه‌ر هووكار جیاوازى نوڕستنیان ئه‌را شووڕش وه‌ل چینیگ فراوان ناو شووڕش ئى نه‌وه‌ تویه‌نست جواو هه‌وه‌جه‌یل سه‌رده‌م خوه‌ى بیه‌یده‌و.

 

له‌شوون ئه‌وانیش نه‌وه‌یگ تر وه‌عومریگ بویچگتر و ساده‌تر له‌هویره‌وكردن تویه‌نست شوونه‌یل فراوان شووڕش له‌ناو شار و له‌جه‌وه‌ڵ پڕه‌و بكاو بووده‌ هووكاریگ بته‌و داینه‌مۆ هه‌ڵسانه‌وه‌ى ناسنامه‌ى نه‌ته‌وه‌یى، ئى نه‌وه‌ باڵ ئه‌را قوربانیداین هه‌ڵكردو بویه‌و ئه‌و ده‌ریاى خوینه‌ ك دوشمنه‌یل كورد سڵ له‌لى كردیان.

 

ئى نه‌وه‌ له‌وه‌ر ئه‌وه‌ك رووح پاكیگ داشت گشت به‌رژه‌وه‌ندیه‌یل و گیان خوه‌یشى خسته‌ ناو كه‌شتییگ و شۆفیره‌گه‌یشى نه‌وه‌ى وه‌رجه‌ خوه‌ى بوى، ئنجا ئه‌یه‌ بڕیگ خاڵ جه‌وهه‌رى داشت له‌ناونى نه‌وه‌ى نیمچه‌ خوه‌نه‌وار ك ناویان نه‌یم نه‌وه‌ى یه‌قه‌چه‌رمگ و ناونى نه‌وه‌ فراوانه‌گه‌ ك ناویان نه‌یم نه‌وه‌ى خوین.

 

نه‌وه‌ى یه‌قه‌چه‌رمگ له‌ ناو تونێلیگه‌و ته‌ماشاى ئاینده‌ى كوردستان كردیادو نه‌وه‌ى خوینیش له‌ فه‌زایگ گشتگیر و پاكانه‌تر نوڕستیاده‌ ئاینده‌ى كوردستان، ئنجا یه‌كیگیان باوه‌ڕ وه‌ لیبرالیزم و دونیاى به‌رز ونزمى كوومه‌ڵگاو نه‌مه‌ند چین ناوه‌ند داشت و ئه‌واكه‌یش ك نه‌وه‌ى خوین بوى رووح خوه‌ى وه‌ك فه‌رشیگ ئه‌را وژه‌ وه‌ وژه‌ى خاك كوردستان خسته‌و، ئه‌و ئاشقه‌ بوى ك هه‌رگز تیر نه‌وى له‌ بوو نیشتمانه‌گه‌ى.

 

تویه‌نیم بویشیم ئى نه‌وه‌ى خوینه‌ ئه‌و نه‌وه‌ى ئازا بوى ك پرسیار گه‌وراو گشتگیر له‌ خوه‌ى كوومه‌ڵگا كردیاد، هه‌میشه‌ خوسه‌ى له‌ پرسیار بویچگ و ئه‌و فه‌رق و جیاوزیه‌ هات ك ئیسه‌ وجوود دیرید.

 

سه‌عدوڵڵا برایم خان

ج . أ