كوردستان سه‌رچاوه‌یگه‌ ئه‌را ئاشتى و خاسترین وچانگاى گه‌شتیاره‌یله‌

شفق نيوز

بته‌وكردن ئابووریه‌یلیان و له‌هه‌مان وه‌خت مه‌یدانیگه‌ ئه‌را كار، ك بیگومان له‌ جموجویل گه‌شت و گوزاریش ده‌رفه‌ت كار و سه‌رمایه‌گوزارى كه‌فیگه‌وه‌، وه‌تایبه‌ت له‌وڵاته‌یل پیشكه‌فتگ. هه‌ر له‌وه‌ر ئه‌وه‌یش دوینیم زوورم ده‌وڵه‌ته‌یل جه‌هان گرینگى یا ئه‌همیه‌ت ده‌نه‌ ئى مه‌یدانه‌و چه‌ودیرى خاسیگى كه‌ن و هه‌میشه‌ هویر له‌ پیشكه‌فتن و خاسكردنى كه‌ن له‌وه‌ر ئه‌وه‌ك مه‌یلن گه‌وراترین شماره‌ى مه‌ردم گه‌شتیار ئه‌ڕاى بكیشن، بیجگه‌ ئه‌وه‌یش گرینگى یا ئه‌همیه‌ت ده‌نه‌ ناوچه‌یل شوونه‌وارى و تازه‌كردنى وه‌ جوانترین شیواز، ئمجا له‌وه‌ر خاتر فراوانكردن ژیرخان ئابوورى گرینگى دریه‌یگه‌ گه‌شت وگوزار ك گشت خزمه‌تگوزارییگ له‌تى دروس كه‌ن جویر میوانخانه‌ى پیشكه‌فتگ و جوان، وه‌ل ئه‌وه‌یشا وه‌دیكردن جموجویل ڕووشنهویرى گه‌شتیاره‌یل و ئاشنابوینیان وه‌ شوونه‌واره‌یل وڵات و ناوچه‌یل تاریخى. گشت ئه‌یانه‌یش كاره‌یل خاس و ده‌ور بنه‌ڕه‌تیه‌ ئه‌را پیشكه‌فتن گه‌شت وگوزار و په‌ره‌سه‌ندن و جموجویلى.

سه‌ركردایه‌تى كوردستانى تا ئیسه‌ ئه‌وه‌نه‌ گرینگى یا ئه‌همیه‌ت نه‌یاسه‌ مه‌یدان گه‌شت وگوزار له‌ هه‌رێم، وه‌لى ریككه‌فتگه‌ وه‌ل بڕیگ  له‌ كومپانیایه‌یلا ئه‌را تازه‌وه‌كردن ئه‌و شوونه‌واره‌یل هه‌رێم كوردستاناو مقه‌یه‌تیكردن له‌لیان تا روح جوانى بووه‌خشن و بنریه‌نه‌ شوونه‌یل گه‌شتیارى و ئه‌و شوونه‌یله‌ ك گه‌شتیار ئسراحه‌ت خوه‌یان له‌تى دوینن، ئمجا ئه‌و شوونه‌واره‌یلیشه‌ هووكارن ئه‌را كیشانن مه‌یل گه‌شتیاره‌یل عه‌ره‌ب و خوه‌رئاوایى، هه‌ر له‌وه‌ر ئه‌وه‌یش بڕیگ له‌ كومپانیایه‌یل سه‌ردان ناوچه‌یل گه‌شت وگوزار ناوچه‌گه‌ كردنه‌ ئه‌را ئه‌وه‌ك له‌ نزیكه‌وه‌ چه‌ویان بكه‌فیگه‌ ئه‌و شوونه‌واره‌یله‌ ك پڕن له‌ ئه‌شكه‌فت و په‌رسگاو ماڵه‌یل جوان ك تائیسه‌یش مه‌ندنه‌ جویر: قه‌ڵاى هه‌ولێر و مزگفت گه‌وراو باقى شوونه‌وار گومه‌زى جولى له‌شار هه‌ولێر و شوونه‌وار قه‌ڵاى سه‌ڵاحه‌دین له‌ شه‌قڵاوه‌و ئاوایى چه‌رمۆ ك تاریخى چووگه‌وه‌ ئه‌را 7000 ساڵ وه‌رجه‌ زایین جویر ئه‌وه‌ك تاریخنویسه‌یل و شوونه‌وارناسه‌یل ئشاره‌ت وه‌پى كه‌ن، ئه‌یه‌ بیجگه‌ پیه‌ڵ ده‌لال تاریخى له‌ زاخۆ.

شایان باسه‌، ك ریكخریاگ ناودار ئه‌مریكى(ناشیونال جیوغرافیك) ك جه‌هانى دگان وه‌پیا نریاگه‌و گرینگى یا ئه‌همیه‌ت ده‌یگه‌ رووشنهویرى گشتى و ژینگه‌، هه‌رێم كوردستان خسته‌ ڕز ئه‌و خاسترین(20) شوونه‌یل گه‌شت و گوزارى جه‌هانیه‌ له‌ساڵ 2010.

ئمجا هه‌ڵوژانن هه‌رێم له‌لایه‌ن ریكخریاگ(ناشیونال)ه‌وه‌ جویر یه‌كیگ له‌و خاسترین20 شوونه‌یل جه‌هانه‌ له‌ساڵ 2010 چووگه‌وه‌ ئه‌ڕا:

1- ئارامى وه‌زع ئاسایش و سه‌قامگیرى له‌ هه‌رێم و دابینكردن ئاسووده‌یى و دڵنیایى ئه‌را هاووڵاتیه‌یل كوردستان و ئه‌را گه‌شتیاره‌یل.

2- هه‌رێم كوردستان شوونیگه‌ پڕ له‌ سروشت سحرى و دیمه‌نه‌یل جوان و دڵڕفن دیریگ و گه‌شتیار له‌تى بیزار نیه‌وگ.

3- پیشكه‌فتن خزمه‌تگوزارى گه‌شتیارى جووراو جوور له‌ هه‌رێم، بیجگه‌ جاده‌یل پاك و میوانخانه‌ى گه‌وراو پاركه‌یل جوان و دڵگیر ك گشت  چشته‌یل خزمه‌تگوزارى گرته‌سه‌ خوه‌ى ئه‌را گه‌شتیار.

4- وجوود شوونه‌وار و شاره‌یل تاریخى فره‌یگ له‌ هه‌رێم و بیجگه‌ بازاڕه‌یل گه‌وراو جوان و پڕ له‌ هه‌وه‌جه‌یل و چشته‌یل كه‌موینه‌.

5- گرینگى یا ئه‌همیه‌تداین سه‌ركردایه‌تى كوردستان وه‌ ته‌یاره‌خانه‌ى ناوده‌وڵه‌تى هه‌ولێر و فراوانكردنى، ك بیگومان یه‌یش بویه‌سه‌ مایه‌ى وه‌رده‌وامى جموجویل و ئاسانكارى ئه‌را كومپانیایه‌یل ك خاسترین خزمه‌ت پیشكه‌ش بكه‌نه‌ گه‌شتیاره‌یل.

 

محه‌مه‌د عه‌لى سه‌ماوى