دويای ئی له‌ناوبردنه‌يله‌ له‌ وڵات ده‌ور ئه‌كه‌فێده‌ بان كی؟

شفق نيوز

رووژشمار له‌ هه‌ر سه‌رده‌ميگ له‌ رووژگار ده‌وريگ نه‌ياشتگه‌ له‌ دياريكردن مێژوو دڵته‌نگی، وه‌لێ هه‌نای ك ئويشێد سته‌مديده‌ يا زوڵمليكريای دی ئه‌و رووژشماره‌ موخالفه‌ی پێوه‌ره‌گه‌ی ئه‌كا و ده‌سنيشان گشت چشتيگه‌ ئه‌كا ئه‌را مه‌ويسييگ ك باس ئه‌كريه‌ێد.

گفت له‌ی دياره‌ ئه‌وه‌سه‌ ك ڕی موباڵغه‌ت و زيای له‌ حه‌د بگيريه‌ێده‌ وه‌ر ك ئه‌را نموونه‌ بويه‌سه‌ هووكار له‌ناوبردن فريه‌يگ له‌ باوه‌ڕه‌يل تايفه‌ی كاكه‌يی، ئه‌ويش جوور ئه‌وه‌گ فه‌رهه‌نگ دقه‌يل پيرووزيان وشه‌يل ته‌قاس له‌تی نيه‌، ئی گفتيشه‌ چه‌واشه‌ی جه‌مسه‌ره‌يليه‌و ڕی وه‌ ئايين و مه‌زه‌و و نه‌ته‌وه‌يل تر جياواز نايه‌ێد وه‌ليا بژيه‌ن، دی نوڕێد ئحساس و سابئی له‌وه‌رچه‌و ناگيرێه‌يد، چوينكه‌ ديانه‌ت مه‌ندائی له‌ كويه‌نترين ئايينه‌يل زينگه‌ له‌ عراق و يه‌كه‌مين ديانه‌ت يه‌كگرتگه‌ له‌ مێژوو ئنسانيه‌ت، ئشق مه‌سيحيه‌يليش وه‌ی گفته‌ له‌ جه‌ريان بڕيا وه‌ ئه‌وه‌گ يه‌سوع(سڵام خودا له‌لی)رووژه‌يه‌يگ ئه‌ياد هه‌ركه‌سيگ بكوشێده‌يان باوه‌ڕی ئه‌وه‌سه‌ خزمه‌تيگ وه‌ خودا پيشكه‌ش ئه‌كا، ديانه‌ت ئێزيدييش جه‌مسه‌ريگه‌و چه‌واشه‌ی مادده‌يل ياسايه‌يل مه‌ندنه‌وه‌ ئه‌كا له‌ی وڵاته‌، ئه‌ويش له‌وه‌ر ئه‌وه‌گ جوور جامه‌كيگه‌و له‌ليه‌و ره‌ونه‌ق مێژوو و ره‌سه‌نايه‌تی داب و نه‌ريته‌يل ده‌رئه‌خا، شه‌به‌كيش ئه‌گه‌ر نيشتمانه‌گه‌ كوردی بدێ و دريژه‌ی سروشتی خاك كوردستان بدێ چه‌ ئه‌دێ بيجه‌ ئه‌وه‌؟ فه‌يليه‌يليش گشت چشتيگ له‌ده‌سدانه‌ ك مانای وه‌رده‌وامی بيه‌ێد ئه‌را ژيان له‌ی گووڵه‌ شوونه‌و ئه‌وه‌گ مه‌نده‌سه‌و ته‌نيا پشت وه‌ گفت ساخته‌ی عوسمانيه‌يله‌و عه‌رش هاورياگيگه‌ وه‌ بوو مه‌له‌كی و كوده‌تا وه‌ تام كۆماريه‌ت و شۆفێنيه‌ت وه‌ پرتاڵ نه‌ته‌وه‌يی و به‌عسيانه‌و دروسكردن تايفه‌گه‌ری له‌بان مه‌سه‌له‌ی تارمايی له‌ سه‌ده‌يل ناوڕاس.

ئيسه‌ ئه‌تويه‌نين بويشين ك ئيمه‌و گشت بيبه‌شه‌يل و هه‌ڕه‌شه‌ له‌ليكرياگه‌يل وه‌ له‌ناوبردن ئه‌وه‌ چشته‌گ ئه‌نجامی بيه‌يم وه‌ل ئی گفت له‌وه‌رگيرياگه‌، ئه‌وه‌سه‌ ك قه‌بول ناكريه‌ێد و ناگونجيه‌ێد وه‌لمانا، ئمجا وه‌گووره‌ی ئی گفتيشه‌ ژيان سه‌خته‌و ئه‌دێ له‌ی وڵاته‌، وه‌لێ ئه‌وانه‌گ ك ئاماژه‌ وه‌پيان كرديم وه‌ ئاسانی ژيان ئه‌كه‌ن جوور گوڵه‌يليگ ك ئه‌تويه‌نێد ئشقی بوێد و بووه‌گه‌ی هه‌ڵمژێد و وه‌ جوانی ده‌س وه‌پيه‌و بيه‌ێد و تون وتيژی وه‌ليا وه‌ره‌و ئاكاميگ حه‌تمی زانياريگ ئه‌وه‌ێده‌د ك ئه‌ويش كووتاييهاوردن وجووديه‌ له‌ گشت شوونيگ.

عه‌لی حسێن فه‌يلی