میژوو كورد له‌به‌رلین

شفق نيوز

سه‌ربازی وه‌ئاماده‌ بوین شا فریدریش ڤیلهیلم سیوم وتسارنیكولاوسی ئه‌نجامدان وكوردیگ ئیزیدی ك سه‌ربا زبیو له‌ جه‌یش روسی و وه‌ئازایه‌تی ودلیری خوه‌ی سه‌رنج مه‌ردم وڕوژنامه‌ نویسه‌یل ئه‌وسه‌رده‌مه‌ وه‌ره‌ولای خوه‌ی كیشاویگ بویه‌ بایس ئه‌وه‌گ ئه‌ڕا ئه‌ومانوره‌ له‌ به‌رلین ده‌عوه‌ت بكریه‌ی ویه‌كم كورد بوود ك بچووگه‌ ئه‌وشاره‌ . له‌ساڵ ١٨٨٣ سوڵتان عه‌بدولحه‌مید دیوم ؛ سه‌عیدپاشا ك له‌ خێزانیگ ناودار شارسلێمانی بوی جوور باڵیۆز ئه‌ڕا به‌رلین كل كرد . له‌ مانگ ئه‌پریل ساڵ ١٨٨٣ تا ئۆكتۆبه‌ر١٨٨٥ جوور باڵیۆزعوسمانی له‌به‌رلین كاركرد وهه‌میش فوئاد پاشای كوڕیشی له‌به‌رلین ده‌رس خوه‌نستگه‌ . له‌ مانگ ئه‌پریل ١٩٤٥ وه‌ختیگ سه‌ربازه‌یل جه‌یش قرمز روسی چینه‌ ناوشار به‌رلین چه‌ن كوردیگ ناوچه‌ی قه‌فقاز وه‌لیان بوی. له‌شوین ئه‌وه‌یشه‌ كه‌م كه‌م كورده‌یل ئه‌ڕا ده‌رس خوه‌نستن وهوكاره ‌بوین زانست ڕیوله‌ به‌رلین پایته‌خت ئه‌ڵمانیا‌ كردنه‌ . له‌ ٣٠ ئۆكتۆبه‌ر ساڵ ١٩٦١ رێككه‌فتنیگ دولایه‌نه‌ له‌ناونی حكومه‌ته‌یل ئه‌ڵمانیا‌ وتوركیا له‌باوه‌ت كل كردن كارگه‌ره‌یل تورك ئه‌ڕا وڵات ئه‌ڵمانیا‌ ئمزاكردن وه‌تایبه‌ت له‌شوین دروسكردن دیوار به‌رلین له‌ ئۆگست ١٩٦١ ده‌رفه‌ت یا فورسه‌ت هاوردن كارگه‌ر له‌ وڵاته‌یل هاوسا نه‌مه‌ن . یه‌كم كۆمه‌ڵه‌ كوردیگ له‌شوین ساڵ ١٩٦٤ ره‌سیه‌ به‌رلین ؛ له‌شوین دوساڵ زه‌وی له‌رزه‌یگ وه‌هێز كوردسان باكوور ته‌كانداو له‌شاره‌یل موس وئه‌رزروم هه‌زاران قوربانی هیشته‌جی وئه‌و ناوچه‌یله‌ خاپوور بوین وئمجا ده‌وڵه‌ت توركیه‌ ئه‌وانه‌گ له‌ی زه‌وی له‌رزه‌ نجاتیان بوی ئه‌ڕا ئه‌ڵمانیه‌ كل كرد . له‌ئه‌ڵمانیا‌ ئه‌و ئاواره‌یل كورده‌ تێكه‌ڵ وه‌مه‌ردم نه‌كریان وله‌ شوین تایبه‌تیگ وه‌كارگه‌ره‌یل نیشته‌جاكریان وله‌هه‌مان وه‌ختیش ئه‌و ئاواره‌یله‌ ئومید داشتن ك كاربكه‌ن تا پویلیگ گرده‌وبكه‌ن و وه‌ده‌س پڕ ئه‌ڕا زێد خوه‌یان گله‌وبخوه‌ن وماڵه‌یل ڕمیاگیان ئاوه‌دانه‌و بكه‌ن .ئه‌وكورده‌یل ئاواره‌ شه‌و وڕووژ دیانه‌ ده‌م یه‌ك تاوه‌زویترین وه‌خت وه‌ئاره‌زوو خوه‌یان بڕه‌سن وهه‌ر وه‌ی خاتره‌ خوه‌یان تێكه‌ڵ كلتور بیگانه‌ نه‌كردن . له‌شوین ١٢مارس ١٩٧١ ك شۆڕشیگ عه‌سگه‌ری سه‌رنه‌كه‌فتگ له‌توركیا‌ رویدا كوچ وه‌كۆمه‌ڵ سیاسیه‌یل كورد ئه‌ڕا به‌رلین ده‌س وه‌پی كرد . سه‌رله‌نوو له‌ساڵ ١٩٨٠ شۆڕشیگ سه‌رنه‌كه‌فتگتر له‌ توركیا‌ ئه‌نجام گرد وبویه‌ بایس چگن ٦٠٠٠٠ نه‌فه‌ر له‌ توركیا‌وه‌ ئه‌ڕا ئه‌ڵمانیا‌ ك ژماره‌ی فه‌ره‌یگیان كورد بوین . بیجگه‌ ئه‌وانه‌یش چه‌ندین جارتر كورد ئاواره‌ بویه‌  وهه‌زاران له‌و ئاواره‌یله‌ ریوكردنه‌سه‌ به‌رلین پایته‌خت ئه‌ڵمانیا‌ ؛ له‌وانه‌یش له‌شوین نسكۆی شۆڕش كورد له‌ساڵ ١٩٧٥ ودویای ئه‌وه‌یش له‌ سه‌رده‌م جه‌نگ عێراق وئیران وئه‌نفاله‌گان وكووڕه‌و١٩٩١

وهه‌میش دامه‌زریان كۆمارئسلامی له‌ئیران وجه‌نگ براكوژی له‌ كوردستان باشوور .