چوین مقه‌یه‌تى كه‌ید له‌ئارامى له‌وه‌ختى ره‌خنه‌ له‌لید گرن؟

شفق نيوز

چه‌ن خاڵیگ له‌یره‌ ئاشكرا كه‌یم له‌بان چوینیه‌تى ڕوى وه‌ڕوى بوینه‌وه‌ى ئه‌و ره‌خنه‌یله‌ ك له‌لید گیریه‌ن وه‌بى ناڕه‌حه‌تى و تویڕه‌یى.

1- له‌یوا نیشان بیه‌ ئه‌را ئه‌و كه‌سه‌ ك ره‌خنه‌ له‌لید گریگ ، گووشد له‌لاى بویه‌ چه‌ وتگه‌و چ ره‌خنه‌یگ گرتگه‌ له‌وه‌خت وسیان له‌ناونى گفتوگووه‌یلدان، ئه‌ویش تویه‌نید وه‌ جویلانن سه‌رد یا وه‌ئشاره‌ت لیوه‌یلد.

2- پرسیاریگ له‌لى بكه‌ وه‌ته‌واوى و زیاتر ئاشكراكردن ئه‌و ڕایه‌یله‌ له‌باند، ئه‌ویش ئه‌را ئه‌وه‌ك وه‌خت و ئارامى به‌یده‌ خوه‌د تا زاڵ بوید له‌بان مه‌سه‌له‌گه‌و هه‌وڵ بیه‌ گومان خاس وه‌ نیه‌تى بووه‌ید.

3- وه‌ ئارامى و بى تویڕه‌یى جواوى بیه‌ره‌و تا ئه‌ویش وه‌ ئارامى و بى تویڕه‌یى ره‌خنه‌یل خوه‌ى له‌لید بگریگ ، ئنجا ئه‌را تنیش جوانه‌ له‌و هه‌ڵویسته‌، وه‌لى وه‌ئارام.

4- وه‌ جوانى گووشد بخه‌ لاى و گشت ڕایه‌یل ئه‌و یا دید هه‌ردوگدان جه‌مه‌و بكه‌و گفتوگوو له‌بانى بكه‌.

5- تن ده‌سپیشخه‌ر (موبادر) به‌ وه‌ پرسیاركردن له‌بان نوڕستن ئه‌و ئه‌را خوه‌د.

6- هه‌وڵ بیه‌ بتویه‌نید داناینیگ ئه‌را ئه‌و گوزارشه‌یله‌ ك ئه‌و دیریگه‌ى ئه‌را هویرو ڕایه‌یلد بكه‌ید.

7- ئاره‌زوومه‌ند خوه‌د ئه‌ڕاى ئاشكرا بكه‌ ئه‌را ره‌سین وه‌چاره‌سه‌ر و له‌ هه‌مان وه‌خت هویره‌و بكه‌ له‌ ئامانج راسى ئه‌وه‌ك ره‌خنه‌ له‌لید گریگ و له‌ چوینیه‌تى مامڵه‌كردن و له‌لى بپرس ئه‌گه‌ر هه‌ر هویریگ خاستر بوود له‌لاى بگریگه‌ى وه‌ر.

8- ئه‌وه‌ له‌هویرد بوود ك تن نیه‌تویه‌نید گشت مه‌ردم ڕازى بكه‌ید، له‌ خوه‌د بپرس ئه‌گه‌ر راسییگ له‌و هویروڕایه‌یله‌ هه‌س له‌باند یا هه‌ر ئه‌وه‌سه‌ ئسراحه‌تد نیه‌كه‌ن.

9- ئه‌گه‌ر هس وه‌ ئه‌وه‌ كردید ئه‌و كابرا ك ڕه‌خنه‌ له‌لید گریگ دروو وه‌لدا ئه‌كا، له‌لى بپرس راسیه‌یل ئه‌ڕاد ئاشكرا بكا.

10- ئه‌گه‌ر زانستید ك نیه‌تویه‌نید ئارام بوید و ناڕه‌حه‌تید داوا له‌لى بكه‌ ئه‌و گفتوگووه‌ ئه‌را وه‌ختیگ تر دویا بخه‌یگ .

11- ئه‌گه‌ر زانستید فره‌ تویڕه‌ بوید و نیه‌تویه‌نید ئارام بوید، له‌و وه‌خته‌ هه‌وڵ بیه‌ گفتوگوو وه‌ل كه‌سیگ شاره‌زایا بكه‌ید ئه‌را ئه‌وه‌ك ده‌سمیه‌تد به‌یگ .

12- مقه‌یه‌ت به‌ له‌ى چشته‌یلیشه‌:

* دویره‌وكه‌فتن له‌ جواوه‌وداین له‌بان شیواز وه‌رگرى یا دیفاعكردن، چوینكه‌ ئه‌گه‌ر به‌عزه‌ كه‌سیگ بزانن ك گووش له‌لیان نیه‌گیریه‌یگ له‌وه‌خت ڕه‌خنه‌گرتن، ئه‌وه‌ تون و تیژه‌و بوون و زیاتر ناڕه‌حه‌ت بوون.

* ئه‌وه‌یش بزان ئه‌گه‌ر بخه‌یده‌ى ناو ڕوى یا ئحراجى بكه‌ید، ئه‌وه‌ بویده‌ هووكار ئه‌وه‌ك تویڕه‌ى بكه‌ید و ناڕه‌حه‌ت بوود.

 

سه‌رچاوه‌: گوڵچین