هونه‌ر له‌ رووژنامه‌گه‌رى چه‌س؟

شفق نيوز

كه‌سیگ ئاسایى هاوشیوه‌س، یه‌یش وه‌و مانا ك هونه‌رمه‌ند رووژنامه‌گه‌رى چشته‌یل سه‌خت ئه‌را زووان واقعى و زینگ ئاڵشت ئه‌كا. ماناى ئه‌وه‌سه‌ هونه‌ر رووژنامه‌گه‌رى هونه‌ر داناین یا ئبداعه‌.

 

ئه‌و پرسیاریشه‌ ك هه‌میشه‌ هونه‌رمه‌ند رووژنامه‌وانى ئاراسته‌ى ئه‌كا ئه‌وه‌سه‌: ك چوین ئه‌و زانیاریه‌یله‌ وه‌شیوه‌یگ رووشن و ئاسان ره‌سیه‌یده‌ مه‌ردم؟ هه‌ڵبه‌ته‌ فره‌یگ له‌ خوندنگایه‌یل هونه‌رى و فه‌لسه‌فى و زانستیه‌یل تازه‌ نموونه‌ى لۆژیكى یا مه‌نتق خاسگه‌رى و ریژه‌یى له‌ناو مه‌ردم بڵاوه‌و كردنه‌و دیاره‌ تایبه‌تمه‌ندو شاره‌زایه‌یل جیاوازى كه‌ن له‌ناونى رووژنامه‌گه‌رى و هونه‌ر رووژنامه‌نویسى.

 

بیجگه‌ وه‌كارهاوردن هونه‌ر رووژنامه‌گه‌رى، وه‌ل ئه‌وه‌یشا رووژنامه‌گه‌رى بڵاوه‌و كردنیگه‌ له‌ڕى هووكاره‌یل چاپكریاگ وه‌رزى یا مه‌وسمیه‌و. ئنجا تویه‌نیم بویشیم رووژنامه‌یلیگ هه‌ن هونه‌ر رووژنامه‌گه‌رى له‌تیان نیه‌.

 

یه‌یش له‌وه‌ختیگه‌ شایه‌ت كتاوه‌یلیگ وجوود داشتوون ك بنه‌ماى هونه‌ر رووژنامه‌گه‌رى له‌تیان بوود، وه‌تایبه‌ت ئه‌و كتاوه‌یل وه‌رزانه‌ ك ده‌زگایه‌یل بڵاوكردن له‌وه‌ر خاتر ئاسانكردن زانسته‌یل تازه‌ ده‌ریانكه‌ن و خه‌نه‌ى وه‌رده‌س، یا له‌وه‌ر خاتر پیشكه‌شكردن هونه‌ر و خوه‌ندنگایه‌یل فه‌لسه‌فى تازه‌.

 

وه‌ل ئه‌وه‌یشا بگر خود هونه‌ر رووژنامه‌گه‌رى كاریگه‌رى له‌بان ئه‌و توێژه‌ر یا باحسه‌یل و شاره‌زایه‌یل له‌یه‌كه‌وده‌ر و شیه‌وكه‌ره‌یله‌ داشتگه‌ ك وه‌ى دویاخره‌ وه‌شیوازیگ تازه‌ به‌رهه‌مه‌یل فكرى خوه‌یان وه‌ شیوه‌ى هونه‌ر رووژنامه‌گه‌رى ئه‌را نیشانداین و ئاشكراكردن پیشكه‌ش كردنه‌، ك یه‌یش بیجگه‌ په‌نابردن ئه‌را مه‌سه‌له‌ى وه‌كارهاوردن وشه‌ى كاریگه‌ر و فه‌ن و فیڵ ره‌وان وتن  تازه‌ ك له‌ریالیزم و زینگى و به‌شداریكردنه‌وه‌ په‌ره‌ سه‌ندگه‌.

 

به‌حسه‌یل ئه‌كادیمى و زانستیه‌یل جددى و زاراوه‌یل زانستى و شیواز شیه‌وكردن ئه‌كادیمیانه‌ و ساقه‌وبوین مه‌نتقیه‌یل وه‌هویچ شیوه‌یگ وه‌ هونه‌ر رووژنامه‌گه‌رى نیه‌درینه‌ قه‌ڵه‌م ته‌نانه‌ت ئه‌گه‌ر له‌رووژنامه‌یگ خاسیگیش بڵاوه‌و بكریه‌ید، وه‌لى وه‌ختیگ هونه‌رمه‌ند رووژنامه‌نویسى تیه‌یده‌ وجوود دى ئه‌و به‌حسه‌یل ئه‌كادیمیه‌ وه‌ شیوه‌یگ تازه‌و ساده‌ چاره‌سه‌ر ئه‌كاو له‌ واقعه‌و نزیكیه‌و ئه‌كاو له‌تى پشت وه‌ هورنه‌ر دراوردن رووژنامه‌نویسى به‌سید.

 

له‌گشت ئه‌یانه‌یش گرینگتر وه‌كارهاوردن زووانیگ واقعیه‌ بى دروو ده‌له‌سه‌ ك وه‌ جووریگ دویر بوود له‌ گرژى و سه‌ختى، ك یه‌یش وه‌ سه‌ره‌تاى هونه‌ر رووژنامه‌نویسى دریه‌یده‌ قه‌ڵه‌م.

 

ته‌ڵعه‌ت هه‌مام

ج. ا