ئاشناكردن مه‌ردم جه‌هان وه‌ جینۆساید كوردو كورده‌یل فه‌یلى

شفق نيوز

وه‌ملله‌ت عراق وه‌تایبه‌ت كورد و كورده‌یل فه‌یلى ئه‌نجام دریا.

 

ئه‌و تاوانه‌یله‌ له‌راسى دژ هه‌قه‌یل ئاده‌میزاد بوى و دژ ره‌گه‌ز ئنسانى بوى له‌و له‌ناوبردن وه‌جه‌م(جینۆساید)ه‌ ك له‌تى چه‌ك قه‌یه‌غه‌كریاگ هاوریا كار جوور غازه‌یل كوشنده‌ى خه‌رده‌ل و جووره‌یل تر غاز مه‌ترسیدار و زه‌ره‌دمه‌ن.

 

بیگومان ئى كاره‌ساتیشه‌ هاته‌ تویش كورد وه‌ ئامانج له‌ناوبردنیان، ئه‌وه‌ بوى ك رژیم وه‌رین په‌لاماریگ له‌ناوبردن ئه‌نجامدا وه‌ل سیاسه‌ت پاكسسازى ره‌گه‌زى و كوشتن نایاسایى و سزا وه‌گشت شیوازیگیه‌و، یه‌یش بیجگه‌ كووچ وه‌پیكردن زووره‌ملى و ده‌ركردن وه‌تایبه‌ت ده‌رهه‌ق كورده‌یل فه‌یلى و گرتن جایه‌ڵ جوانه‌یلیان و زندانیكردنیان له‌ زندانه‌یل و دویاخریش بى سه‌روشوون كریان و خریانه‌ قه‌وره‌یل وه‌جه‌م و گشت دارایى و ماڵ و موڵكه‌یل فه‌یلى و به‌ڵگه‌یل فه‌رمى و ناسنامه‌یان له‌لیان زه‌فت كریاو خێزانه‌یلیانیش وه‌ زوور وه‌ره‌و مه‌رزه‌یل ئیران بریان.

 

ئه‌را ئاشناكردن كوومه‌ڵگاى ناوده‌وڵه‌تى وه‌و تاوانه‌یله‌ ك رژیم وه‌رین عراقى ئه‌نجامیاندا، ده‌سكریا سازكردن كاره‌یل كۆنگره‌ى دویه‌م ئه‌را ئاشناكردن تاوانه‌یل رژیم رمیاگ له‌ 19 تا 21 ئه‌یلوول ئمساڵ له‌ جنێف پایته‌خت سویسرا، ك ئه‌ویش له‌وه‌ر ده‌رخستن ئه‌و تاوانه‌یل جینۆسایده‌ ك ده‌رهه‌ق وه‌مه‌ردم عراق وه‌ تایبه‌ت كورده‌یل فه‌یلى جیوه‌جى كریا، ئه‌ویش له‌ وه‌خت ئاسایى دانیشتن  21ه‌مین خول ئه‌نجوومه‌ن هه‌قه‌یل ئاده‌میزاد.

 

ئامانج له‌ سازكردن ئه‌و كۆنگره‌ ئه‌وه‌ بوى وه‌رپرسیاریه‌تى ناوده‌وڵه‌تى ده‌ركه‌فێد و كار له‌بان ئاشناكردن ئه‌و تاوانه‌یل رژیم وه‌رینه‌ بكا ك ده‌رهه‌ق وه‌ ملله‌ت عراق وه‌تایبه‌ت كورده‌یل فه‌یلى ئه‌نجام دریا.

 

بیگومان ئه‌و تاوانه‌یلیشه‌ شوونه‌وار خراویگ هیشتنه‌جى ئه‌را تاك كورد له‌ گشت بواره‌یل ئابوورى و كوومه‌ڵایه‌تى و رووشنهویرى، ئمجا ئه‌را ئسباتكردن ئه‌و تاوانه‌یلیشه‌ ك دژ هه‌قه‌یل ئاده‌میزاد بوى ده‌سكریا نمایشكردن فیلم و وێنه‌یل فره‌یگ  جوور به‌ڵگه‌و تاوانباركردن ئه‌نجامده‌ره‌یلى.

 

وه‌ل ئه‌وه‌یشا ئى كۆنگره‌ دگان وه‌پیاناین ناوده‌وڵه‌تى له‌لى كه‌فێده‌و ده‌رهه‌ق ئه‌و تاوانه‌یل گه‌وراى دژ ئنسانیه‌ت و له‌ناوبردن وه‌جه‌مه‌ ك له‌وه‌خت رژیم وه‌رین عراقى په‌یڕه‌و كریا.

 

ئه‌را دوباره‌ نه‌كردنه‌وه‌و قه‌یه‌غه‌كردنى له‌ كوردستان و به‌شه‌یل تر عراق و جه‌هان ئى كۆنگره‌ ساز كریاو له‌وه‌رجه‌ ئه‌وه‌یش كۆنگره‌ى یه‌كه‌م له‌ى باوه‌ته‌و له‌ له‌نده‌ن پایته‌خت بریتانیا ساز كریا له‌ 14ى كانوون دویه‌م گوزه‌یشته‌ له‌ژیر ناونیشان (وه‌ره‌و دگان وه‌پیاناین ناوده‌وڵه‌تى وه‌ تاوانه‌یل به‌عس رمیاگ و ئاشناكردن تاوانه‌یل رژیم وه‌رین).

 

محه‌مه‌د عه‌لى سه‌ماوى

 

ج. ا