ڕووشنهويری دكتاتۆريه‌ت

شفق نيوز

له‌چوارچيوه‌ی عراق زامن بكا وه‌ نه‌بايه‌د فشاره‌يليگ له‌بان ڕاگياندن وجوود داشتوود . له‌ وه‌خت ده‌سه‌ڵات وه‌رين گرنگی فيشتر له‌ئه‌ندازه‌يگ وه‌ وتاره‌يل دريا نه‌گ ئه‌را په‌خشه‌و كردن رووشنهويری به‌ڵكه‌م زياتر ئه‌و خه‌تابه‌يله‌ ئه‌را جه‌نگ و ترسانن هاووڵاتی بويه‌ وه‌ له‌و وه‌خته ئه‌ی هويره‌ په‌خشه‌و كريا ك ئه‌گه‌ر سه‌دام قسيه‌يگ كرد چمانه‌ گشت عراق ئه‌و قسيه‌ وتگه‌ و ئه‌كاو نه‌بايه‌د له‌دژی بوسيگ .

ئه‌و كه‌سه‌يله ك سه‌رله‌نوو خوه‌شيان تيه‌ی ناو ئه‌و سه‌ركرده‌يله‌ بارن و وينه‌يليان به‌رزه‌و بكه‌ن ته‌نيا توان ئه‌را كاره‌ساته‌يل گوزه‌شته‌ گله‌و بخوه‌ن و پشتگيره‌يل سه‌دام جاری ئۆميدوارن ك ئه‌را ئه‌و ديارده‌ی خراوه‌ گله‌و بخوه‌ن .

ئه‌را ئه‌وه‌گ بتويه‌نيم ڕووشنهويری ڕاگه‌ياندن ئازاديگ له‌ عراق زامن بكه‌يم بايه‌د گشت ئه‌و ڕووشنهويره‌يل خراو گوزه‌شته‌ ك وه‌گوره‌ی هويره‌يل پارت و تايفه‌يگ دياری كريانه‌ دويره‌و بخه‌يم . ئه‌گه‌ر هاووڵاتی ئيمان وه‌ئه‌وه‌ ناريگ ك عراقيه‌ گشت لايه‌نه‌يل وڵات له‌وانه‌يش ڕووشنهويری و ڕاگياندن بی مه‌عناو بوون .وه‌لی عراقيه‌يل تويه‌نن له‌وه‌راوه‌ر ديارده‌ی خراو دكتاتۆريه‌ت و زۆڵم بووسن ئه‌وه‌يش له‌ڕيگه‌ی په‌روه‌رده‌و هوكاره‌كردن هاووڵاتيه‌يل و به‌رزه‌و كردن ئاست ڕووشنهويريان . هه‌ميش كۆمه‌ڵگای عراقی وه‌ تاريخيگ هه‌وه‌جه‌ ديرن ك ئاماده‌يان بكا ئه‌را له‌ناو بردن ڕووشنهويری زۆڵم و ديكتاتۆريه‌ت .