كورد و ئه‌مريكاو ناوچه‌گه

شفق نيوز

 

ئمڕوويش كورد له‌ سوريا وه‌بوونه‌ی ئابڵوقه‌ی شار كۆبانيه‌و بويه‌سه‌ سه‌ركاروان رويداگه‌يل سياسی و سه‌بازی و باس وشيه‌وكردن كه‌فته‌سه‌ بان ئی لايه‌نه‌ وه‌شيوه‌ی وه‌رفراوانيگ و ناكووكی ناونی توركياو ئه‌مريكايش له‌باوه‌ت ده‌خاڵه‌تكردن له‌ كۆبانی دياره‌ وه‌شيوه‌ی تايبه‌ت و روی وه‌ڕوی بوينه‌وه‌ی ده‌وڵه‌ت ئسلامی له‌ عراق و سوريه‌ وه‌شيوه‌يگ گشتی، هه‌ر له‌وه‌ر ئه‌وه‌يش هه‌ردوگلا ده‌سكردنه‌سه‌ كيشمه‌كيش له‌ چاره‌سه‌ر ئابڵوقه‌ی شار كۆبانی.

توركيا هه‌وڵ ئه‌وه‌ ئه‌ياد وه‌هه‌ر شيوه‌يگ بدێ روی وه‌ڕوی ده‌خاڵه‌ت پارت كارگه‌ره‌يل كوردستان و كورده‌يل سووری بدێ و هويچ ره‌واييگ وه‌پيان نه‌ياد ئه‌را چگن وه‌ناو هاوپه‌يمانی و ته‌نانه‌ت ريككه‌فتنيش وه‌ليانا، يه‌يش له‌ ترس ئه‌وه‌ك نه‌ك ئی ريككه‌فتنه‌ فراوانتر بدێ يا دگان وه‌پيان بنريه‌يدو دوياخريش بوونه‌ هاوپه‌يمان، وه‌لی ئداره‌ی ئه‌مريكی هه‌وڵ فشارداين توركيا ئه‌ياد وه‌گشت شيوه‌يگ جياوازی له‌ناونی كورده‌يل سورياو كورده‌يل توركيا بكا له‌ی بار ئيسه‌.

ئمجا پشتگيری ئه‌مركا ئه‌را كورده‌يل له‌ كۆبانی له‌ڕی په‌لاماره‌يل ئاسمانی و بوردمانكردن چه‌كه‌يل ترۆر و هه‌وڵ فشارخستن له‌بان حكوومه‌ت توركيا وه‌خاتر ڕيداين وه‌ كورده‌يل عراق يا هاوردن له‌ڕی خاكه‌يليه‌و ئاماژه‌ ئاشكرايگه‌ ئه‌را وجوود ستراتيجيه‌ت تازه‌يگ ك وڵاته‌يل يه‌كگرتگ ئه‌مريكا ئه‌گريده‌ی وه‌ر له‌ وه‌رانوه‌ر كورد له‌ سوريا، ك هه‌ر له‌وه‌ر ئه‌وه‌يش ده‌نگدوو دامه‌زرانن و ئاڵشتكردن شوون ته‌ياره‌خانه‌ی هه‌رير په‌يا بوی له‌ نزيك شار هه‌ولێر ئه‌را بنگه‌يگ ئاسمانی ئه‌مريكی و وه‌رپرسه‌يل كورديش خوه‌شاڵ بوين وه‌ی رينمايی ئداره‌ی ئه‌مريكيه‌ ك له‌يوا دياره‌ له‌ی نزيكه‌يليشه‌ ملله‌ت كوردستان عراق وه‌ فه‌رمی خوه‌شاڵی و پشتگيری خوه‌يان ئه‌رای نيشان ئه‌يه‌ن و له‌ هه‌مان وه‌خت بڕيگ له‌ ئه‌ندامه‌يل په‌رله‌مان هه‌رێم كوردستان عراقيش داوای جيوه‌جی ئی پرووژه‌ كردن و رازی بوين له‌بانی.

ئمجا ئه‌وه‌ك په‌يوه‌سه‌ وه‌ عراق و سوريا ئه‌وه‌سه‌ ك ئه‌يه‌ واقعيگه‌و ئيسه‌ هه‌رێم كوردستان نيمچه‌ سه‌روه‌خوه‌ييگ ديريد و وجوود بنگه‌ی ئه‌مريكييش ئی سه‌روه‌خوه‌ييشه‌ دروس ئه‌كاو كووتايی ئه‌يه‌ريده‌ فيدراڵی، وه‌لی له‌باوه‌ت سوريايش ئه‌تويه‌نيم بويشيم كورده‌يل ئه‌و وڵاته‌ وه‌رپرسن له‌بان مقه‌يه‌تيكرن ناوچه‌يليان و ده‌وڵه‌تيش ده‌سڵاتی له‌و ناوچه‌يليانه‌ له‌ده‌سداگه‌و نموونه‌يش ئه‌را ئه‌وه‌ ئابڵوقه‌داين شار كۆبانيه‌.

ئمجا پرسيار له‌يرا ئه‌وه‌سه‌: ئايا رينمايه‌يل تايبه‌ت ئه‌مريكا چه‌س له‌ڕی ئی بنگه‌؟ ئايا نيشانداين بازووه‌ يا سه‌ره‌تای ده‌ركه‌فتن ده‌وڵه‌تيگ كوردی سه‌روه‌خوه‌يی چوارپارچه‌ييه‌ يا قوناغيگه‌ له‌ قوناغه‌يل ئاژاوه‌ی دروسكرياگه‌؟

عه‌لی ئه‌لعنزی

ج . أ