مه‌ترسى بڕین دارسانه‌یل

شفق نيوز

دیرن، به‌ڵكوو له‌وه‌ زیاتر ئه‌نجام كار گرینگ ده‌ن و ژینگه‌ ئه‌ڕامان گونجیاگتر كه‌ن و مقه‌یه‌تى چشته‌یل فره‌یگ  ئه‌ڕامان كه‌ن.

دارو دارسانه‌یل هاوا پاكه‌و كه‌ن و بوونه‌ هووكار گرده‌وكردن ئاو، وه‌ل ئه‌وه‌یشا زه‌وى وه‌ پیت و به‌ره‌كه‌ت هیلنه‌وه‌، ئه‌یه‌ بیجگه‌ دابینكردن نیشتمانیگ  ئارام ئه‌را حه‌یوانه‌یل و سه‌رچه‌وه‌ى ئابڵووقه‌و خوه‌راك و سوزه‌مه‌نى و له‌هه‌مان وه‌خت سه‌رچه‌وه‌یگن ئه‌را به‌رهه‌مهاوردن ته‌خته‌و دویاخریش په‌ڕه‌و قاقه‌زه‌یل ئه‌را ئاده‌میزاد تیه‌رنه‌ به‌رهه‌م.

له‌ په‌نجا ساڵ گوزه‌یشت زیاتر له‌ نیمه‌ى جه‌هان، دارسانه‌یل لافاویى، دونیا شیواننه‌ بان یه‌كا، ڕووژ وه‌ ڕووژیش زیاتر دارسانه‌یل جه‌هان بڕیه‌ن. له‌گشت ده‌قه‌یگ  له‌ جه‌هان نزیكه‌ى نسبه‌ى (4050)م2 له‌ناو بریه‌یگ. ئمجا زانست ئه‌وه‌ ده‌رخستگه‌و ئویشیگ : ئه‌گه‌ر بایگ و ئى كاولكاریه‌ ڕى له‌لى نه‌گیریه‌یگ  و بڕین دارسانه‌یل وه‌رده‌وام بووگ، ئه‌وه‌ بیگومان جه‌هان زیاتر گویڕیان كه‌ش وهه‌وا تیه‌یگه‌ بانى و شایه‌ت لافاوه‌یل وه‌رفراوان بوون و ژیان حه‌یوانه‌یلیش وه‌ره‌و مردن بچووگ.

له‌ى حاڵه‌ته‌ تویه‌نریه‌یگ وه‌ ڕیگه‌یگ  ئاسان مه‌ردم جه‌هان به‌شدارى بكه‌ن له‌ چاره‌سه‌ركردن كیشه‌ى بڕین دارسانه‌یل، ك ئه‌ویش وه‌ كه‌مه‌وكردن وه‌كارهاوردن قاقه‌ز، چوینكه‌ ئه‌را دروسكردن قاقه‌ز دار تیه‌ریه‌یگه‌ كار، ئمجا ئه‌گه‌ر بایگ و كه‌متر قاقه‌ز باریه‌یگه‌ كار، شایه‌ت كه‌متر دارسانه‌یل بوڕیه‌ن، ئمجا جویر ئه‌وه‌ك چوین ئه‌را دروسكردن قاقه‌ز تویه‌نیم كه‌متر خه‌رج قاقه‌ز بكه‌یم، وه‌و جووریشه‌ جواویگ ئه‌را ئى كه‌مه‌وكردنه‌ ئه‌وه‌سه‌ ئه‌و قاقه‌زه‌ ك ها له‌وه‌رده‌س تویه‌نید وه‌ته‌واوى باریده‌ى كار وه‌بى ئه‌وه‌ك هویچ بووشایى یا فراغیگ  له‌لى بیلیده‌وه‌ له‌وه‌كارهاوردن هه‌ردوگلاى قاقه‌زه‌گه‌، یا وه‌ختى تواید چشت بویچگیگ  ئه‌نجام به‌ید، تویه‌نید وه‌بى خه‌رجكردن قاقه‌ز ئه‌نجامى به‌ید، یا وه‌ختى له‌ خوه‌ندگا له‌بان قاقه‌ز نویسید یا نامه‌یگ نویسید تویه‌نید وه‌شیوه‌یگ خاستر ئه‌و قاقه‌زه‌ باریده‌ كار. له‌ هه‌مان وه‌خت تویه‌نید فره‌جار له‌بان قاقه‌ز كویه‌ن چشته‌یلیگ  بنویسید وه‌بى ئه‌وه‌ك كارد بووسیه‌یگ و  قاقه‌ز پاك بیلید ئه‌را وه‌ختى ك فره‌ هه‌وه‌جه‌ وه‌پى دیرید، ئمجا جواو ئه‌را وه‌كارهاوردن قاقه‌زه‌یل ئه‌وه‌سه‌ له‌جیاى ئه‌وه‌ك قاقه‌زه‌یل فڕه‌ بدریه‌ن و بسزیه‌ن، تویه‌نریه‌یگ نه‌ف له‌لیان وه‌ربگیریه‌یگ له‌ڕى ئه‌وه‌ك دوباره‌ قاقه‌ز تازه‌ له‌لیان دروس بكریه‌یگ و له‌خه‌رجیش كه‌متره‌و بكریه‌یگ، بیگومان وه‌ى جووره‌ تویه‌نیم یارمه‌تى مقه‌یه‌تیكردن و قورتاركردن دارسانه‌یل جه‌هان بیه‌یم ك هانه‌ وه‌رده‌م مه‌ترسى بڕیان وه‌رده‌وام.