سیاسه‌ت و ڕه‌نگ قرمز

شفق نيوز

ره‌نگ قرمزیش كاریگه‌رى ئاشكراو فره‌یگ داشتگه‌ له‌بان سیاسه‌ت و سه‌ركرده‌یل سیاسى وه‌گشتى و هه‌وڵداین و ئاماده‌یى ئه‌را ره‌سین وه‌و ڕه‌نگ قرمزه‌ له‌لایه‌ن سه‌ركرده‌ى سیاسیه‌وه‌ به‌شیگ بویه‌ له‌ ئامانجه‌یل گرنگ سه‌ركرده‌و جویر ده‌ق یا نه‌سیگ له‌ هویر خوه‌ى چه‌سپانه‌سه‌ى و په‌یڕه‌و ناوخوه‌یى و سستم سیاسى وڵات له‌وه‌ر خاترى خسته‌سه‌ كار.
ره‌نگ قرمز بویه‌سه‌ ریڕه‌ویگ و چین فه‌رمانڕه‌وایش له‌شیوه‌ى موریدیگ هه‌وڵ ئه‌ڕاى دریاگ ئه‌و ریڕه‌وه‌ كه‌فته‌سه‌ هویر ئه‌و به‌دیله‌یله‌ ك وه‌پى له‌یوا بویه‌ گوایا تویه‌نیگ ئه‌و ئامانجه‌ ئه‌ڕاى باریگه‌ دى و غه‌ریزه‌ى وشك و ساده‌ى ئاشق وه‌ ڕه‌نگ قرمز و بوو سه‌ردى تیر بكا، ئه‌گه‌ریش بایم و چه‌ویگ بگه‌ردنیمنه‌ ناو لاپه‌ڕه‌ى تاریخ گوزه‌یشت ئنسانى، ئه‌وه‌ سیاسه‌ت وه‌ك زانستیگ دیار ناو ئه‌و تاریخه‌و به‌شیگ له‌ زانسته‌یل كومه‌ڵایه‌تى وجوود خوه‌یان ئسپات كردنه‌و بوینه‌سه‌ هووكاریگ وه‌ده‌س لایه‌ن و ئه‌نجامده‌ره‌یل دیار مه‌یدان جه‌هان ئنسانى و سیاسى. ئنجا ئه‌و هاوكیشه‌ ناونى ره‌نگ قرمز و سیاسه‌ت ئه‌ڕامان ده‌رخه‌یگ ك بوینه‌سه‌ به‌شیگ ئاشكراى دانه‌وڕیاگ له‌ یه‌كترى.
بڕیگ هه‌وڵداین له‌ گوزه‌یشته‌ كریه‌یگه‌ دى ك تواسگه‌ ریگر بووگ له‌وه‌رده‌م گشت ئه‌و هاوپه‌یمانیه‌تى و لایه‌ن و هیز تیه‌نگه‌ ك تواسگه‌ ده‌م بخه‌یگه‌ ده‌م ره‌نگ قرمز و هه‌ناسه‌ى دریژماوه‌ په‌نگه‌و به‌یگ .
هه‌ر له‌زویه‌وه‌ فكرمه‌نه‌یل و سیاسى و بڕیارده‌ره‌یل سیاسى هه‌وڵ ئه‌وه‌ دانه‌ ك هووكار سه‌ره‌كى رشانن ره‌نگ قرمز له‌ په‌یوه‌ندیه‌یل ناوده‌وڵه‌تى ریك بخه‌ن و كۆنترۆڵى بكه‌ن ك ئه‌و هووكاریشه‌ وه‌ پله‌ى یه‌كه‌م پیكهاتگه‌ له‌ وه‌كارهاوردن هیز له‌ناونى ده‌وڵه‌ته‌یل، ك یه‌یش به‌شیگه‌ له‌ سیاسه‌ت و ستراتیجیه‌ت ئه‌و وڵاته‌یله‌ ك ستراتیجیه‌ت كوڵ ماوه‌یان وه‌ رشانن ره‌نگه‌ قرمزه‌گه‌ كووتایى وه‌پى تیه‌یگ و ستراتیجیه‌ دویرماوه‌گه‌یش پیك تیه‌یگ له‌ وجوود هه‌یمنه‌و باڵاده‌سى له‌ئاست ناوده‌وڵه‌تى، ك دویاخر كومه‌ڵه‌ى جه‌مه‌وكریاگ ره‌نگ قرمز مووركریاگ ك پیكهاتگه‌ له‌ڕه‌نگه‌یل قرمز جیاواز بووگه‌ موڵكى. هه‌ر له‌وه‌ر ئه‌وه‌یش وه‌ دریژایى تاریخ له‌دویاى گشت جه‌نگیگ ناوخوه‌یى و هه‌رێمى و ناوده‌وڵه‌تى گه‌ورایگ ئى هسه‌ له‌شیوه‌ى چه‌ن هه‌وڵیگ سه‌رهه‌ڵداگه‌ ئه‌را ڕیگرتن له‌ دوباره‌بوینه‌وه‌ى جه‌نگ و هاوردنه‌ده‌س ئاشتى ناوده‌وڵه‌تى، ئنجا وه‌رجه‌ ئى سستمیشه‌ ئه‌وه‌ بوى ك كۆنفرانسه‌یل ناوده‌وڵه‌تى خاسترین نموونه‌ى ڕیگرى بوینه‌ له‌ده‌ركه‌فتن و ڕشانن ره‌نگ قرمز و له‌هه‌مان وه‌خت ئى سستمه‌ تواسگه‌ له‌ڕى وه‌كارهاوردن هیزیگ گه‌وراتره‌وه‌ بتویه‌نیگ زاڵ بووگه‌ بان هیز ده‌سدریژیكه‌ر تیه‌نگ ره‌نگ قرمز ك دویاخریش هیزه‌ گه‌وراگه‌ ئه‌را خوه‌ى وه‌ ناچارى بووگه‌ ئاشق ره‌نگ قرمز و هه‌ر له‌وه‌ر ئه‌وه‌یش له‌ رشانن ئه‌و ره‌نگه‌ باس له‌ى ریگه‌چاره‌ كردیم، چوینكه‌ ئه‌و ریگه‌چاره‌ فره‌ كویه‌نه‌و چووگه‌وه‌ ئه‌را وه‌رجه‌ زایین و تائیسه‌یش له‌ سیاسه‌ت ناوده‌وڵه‌تى و په‌یوه‌ندیه‌یل ناوده‌وڵه‌تى كار وه‌پى كریه‌یگ .