دو سه‌ركرده‌ى نه‌مر له‌تاریخ هندستان و كوردستان

شفق نيوز

و جووره‌ تاریخیگ له‌ژیانى توومار كردگه‌، له‌لیان دكتاتۆریه‌ت نیشانداو له‌لیانیش بوى ئنسانیه‌ت، وه‌لى ئه‌وانه‌ك هه‌میشه‌ ئاشتیخواز و دژ تون وتیژى و سته‌مكردن بوینه‌، نموونه‌یان فره‌ كه‌مه‌، چوینكه‌ ئاده‌میزادیگ دادگه‌ر و خاوه‌ن ره‌فتار پاك وبیگه‌رد هویچ وه‌ختى ناوى له‌بان زووان مه‌ردم  نه‌ته‌وه‌گه‌ى خوه‌ى جیا نیه‌وگه‌وه‌و له‌وژدان فه‌رامووش نیه‌كریه‌ى. ئنجا بابزانیم ژیان و ئامانج ئى دو سه‌ركرده‌ى نه‌مره‌ چوین و چه‌ بویه‌؟

* غاندى له‌ 2 ئوكتۆبه‌ر  1869 له‌هندستان له‌ئاواییگ وه‌ناو(پوراندار)هاته‌سه‌ دونیاو باوگى ئه‌ندام دادوه‌رى بویه‌.

* مسته‌فا بارزانییش له‌14ى ئادار 1903 له‌كوردساتان له‌ئاوایى(بارزان)هاته‌سه‌ دونیاو له‌ساڵ 1906 وه‌ل دایگیا خریاسه‌ زندان له‌موسڵ.

* غاندى بیجگه‌ ئه‌وه‌ك سیاسه‌تمه‌دار بویه‌، له‌هه‌مان وه‌خت دژ كوشت و كوشتار و خوینڕشیان و كه‌سیگ ئاشتیخواز و رووشنهویر بویه‌.

* بارزانییش له‌جه‌هان سیاسه‌ت، خاوه‌ن فكره‌ى به‌رز و بى وینه‌یگ بویه‌و هه‌میشه‌ له‌وه‌ر خاتر ئنسانیه‌ت و نه‌ته‌وه‌گه‌ى په‌رچه‌م ئاشتى و ناتون وتیژى و ڕى دانیشتن و گفتوگوو گرته‌سه‌وه‌ر.

* ئامانج غاندى له‌ژیان و له‌مه‌یدان سیاسه‌ت:(خود وه‌ڕیه‌وه‌بردن، سه‌روه‌خوه‌یى، جیاوازى نه‌كردن له‌ناونى ئاده‌میزاد، وه‌رگریكردن له‌خود وه‌بى وه‌كارهاوردن چه‌ك، نه‌‌و ئه‌را تون وتیژى).

* ئامانج مسته‌فا بارزانى(ئازادى و سه‌روه‌خوه‌یى ئه‌را كورد و ملله‌ته‌یل ژیرده‌سه‌، دووسى و ئاشتى له‌ناونى گشت چین و پیكهاته‌یل، ره‌ته‌وكردن تون وتیژى، دابینكردن هه‌ق دیموكراتى و نه‌ته‌وایه‌تى).

* غاندى داوا له‌ملله‌ته‌گه‌ى كردیاگ جه‌نگ ماریفه‌ت و بى چه‌ك بكه‌ن له‌وه‌ر خاتر ئازادى و سه‌ركه‌فتن.

* مسته‌فا بارزانییش، داوا له‌خه‌باتكاره‌یل كردیاگ ڕى زانست و زانیارى بگرنه‌وه‌ر و دویر بگرن له‌زوڵم و سته‌م.

* هه‌ردوگ سه‌ركرده‌ى هندستان و كوردستان نزیكه‌ى هه‌مان عومر و كه‌متر له‌ هه‌یشتا ساڵ ژیان و هه‌ر یه‌كیگ له‌لیان خه‌بات بى وچان كرد له‌وه‌ر خاتر ئازادى و سه‌رفرازى ملله‌ته‌گه‌ى.

* غاندى  له‌عومر(79)ساڵى له‌ 30/ 1/ 1948 وه‌ده‌س تونڕه‌ویگ كوشیا، وه‌لى شووڕش خاسیگ دژ برتانیه‌یل له‌ساڵ 1942 ئه‌نجام داو له‌تى سه‌ركه‌فت.

* مسته‌فا بارزانییش له‌ 11ى شووبات 1979 له‌غوربه‌ت و دویر له‌خاك و خه‌ڵك نیشتمانه‌گه‌ى ماڵئاوایى له‌ نه‌ته‌وه‌ى كورد كردو ماوه‌یگ له‌خاك شنۆى خوه‌رهه‌ڵات كوردستان وه‌خاك سپاریاو دویاخریش له‌ڕى و ڕه‌سم شایسته‌یگ  دوباره‌ له‌ساڵ 1991 ته‌رمه‌ پاكه‌گه‌ى هاوریاوه‌ ئه‌را خاك كوردستان و له‌ناوچه‌ى بارزان وه‌خاك سپاریا.

هه‌ر له‌وه‌ر ئه‌وه‌یش هه‌ردوگ ملله‌ت هندستان و كوردستان، وه‌رده‌وام وه‌ نه‌مر و هه‌میشه‌ زینگ ناو سه‌ركرده‌یلیان تیه‌رنه‌ بان زووان.

 

جه‌ماڵ ئه‌ركه‌وازى