هــــه‌واڵ عــیراق
زياتر له‌ 140 هه‌زار بيگانه‌ ئه‌را به‌شدارى له‌ نه‌وروز سه‌ردان عراق كردنه‌

زياتر له‌ 140 هه‌زار بيگانه‌ ئه‌را به‌شدارى له‌ نه‌وروز سه‌ردان عراق كردنه‌


شه‌فه‌ق نيوز/ ليژنه‌ى ده‌روازه‌يل مه‌رزى، ئاشكراى ئه‌وه‌ كرد ك شماره‌ى مه‌رم هاتگ له‌ عه‌ره‌ب و بيگانه‌ ئه‌را به‌شدارى له‌ جه‌ژنه‌يل نه‌وروز له‌ رووژ جموعه‌ 3/ 16/ 2018 تائيسه‌ ره‌سيه‌سه‌(142,403)هه‌زار كه‌س.

 

ليژنه‌گه‌ له‌ به‌ياننامه‌يگ وت: ئه‌و گه‌شتكه‌ره‌يله‌ له‌ڕێ ده‌روازه‌يل(زرباتيه‌ - شيب – شه‌لامچه‌ - ته‌ياره‌خانه‌ى به‌سره‌ - ته‌ياره‌خانه‌ى نه‌جه‌ف)هاتنه‌سه‌ ناو عراق.

 

جى باسه‌، به‌ياننامه‌گه‌ هه‌ميش وت: ده‌روازه‌ى مه‌رزى زرباتيه‌ پله‌ى يه‌كه‌م بويه‌ له‌ شماره‌ى هاتن گه‌شتكه‌ره‌يل وه‌پيه‌و ك زياتر له‌ 68 هه‌زار گه‌شتكه‌ر و هويچ خروقاتيگ ئاسايشى يا رويداگيگ نه‌ويه‌و گشت ئه‌و مه‌ردميشه‌ وه‌ گووره‌ى رى وشوون و رينمايه‌يل هاتنه‌سه‌ ناو عراق.