هــــه‌واڵ عــیراق
سه‌رچه‌وه‌يگ باس گفتگوو ئى دوياخره‌و رينمايه‌يل برايمه‌ر كرد ئه‌را دامه‌زرانن حكومه‌ت

سه‌رچه‌وه‌يگ باس گفتگوو ئى دوياخره‌و رينمايه‌يل برايمه‌ر كرد ئه‌را دامه‌زرانن حكومه‌ت


شه‌فه‌ق نيوز/ سياسه‌تمه‌داريگ ئاگادار عراقى، باس له‌ ته‌بيعه‌ت دانيشتنه‌يل ئى دوياخره‌ كرد له‌باره‌ى دامه‌زرانن حكومه‌ت عادل عه‌بجولمهدى و ده‌ركه‌فتن ناكووكيه‌يل سنى- شيعه‌ له‌باوه‌ت ئاماده‌كردن وه‌زاره‌ته‌يل و شماره‌ى ئه‌و وه‌زاره‌ته‌يله‌ ك ئه‌كه‌فێده‌ ده‌س لايه‌نه‌يل.

 

رووژنامه‌ى شه‌رقولئه‌وسه‌ت له‌ شماره‌ى ئمڕووى وت: عه‌ره‌ب سنى تائيسه‌ كانديده‌يليان ئه‌را وه‌رگرتن پۆسته‌يل وه‌زارى پيشكه‌ش نه‌كردنه‌ ك هه‌رچه‌نى ماوه‌گه‌يش ته‌واو بويه‌ ك تا 17ى ئى مانگه‌ بوێ.

 

سه‌رچه‌وه‌گه‌ ئاماژه‌ وه‌ ده‌ركه‌فتن ده‌سپيشخه‌رێ كرد و وت: رينمايه‌يليگ هه‌س ئه‌را گله‌وخواردن ئه‌را شيواز دامه‌زرانن ئه‌نجومه‌ن حوكم ك له‌لايه‌ن بۆل برايمه‌ر حاكم مه‌ده‌نيه‌و دانريا له‌ دوياى داگيركارى عراق و وه‌گووره‌ى ئه‌وه‌ ئه‌ندامه‌يلى له‌بان بنه‌ماى به‌شبه‌شايه‌تى تايفى و ره‌گه‌زێ دانريا و شماره‌ى ئه‌ندامه‌يل شيعه‌ له‌ ئه‌مجومه‌نه‌گه‌ له‌و وه‌خته‌ ره‌سيه‌ 13 ئه‌ندام و عه‌ره‌ب سنييش 5 ئه‌ندام و كورديش 3 ئه‌ندام و كه‌مينه‌يليش يه‌ك ئه‌ندام.